Prentsa oharrak - 2018ko martxoaren 15an, osteguna
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak informazio-saio bat antolatu du martxoaren 20ako, asteartea, (19:00) herritar guztiei irekia. Hitzaldi honetan Eraikinen Ikuskaritza Teknikoa (EIT) eta irisgarritasunaren inguruan emango da informazioa eta egon daitezkeen zalantzak argituko dira. Jakina den bezala, 50 urtetik gora eraikinek 2018ko ekainaren 27a baino lehen pasa beharko dute EITa, eta herritar askok agertu dituzten kezkak direla eta, Gipuzkoako EHAEOk legeak gai honen inguruan esaten duena eta eman beharreko pausuak zeintzuk diren azalduko du. Bilera Gipuzkoako EHAEOean (Frantzia hiribidea, 11 – Donostia) izango da eta bertan honako hauek parte hartuko dute: Judith Ubarrechena Gipuzkoako EHAEOko presidentea eta Eduardo Montoya, arkitektoa eta gaur egungo Zuzendaritza Batzordeko kideetako bat. Sarrera doakoa izango da.
Gipuzkoako Euskal Herriko Arkitektoen Elkargo Ofizialaren helburua da, alde batetik, EITaren informazioa herritarrengana helaraztea (zer da EITa eta zeintzuk dauden behartuak egitera), eta bestetik, EITa egiteak dituen onurak edota eraikin bat egoera onean mantentzea suposatzen duen aurrezpenaz informazioa ematea. Horregatik, Elkargoak laguntza eskaini nahi die herritarrei eta bere etxekoa ateak zabaltzen ditu edozein zalantza argitzeko.
Informazio gehiago eskuratu nahi dutenek 943 320 194 telefonora deitu edota komunikazioa@coavnss.org helbidera posta bat idaztea baino ez dute.
Informazio gehiago behar izanez gero, edota elkarrizketaren bat egiteko, jar zaitez gurekin harremanetan:
Raquel López Viña
Komunikazio Saila
EHAEO-COAVN (Gipuzkoa)
tel.: 943320194
komunikazioa@coavnss.org · www.coavnss.org
Prentsa oharrak - 2018ko otsailaren 13an, asteartea
Acometer una obra o reforma en una comunidad de propietarios puede ser una experiencia muy satisfactoria si se cuenta con los profesionales adecuados. Esta campaña ADI presenta una guía rápida que ayuda a elegir los compañeros de viaje adecuados. En todo proyecto de reforma hay tres figuras clave para que el proyecto de rehabilitación llegue a buen puerto: el Administrador de Fincas Colegiado, el Arquitecto o Arquitecto Técnico- Aparejador colegiado y la empresa constructora que llevará a cabo la reforma. Con esta campaña los participantes quieren poner en marcha dinámicas de divulgación, información y formación que conciencien para el buen desarrollo, ejecución o control de estas obras sobre la importancia de contar siempre con profesionales que aseguren una planificación, dirección y ejecución acorde a los resultados pretendidos.
A la hora de acometer una obra resulta fundamental contar con profesionales de confianza y con experiencia para facilitar a las comunidades de propietarios el proceso y garantizar resultados de calidad.
Prentsa oharrak - 2017ko azaroaren 29an, asteazkena
Arizmendi ikastolak (Arrasate) sustatu eta Aitor Axpe arkitektoak eta Rafael Cristóbal hezkuntzan adituak elkarlanean idatzi duten Arkitektura Haur Hezkuntza. Konfiantzaren pedagogia liburua aurkeztuko dute gaur goizean Euskal Herriko Arkitektoen Elkargo Ofizialeko Gipuzkoako ordezkaritzan. Argitalpenaren eta proiektua beraren berri emateko, honako hauek parte hartuko dute: Aitor Axpe arkitektoa eta liburuaren egilea, Arantza Lejarraga haur hezkuntzan aditua; Aitor Elizaran Arizmendi ikastolako Haur hezkuntzako zuzendaria eta Judith Ubarrechena Euskal Herriko Arkitektoen Elkargo Ofizialaren Gipuzkoako ordezkaritzako presidentea. Arkitektoak, hezkuntzan profesionalak eta administrazio publikoko eragileak elkartu eta aretoa bete dute liburuaren aurkezpenean, eta liburua beraren gaia ardatz harturik ondoren egon den jardunaldian.
Lehen aldia da mota honetako liburu bat argitaratzen dena eta Aitor Elizaran Arizmendi ikastolako Haur Hezkuntzako zuzendariak azaldu duen bezala “sinisten dugun horretan, hau da, Konfiantzaren pedagogian, jendartean konpartitu eta gizarteratu nahi izan dugu”. Arantza Lejarraga Haur Hezkuntza adituak esplikatu du “arkitektura ezinbestekoa dela eraldaketa pedagogiko honetan, eta proiektu pedagogikoarekin lotura izan behar du”. Azkenik, Aitor Axpe arkitektoa eta liburuaren egileak liburuaren nondik norakoak zeintzuk diren azaldu du eta xehetasun osoz, eta “talde multidiziplinarretan lan egitearen garrantzia” azpimarratu du.
Liburu hau argitaratzearen helburua da konfiantzaren pedagogia oinarritzat harturik, eskola eta espazioen diseinuan arkitekturak egiten duen ekarpena erakutsi, eta bidez batez, arkitektoen eta hezkuntza arloko profesionalen lana uztartzearen garrantzia azaldu. Liburuan pedagogiaren oinarriak, planoak eta 3D egiturak jasotzeaz gain, zenbait ikastetxeetan izan duen inplementazioa esperientzia jasotzen da. Argitalpen hau oraingoz euskaraz bakarrik badago ere, gazteleraz eta ingelesez argitaratzeko asmoa dago. Liburua, liburu denda nagusietan egongo da eskuragarri.
Jardunaldi honen antolakuntzak Gipuzkoako EHAEOren laguntza izan du.
Prentsa oharrak - 2017ko azaroaren 23an, osteguna
Arizmendi ikastolak sustatu eta Aitor Axpe arkitektoak eta Rafael Cristóbal hezkuntzan adituak elkarlanean idatzi duten Arkitektura Haur Hezkuntza. Konfiantzaren pedagogia liburua aurkeztuko dute azaroaren 28an (asteartea), 12:00etan Euskal Herriko Arkitektoen Elkargo Ofizialeko Gipuzkoako ordezkaritzan (Frantzia pasealekua, 11 – 20012 Donostia). Argitalpenaren eta proiektua beraren berri emateko, honako hauek parte hartuko dute: Aitor Axpe arkitektoa eta liburuaren egilea, Arantza Lejarraga haur hezkuntzan aditua; Aitor Elizaran Arizmendi ikastolako Haur hezkuntzako zuzendaria eta Judith Ubarrechena Euskal Herriko Arkitektoen Elkargo Ofizialaren Gipuzkoako ordezkaritzako presidentea.
Lehen aldia da mota honetako liburu bat argitaratzen dena eta sustatzaileek helburu garbi batekin egin dute: Konfiantzaren pedagogia oinarritzat harturik, eskola eta espazioen diseinuan arkitekturak egiten duen ekarpena erakutsi, eta bidez batez, arkitektoen eta hezkuntza arloko profesionalen lana uztartzearen garrantzia azaldu. Liburuan pedagogiaren oinarriak, planoak eta 3D egiturak jasotzeaz gain, zenbait ikastetxeetan izan duen inplementazioa esperientzia jasotzen da. Argitalpen hau oraingoz euskaraz bakarrik badago ere, gazteleraz eta ingelesez argitaratzeko asmoa dago.
Liburuaren aurkezpena eta gero, ordubete inguru iraungo duen jardunaldi bat egingo da arkitekto, hezkuntza arloko profesional eta Eusko Jaurlaritzako eta Gipuzkoako Foru Aldundiko Hezkuntza eta Azpiegitura sailetako eragileekin.
Jardunaldi honen antolakuntzak Gipuzkoako EHAEOren laguntza izan du.
Informazio gehiago nahi izanez gero, edota aurretik elkarrizketaren bat hitzartu nahi izanez gero, jar zaitez gurekin harremanetan:
Raquel López Viña
Kultura eta Komunikazioa
Euskal Herriko Arkitektoen Elkargo Ofiziala (Gipuzkoa)
tel.: 943320194 · komunikazioa@coavnss.org ·
Prentsa oharrak - 2017ko urriaren 09an, astelehena
Erakusketa hau bihar, urriak 10, 18:00etan inauguratuko da Gipuzkoako EHAEOean Terminus izenburupean, Nafarroako Unibertsitateko Arkitektura Eskolako ikasleen Gradu amaierako proiektuekin egindako erakusketa bihar iritsiko da Gipuzkoako Arkitektoen Elkargora, eta 18:00etan inaguratuko da. Ekitaldian, honako hauek hartuko dute parte: Judith Ubarrechena EHAEOren Gipuzkoako ordezkaritzako presidentea, Eduardo Domingo Nafarroako Unibertsitateko Arkitektura Eskolako Garapen zuzendaria eta Álvaro Clavería Nafarroako Unibertsitateko Arkitektura Eskolako Graduen Programen arduraduna. Baita ere, proiektuen egileak izango dira bertan. Erakusketa hau, urriaren 23ra arte ikusi ahal izango da, astelehenetik ostiralera 9:00eatik 14:00etara.
Erakusketa hau 15 ikasleren lanak osatzen dute, non eraikinaren exekuzio teknikoan eta administratiboan sakontzen duten. Proiektu hauek ikasleek ikasketa prozesuan zehar eskuratu dituzten ezagutza eta gaitasunen ariketa bat izan nahi dute eta arkitektoaren lanbidean hasterako ikasitako materien integrazio orokorraren entsegu orokorrak.
Erakusten diren 15 proiektuetatik, nabarmentzekoa da, besteak beste, Armando Bernáldez donostiarrarena: Bilboko itsasdarreko hiri-tarterako gizarte-etxe, hain zuzen ere. Bidearen perimetroan zehar hiri-erremate bat proiektatu du, giza-erabilera desberdinekin, arkitektura eta hiri-pasaiaren arteko oreka perfektua lortuz, gizartearen zerbitzura. Proiektu honetan azpimarragarria da, gainera, erabilitako hizkuntza grafikoa.
Beste proiektuen artean, askotariko lanak aurkitzen dira: Tate Modernaren handitze proiektu batetik, non ikasle batzuk Herzog and the Meuronekin proiektatzera ausartu diren, Bilboko erdigunean hiri-baratze bat proiektatzera arte. Iruñearako Musika Eskola bat edota Bermeoko porturako Lonja Turistiko bat ere aurkitu datizke. Erakusketa honekin, ikuslea gai da arkitekto gazte hauen prozesu kreatiboan sakontzeko, non mundu berriak imajinatzeko ahalmenean, aukera infinitoak aurkitu daitezkeen.
Nafarroako Unibertsitateko Arkitektura Eskolak, 50 urte baino gehiago daramatzanak arkitektoak trebatzen, erakusketa hau antolatzen duen bigarren aldia da, eta oraingo honetan, hiri desberdinetan ikusi ahal izango da: Iruñea, Donostia, Bilbo, Burgos, Huesca eta Zaragoza.
Prentsa oharrak - 2017ko urriaren 04an, asteazkena
Pasaiako portuko Transatlantiko eraikina DOCOMOMO plaka batekin nabarmendua izango da ostiralean (urriak 6) 12:00etan hasiko den ekitaldi batean. Eraikin hau, 1942. urtean egin zena, mugimendu modernoaren adibide nabarmena da, eta Javier Marquina ingeniariaren izenean erregistratuta badago ere, egiletza Luis Tolosarekin elkarbanatzen zuela jakin dugu. Aurkezpen ekitaldian, honako hauek parte hartuko dute: Judith Ubarrechena, Gipuzkoako EHAEOren presidentea; Ricardo Peña, Portuko Agintaritzaren presidentea; Izaskun Gómez, Pasaiko alkatesa eta Ana Azpiri, historialaria eta La arquitectura de Luis Tolosa liburuaren koordintzailea. Azken honek, eraikinaren eta Luis Tolosaren inguruko hitzaldia emango du.
1928-1956 urteen artean produkzio arrazionalistak Euskal Herriko arkitektura arloan izan duen pertsonaiarik garrantzitsuenetarikoa da Luis Tolosa. Proiektuak sinatzeko beharrezkoa titulurik ez zuenez, berak egindako lan asko beste egile batzuei egotzi zaizkie, baina frogatua dago gaur egungo euskal arkitekturako zenbait obra garrantzitsu bereak direla, esaterako, Pasaiko Transatlantiko eraikina, Donibane Pasaiko Luzuriaga ontziola, edota Andoaingo Laborde Anaiak eta Ziako enpresak, beste batzuen artean.
“Transatlantiko eraikinaren berezitasunak 1925eta 1965 urteen artean eman zen mugimendu modernoaren adibide argia dira eta ez da oharkabean pasatzen”, argudiatu dute Gipuzkoako EHAEOtik. Horregatik, Euskal Herriko Arkitektoen Elkargo Ofizialaren Gipuzkoako ordezkaritzak DOCOMOMO Ibérico fundazioari eskatu eta gero, eraikin hau euren erregistroan sartu dute, eta orain informazio plaka honen ezarpena egingo da.
DOCOMOMOri buruz
DOCOMOMO, Documentation and Conservation of building, sites and neighbourhoods of the Modern Movement (Mugimendu Modernoko eraikin, ingurune eta auzoen Dokumentazioa eta Kontserbazioa) 1990. urtean sortutako nazioarteko erakunde bat da eta bere helburu nagusia da XX. mendeko arkitektura modernoko ondarea inbentariatzea, dibulgatzea eta babestea. 1993an DOCOMOMO Ibérico filiala sortu zen, beste erakunde batzuekin batera, Espainia eta Portugalen lan egiten duena DOCOMOMOren helburu berdinekin.
Jarduera hau Ondarearen Europako Jardunaldien baitan egingo da.
GARRANTZITSUA: Portuko Agintaritzak eskatuta, komunikabideen baieztapena beharrezkoa da, eta ekitaldira joango diren pertsonen datuak (Izen abizenak + NAN) jasotzea ezinbestekoa izango da aurrez aurretik. Hori horrela, gurekin harremanetan jartzea eskertzen da.
Prentsa oharrak - 2017ko irailaren 29an, ostirala
Urtero legez, urriko lehenengo astelehenean Arkitekturaren Mundu Eguna ospatzen da. Egun horrekin bat eginez, eta arkitekturaren dibulgazioa egiteko asmoarekin, Euskal Herriko Arkitektoen Elkargo Ofizialaren Gipuzkoako ordezkaritzak arkitekto eta ez arkitektoentzako ekintzak antolatu ditu, aste guztian zehar egingo direnak. Bestalde, azaroan Donostian egingo den Mugak-Nazioarteko Arkitekturaren I Bienala gertu izanda, ekintzetako asko orain egingo badira ere, Bienalaren baitan antolatzen ari diren kanpoaldean egitarauan kokatzen dira.
Besteak beste, hauek izango dira datorren astean zehar egingo diren ekintzak: Urriaren 2an, 2017ko Arkitekturaren Asteari hasiera emango zaio, Pico del Pañuelo beka erakusketaren irekierarekin batera. Urriaren 3an, Zaisa Dorrera bisita gidatu bat antolatu da, eraikinaren arkitektoa izan den Ángel de la Hozen eskutik. Arratsaldean, aldiz, Egiletza eta Jabetza intelektuala arkitekturan jardunaldia egingo da EHAEOren elkargoan. Urriaren 4an, San Telmo museoan Gipuzkoako Ondare Arkitektonikoaren jardunaldi eta erakusketa bat egingo dira: Urriaren 5ean Creative Commonsen egindako Ikusentzunezko II. Lehiaketara aurkeztutako lanen emanaldia egingo da. Hurrengo egunean, urriaren 6ean Pasaiako Portuan dagoen Transatlantiko eraikinean DOCOMOMO plakaren ezartzea egingo da; arratsaldean, aldiz, Webdoc solasaldia izango da ordezkaritzan, David Dhooge argazkilari eta dokumentalistaren eskutik. Larunbatean, urriak 7, Arkitekturaren Asteri itxiera emateko Villa de San Sebastián hitzaldia emango dute Lola Horcajok eta Juan José Fdez. Beobidek. Ekintza guztiak doakoak badira ere, www.coavnss.org webgunean dauden izen-emate orrietan izena ematea eskatzen da, antolamendu egoki batetarako.
Hau guztiaren berri izateko, urriaren 2an 12:00etan Arkitektoen elkargoko egoitzan (Frantzia pasealekua, 11 – Donostia) Arkitekturaren Astearen inaugurazio-ekitaldiarekin batera, prentsaurreko bat egingo da ekintzen informazio xeheagoa emateko. Judith Ubarrechena Iribarren Gipuzkoako EHAEOren presidentea eta Estanislao Fernández Narbaiza Kulturako bokalak hartuko dute parte aurkezpenean.
Prentsa oharrak - 2017ko uztailaren 20an, osteguna
Euskal Herriko Arkitektoen Elkargo Ofizialaren Gipuzkoako ordezkaritzak, azken egunotan Donostian kokatuta dagoen Portaaviones bezala ezaguna den eraikinaren inguruan prentsan azaldutako azken berrien aurrean bere iritzia eman nahi izan du. Hori horrela, eta prentsan azaldutakori erantzunez bere Presidentearen bidez, eta Zuzendaritza Batzordearen ahobatezko babesarekin, honako ohar hau argitaratzen du.
Informazio gehiago nahi baduzu, edota arkitekto edota zuzendaritza batzordeko kideren batekin elkarrizketa bat hitzartu, jarri zaitez gurekin harremanetan:
Komunikazio saila
comunicacion@coanvss.org
telf.: 943 320 194
Gipuzkoako EHAEO
Frantzia pasealekua, 11
20012 Donostia-San Sebastián
