Gipuzkoako arkitektoak
Euskal Herriko Arkitektoen Elkargoa Gipuzkoan

Euskal Herriko Arkitektoen Elkargo Ofizialak (EHAEO) EHAEOren Sarien XV. edizioko proiektu irabazleak iragarri ditu. Euskadiko, Nafarroako eta nazioarteko arkitekturan erreferentea dira sariok. Saritutako zortzi proposamenen artean, Gipuzkoan kokatutako hiru lan nabarmentzen dira, eguneroko espazioak arkitekturatik eraldatzeko duten gaitasunagatik, balio sozial, historiko eta estetikoa emanez.

• Donostia: Altza auzoa eraldatzen duen kiroldegia (A modalitatea - Arkitektura)

Altzako Udal Kiroldegia, Donostian, bere bikaintasun arkitektonikoagatik ezaguna den obretako bat da. Jesús Leache Resano, Fernando Tabuenca González, Alfonso Herranz Dorremochea eta Javier Chocarro Iriarte nafar arkitektoek sinatu dute proiektua, eta hiri-sarean ondo integratuta egotea eta argi naturala protagonista izateagatik nabarmentezen da. Azpiegitura horrek auzoko espazio publikoa birdefinitzen du, funtzionaltasuna, diseinua eta gizarte-kohesioa bateratzen dituen ekipamendu batez hornituz.

• Getaria: Zarautz Jauregia, kultur ekipamendu berria (B modalitatea - Birgaitzea)

Getarian, Zarautz jauregiaren birgaitzea kultur espazio gisa saritu dute, lan hoentan erakutsitako sentsibilitate eta zehaztasunagatik. Javier Ubillos Pernautek, Iñigo Garcia Odiagak, Marta Alvarez Pastorrek eta Jon Muniategiandikoetxea Markiegik osatutako taldeak begirada garaikide batekin esku hartu du ondarezko eraikin honetan, egurrezko elementuak eta hutsune estrategikoak gehituz, esentzia historikoa galdu gabe erabilera berriak ahalbidetuz. Ondarea etorkizunera begira proiektatzeko moduaren adibide argia.

•  Andoain: ingurune industrialeko fabrika baten jangela (C modalitatea - Barne arkitektura)

Andoaingo industria eremuan, Gonzalo Sánchez Ortega eta Armando Diago Bernáldezek espazio funtzional bat arimadun esperientzia arkitektoniko bihurtu dute. Fabrika bateko jangelan egin duen esku-hartzeak ohiko leku bat ingurune bero eta duin bilakatzeagatik saritu dute, esku-hartze xume baina sakonki adierazkor bati esker. Arkitekturak egunerokoa hobetu dezakeela erakusten du, baita Gipuzkoako ekoizpen-sarean ere.

Bestalde, Patxi Gastaminza arkitekto donostiarrak F modalitatean (Lurraldez kanpoko arkitektura eta hirigintza) lortu du saria, Haitin garatutako Dondon hiri eta komunitatearen hiri-antolamendurako planagatik.

Saritutako proiektu guztiak Euskal Herriko Arkitektoen Elkargo Ofizialaren webgunean kontsulta daitezke.

Proiektu hauek Gipuzkoako arkitekturaren talentua eta konpromisoa islatzen dute, hiriarekin, ondarearekin eta eguneroko bizitzarekin hitz egiteko gai dena. COAVN 2025 Sariek, beste behin ere, etorkizuna eraldatzen eta eraikitzen duen arkitektura biltzea lortu dute.

Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura batzordeak mahai-ingurua egingo du apirilaren 3an, osteguna, 18:00etan, UPV/EHUko Arkitektura Eskolako Paraninfoan, Hiri Eredua: Donostia-Gipuzkoa 2035 izenburupean. Topaketa Ander Gortazar arkitektoak moderatuko du, eta Donostiako Udalean ordezkaritza duten alderdi politikoetako ordezkariek parte hartuko dute: Nekane Arzallus (EAJ/PNV), Juan Marrero (PSE), Juan Karlos Izagirre (EH Bildu), Borja Corominas (PP) eta Víctor Lasa (Elkarrekin). Parte-hartzea doakoa izango da, baina ezinbestekoa izango da aldez aurretik izena ematea Gipuzkoako EHAEOren webgunean. Ekitaldiak aldibereko itzulpen zerbitzua eskainiko du, eztabaidaren jarraipena errazteko. Ekimen honek Gipuzkoako Foru Aldundiko Mugikortasuneko, Turismoko eta Lurralde Antolaketako departamentuaren eta EHUko Arkitektura Eskolaren laguntza jaso du.

INFORMAZIO GEHIAGO

Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura batzordeak, Gipuzkoako etorkizuneko lurralde eta hiri ereduari buruzko hausnarketa eta eztabaida jardunaldien ziklo berri bat zabalduko du, Hiriko itsas-frontea aldaketa klimatikoaren aurrean jardunaldiarekin. Topaketa datorren martxoaren 20an (osteguna) egingo da Zarauzko Santa Klara Komentuan, 18:00etatik aurrera eta gaian adituak diren Gemma García, Jesús Arcos eta Patxi Gastaminza izango dira. Ondoren Daniel Carballo arkitektoak moderatutako solasaldia izango da. Sarrera doakoa da eta herritar guztiei dago irekita, baina lekuak mugatuak direnez, aurretik Gipuzkoako EHAEOren webgunean izena ematea beharrezkoa da. Ekimen honek Gipuzkaoko Foru Aldundiaren Mugikortasun, Turismo eta Lurralde antolaketa departamentuaren eta Zarauzko Udalaren laguntza jaso du.

Ziklo honen 2025eko edizioari hasiera emateko, klima-aldaketa kostaldeko herrietan nola eragiten ari den aztertuko da. Zehazki, Gipuzkoako itsasertzari eragiten dion inpaktu garrantzitsua aztertuko da, baita aurre egin beharreko erronkoei ere, modu integral eta orekatuan heldu beharko litzaiekeenei. Olatuen aldaketak, marea meteorologikoak, itsas mailaren igoera eta haizeak eragindako aldaketak mehatxuak dira kostaldeko azpiegiturarentzat, itsas ekosistemarentzat eta kostaldean dauden nukleoetako biztanleen eguneroko bizitzarentzat. Horregatik, funtsezkoa da planteatutako irtenbideek eragin negatiborik ez izatea espazio publikoan eta, beraz, herritarrengan.

Errealitate honi buruz eta aurrean ditugun erronkei buruz hitz egiteko, hiru adituk hartuko dute parte: Gemma Garcíak, Jesús Arcosek eta Patxi Gastaminzak. Hizlari hauek ikuspuntu teknikotik landuko dute gaia. Ondoren, hizlarien eta publikoaren arteko solasaldia izango da, Daniel Carballo arkitekto doktoreak moderatuta.

Datozen jardunaldiak

Gipuzkoa EHAEOk 2022aren amaieran antolatzen hasi zen lurralde eta hiri ereduari buruzko hausnarketa eta eztabaida jardunaldien hamargarren topaketa da hau (2025eko lehena). Aurten 5 jardunaldi egingo dira guztira, eta dagoeneko finkatu dira hurrengo topaketen datak eta gaiak: apirilean eta maiatzean Hiri eredua: Donostia-Gipuzkoa 2035 jardunaldiak jorratuko dira, bata ordezkari politikoekin eta bestea hirigintzako adituekin, eta Donostian egingo dira; irailean, Easoko Trenbide zabalgunearen etorkizunaz eztabaidatuko da, Donostian bertan ere. 2025eko zikloa azaroan itxiko da, Turismoa eta hiria jardunaldiarekin, Hondarribian.

Gabonetako postalen lehiaketako epaimahaiak dagoeneko erabaki du zeintzuk diren aurtengo irabazleak. Ez da erraza izan aukeratzea, 86 postal iritsi baitira guztira! Hauek izan dira aurtengo saridunak:

Haurren kategoria (2016an eta hurrengo urteetan jaiotakoak):

- Lehen saria: Baserrian, Peru Muñagorri (6 urte)

- Bigarren saria: Din dan don, trineo en acción, Niko Garmendia Badiola (4 urte)

- Hirugarren saria: Miró Gabonetan, Arian Arregi Telleria (7 urte)

Gazteen kategoria (2015 eta 2011 urteen artean jaiotakoak):

- Lehen saria: Urgull, Helene Sarasola Arriaga (11 urte). Gainera, hau izango da EHAEO Gipuzkoak jaiak zoriontzeko erabiliko duen postala.

- Bigarren saria: Zuhaitza, Martxel Sarasola Arriaga (9 urte)

- Hirugarren saria: Ametsak Lotuz, Sara Aizpuru Zubizarreta (11 urte)

Epaimahaiak honako irizpide hauek hartu ditu kontuan sariak ematerakoan: gaiarekiko egokitasuna, ideiaren originaltasuna, adina eta marrazkiaren lanketa.

Sari-banaketa abenduaren 27an izango da, ostirala, 13:00etan, Gipuzkoako EHAEOren behin-behineko egoitzan (Urumea pasealekua, 2 - Behea - Donostia).


Parte-hartzaile guztiek opari txiki bat jasoko dute etxean, parte hartu izanagatik.

Erantsitako dokumentuetan daude aurtengo lan guztiak.

Urtero legez, Gipuzkoako EHAEOk haur eta gazteentzako gabonetako postal lehiaketa jarri du abian. Aurreko urteetako dinamika berdina jarraituko bada ere, hainbat aldaketa egongo dira, beraz, adi irakurri oinarriak!

GAIA
Parte-hartzaileek arkitektura eta gabonak uztartzen dituzten marrazkiak aurkeztu beharko dituzte. 

KATEGORIAK
0 eta 13 urte bitarteko haur eta gazteentzako lehiaketa da, honako kategorietan banatuta:

• Haurren kategoria: 2016etik aurrera jaiotakoak
• Gazteen kategoria: 2015-2011 urteen artean jaiotakoak

SARIAK
Kategoria bakoitzean hiru sari banatuko dira, eta saridunen artean Gipuzkoako EHAEOk Gabonak zoriontzeko erabiliko duen postala aukeratuko da.
Hala ere, parte hartzaile guztiek oparitxo bana jasoko dute etxean. 

EPEAK
Marrazkiak abenduaren 17ko 12:00ak baino lehen aurkeztu beharko dira, Gipuzkoako EHAEOren behin behineko egoitzan (Urumea pasealekua, 2 - behea - Donostia), edota posta elektroniko bidez: komunikazioa@coavngipuzkoa.eus.
Abenduaren 18an webgunean argiratatuko dira irabazleen izenak.  
Sari-banaketa ektialdia abenduaren 27an egingo da, Gipuzkoako EHAEOren behin behineko egoitzan. 

LANEN AURKEZPENA
Marrazkiak honako txantiloi hauetan aurkeztu ahal dira: txantiloi bertikala edo txantiloi horizontala, eta marrazkian bertan ezin izango da egilearen daturik ageri.

Marrazkiarekin batera, datu hauek jasotzen dituen aparteko dokumentu bat aurkeztu beharko da: 

• Marrazkiaren izenburua
• Parte-hartzailearen izen-abizenak
• Jaiotze-urtea 
• Posta-helbidea (parte-hartze oparia bidaltzeko)
• Harremanetan jartzeko telefonoa zenbakia.

Marrazkiak .jpg edo .pdf  formatuan  aurkeztu ahal izango dira.

EPAIMAHAIA
Epaimahaia Gipuzkoako EHAEOren Zuzendaritza batzordeko kideek osatuko dute, eta sariak emateko garaian kalitatea, ideia eta parte-hartzaileen adina hartuko du kontuan.

OHARRA:

Gipuzkoako EHAEOk Gabonei begira antolatzen dituen ekintzen barruan, aurtengoan postal-lehiaketa bakarrik abiatu du, egoitzaren eraberritze lanak direla-eta, zuhaitza apaintzeko ekimena ezingo da eta aurrera eraman.

Urtero legez, abenduaren 3an Euskararen Nazioarteko Eguna da. Hori dela eta, Euskal Herriko Arkitektoen Elkargo Ofizialeko Gipuzkoako ordezkaritzak 'Zeinen ederra den euskara!' lehiaketa jarri du abian, honako helburuarekin: Arkitekturaren eta hirigintzaren esparruan euskara komunikazio-hizkuntza gisa bultzatzea eta euskarazko hiztegiaren aberastasuna zabaltzea.

Parte-hartzaileek arkitektura edo hirigintzaren inguruko euskarazko hitz bat aukeratu beharko dute, eta haren edertasuna erakutsi. Parte hartzaileek aukeratutako hitzak helarazteko garaian euren sormena jarri beharko dute dantzan, eta argazki, bideo eta bestalako baliabidez lagundurik aurkeztu (ikusi adibididea). Hiru sari egongo dira jokoan:

1. Lehenengo saria: Bi lagunentzako afaria edo bazkaria Donostiako Gastronomika Elkartean + opari sorpresa.
2. Bigarren saria: Opari sorpresa
3. Hirugarren saria: Opari sorpresa

Jasotako proposamen guztiak Instagramen argitaratuko dira, beraz, sare-sozial honen eskakizunak kontuan hartzea gomendatzen da.

Proposamenak aurkezteko epea abenduaren 2an amaituko da, eta hauek posta elektroniko bidez helaraziko dira: kultura@coavngipuzkoa.eus

Abenduaren 3an, Euskararen Egunean bertan Instagramen eta gure webgunean argitaratuko dira irabazleen izenak.

Parte-hartzeko xehetasunak OINARRIETAN daude jasoak.

Gipuzkoako EHAEOk 2024ko Gabonetako loteriaren zozketarako 53801 zenbakia erreserbatu du.

Loteriako dezimoak jada eskuratu ditzakezue. Horretarako, hona jo dezakezue: 

• Gipuzkoako EHAEO. Harrera  
  Urumea pasealekua, 2 - behea B lokala
  20014 Donostia 
  
  Eskudirutan ordaindu beharko da zenbateko zehatzarekin. 
   
• 7. zenbakia duen Loteria-administrazioan.
  Secundino Esnaola kalea 1, (Pinares plazan), Donostian