Gipuzkoako arkitektoak
Euskal Herriko Arkitektoen Elkargoa Gipuzkoan

Euskadiko Arkitekturaren Nazioarteko Biurtekoaren (“Mugak”) bigarren edizioaren esparruan, “Belaunaldiz belaunaldiko etxebizitza” erakusketa interaktiboa inauguratu da gaur Añorgako Rezola Museumean, HeidelbergCement-Hispaniaren jabetzan. Erakusketa horren bidez, datorren otsailera arte egingo diren jardueren bidez, XXI. mendeko etxebizitza nolakoa izan behar duen hausnartu ahal izango da.

Erakusketa gaur aurkeztu dute Cementos Rezolako ohorezko lehendakari eta bozeramailea José Mª Echarrik; Museoko zuzendaria Antonio Nolascok; biurtekoaren komisarioa Pedro Astigarragak; Eva Salaberriak, Donostiako Udaleko Donostia Lagunkoia programaren arduradunak, eta Gipuzkoako Claudia Penavnek (COAVN). Erakusketak Eusko Jaurlaritzako Ingurumen, Lurralde Plangintza eta Etxebizitza Sailaren eta Gipuzkoako Foru Aldundiaren lankidetza du, eta hainbat enpresa eta talde profesionalen babesletza eta partaidetzarekin.

Erakusketaren lehengo atala urrian egin zen, Donostiako Zuloaga plazan, eta gaur egun bizi garen etxebizitzen eta etxebizitza horiek XXI. mendeko beharrei eta bizimodu berriei erantzuten dieten hausnartzeko gonbidapena da. Horretarako, dinamika bat proposatuko du, eta, horren bidez, ohiko etxebizitzaren gaineko hesiak eraitsi nahi dira, pertsonek eta familiek benetan behar duten etxebizitzaren alde, gaur egun dituzten era guztietan.

Zuloagako pabiloian abian jarritako ikaste-prozesuarekin jarraitzeko, erakusketan 10 egunetan lortutako emaitzetatik abiatuta, bigarren fase honetan ezagutza- eta eztabaida-prozesuan sakontzeko jarduerak proposatzen dira, ikuspegi lokala lantzeko intentzioarekin.

Erakusketan, kezkak kontuan hartu eta partekatzea planteatzen da, gaur egungo etxeen alternatiba berriak esperimentatuz eta ezagutuz. Gainera, modu kolektiboan hitz egin nahi da, hiriak eta herritarrek gainditu behar dituzten erronkei arrakastaz aurre egiten lagunduko duten proposamenak bilatzeko. Azken batean, gaur egungo etxeak nola eraldatu behar diren identifikatzea da helburua, bertan bizi direnen bizitza aldatuz.

Era berean, erakusketaren testuinguruan tailer berriak egingo dituzte, besteak beste, bateratu eta eztabaidatzeko saio bat Zuloagako ariketa-tailerrean parte hartu zuten taldeekin. Halaber, ikus-entzutezko bat jarriko da, pabiloi iragankor horretan egindako esperientzia azalduz.

Bestalde,  zehaztu gabe dago data oraindik ere, estudioak lortutako lehenengo bi sarien aurkezpena egingo da konferentzia formatuan, arkitektura eta hirigintza E. Bardarji y Asociados, Reinventing Cities lehiaketan, karbono-emisio gabeko hiri-birsorkuntza bultzatzeko sortutako nazioarteko lehiaketa hain zuzen ere. Bi proposamen irabazleak (El Tercer Sonido y El Mercado Habitado) Madrileko hegoaldeko leku gatazkatsuetan sektore espezifikoak berrasmatzen dituzte.

 Museum Cemento Rezola

Museum Cemento Rezola, Luis Peña Ganchegui arkitektoaren obra, bizi garen gizarte honetan zementuak duen garrantzia ezagutzeko espazio bat da.

Bere 19 urtean, erreferentziazko lekua bihurtu da, azken hamarkadetan zementuaren industria, haren aplikazioak eta garapena ezagutzeko aukera eman digun heinean. 2018an 7.705 bisitari izan zituen, eta 2000. urtean inauguratu zenetik 130.000 bisitari baino gehiago izan zituen. Zementuari buruzko erakusketa iraunkorra izateaz gain, arkitekturari, ingeniaritzari, arteari eta diseinuari lotutako aldi baterako erakusketak antolatzen ditu. Halaber, ikasleei eta haur zein gazteei zuzendutako programetan parte hartzen du, baita Añorgako koloniari lotutako memoria eta industria-ondarea berreskuratzeko proiektuetan ere, zementu-fabrikaren sustraietatik sortu eta hazi baitzen.

• Erakusketa interaktiboa ostiral honetan inauguratu da Donostian, eta bertan parte hartu dute Eneko Goia Donostiako alkateak, Iñaki Arriola Eusko Jaurlaritzako Ingurumen, Lurralde Plangintza eta Etxebizitza sailburuak, eta Juana Otxoa-Errarte COAVN elkargoak Gipuzkoan duen ordezkaritzaren presidenteak.
• Erakusketa, zurezko eraikin efimero baten barruan aurkeztua, Zuloaga plazan egongo da ikusgai urriaren 27ra arte, MUGAK Euskadiko Nazioarteko Arkitektura Bienalaren ekitaldien barruan.
• Larunbatetik aurrera, erakusketan lantzen diren gaien osagarri modura, hainbat jarduera antolatu dira; besteak beste, elikadurari eta hiriari buruzko dokumental baten estreinaldia, eta lantegi eta hitzaldi ugari.

Donostia, 2019ko urriaren 18a

Nolakoa da gaur egungo gizartea? Zein dira gure premiak? Nolakoak dira gure etxebizitzak? MUGAK Euskadiko Nazioarteko Arkitektura Bienalaren bigarren edizioaren barruan, Belaunaldiz-belaunaldiko etxebizitza erakusketa interaktiboa inauguratu da gaur goizean, Euskal Herriko Arkitektoen Elkargo Ofizialak Gipuzkoan duen ordezkaritza eta Donostiako Udalak Donostia Lagunkoiren bitartez proposaturik. Inaugurazio-ekitaldian parte hartu dute  parte hartu dute Eneko Goia Donostiako alkateak, Iñaki Arriola Eusko Jaurlaritzako Ingurumen, Lurralde Plangintza eta Etxebizitza sailburuak, eta Juana Otxoa-Errarte COAVN elkargoak Gipuzkoan duen ordezkaritzaren presidenteak.

Herritarrek gaur egungo etxebizitza-ereduari buruz gogoeta egin dezaten lortzea da erakusketaren helburu nagusia; hots, gaur egungo etxebizitzak XXI. mendeko bizimodu eta premia berrietara ondo egokitzen diren hausnartzea. Horretarako, erakusketak jolas bat proposatzen die ikusleei, etxebizitza konbentzionalaren hesiak bota ditzaten eta pertsonok eta familiok, askotarikoak den-denok, behar dugun etxebizitza-eredua babestu dezagun. Erakusketa Donostiako Zuloaga plazan dago ikusgai, propio eraikitako zurezko eraikin baten barruan, eta urriaren 27ra arte egongo da zabalik.

Erakusketaren inauguraziora joandako guztiei ongietorria egin die Eneko Goia Donostiako alkateak. Donostiako Udaleko ordezkarien esanetan, “erakusketa honek aukera paregabea ematen du gaur egungo etxebizitzen inguruko eztabaida publikoa elikatzeko: gaur egungo etxebizitzak gai al dira, eta zenbateraino, pertsonek bizitzan zehar dituzten premiei aurre egiteko? Horixe da galdera. Gainera, etxebizitzen diseinuari dagokionez zer-nolako aldaketak egin beharko genituzkeen aztertzeko aukera ere ematen digu erakusketak, eta etxebizitzen eboluzio ezinbestekoan beharrezkoak diren mekanismoak esploratzekoa ere bai".

Iñaki Arriola Ingurumen, Lurralde Plangintza eta Etxebizitza sailburuaren arabera, “gizartea etengabe aldatzen da, eta etxebizitzek ere malgutasunez egokitu behar dute haietan bizi diren pertsonen bizimodu-eredu eta harreman-mota berrietara. Botere publikoei dagokigu oinarrizko printzipio hori bermatzea, eta hain zuzen ere, Jaurlaritza horretantxe ari da, buru-belarri: Bizigarritasunari eta Etxebizitzen Diseinu Arauei buruzko Dekretua prestatzen”.

Azkenik, arkitekturak ate-joka zer-nolako erronka larriak dituen esplikatu du Juana Otxoa-Errartek, eta hori dela eta, etxebizitzen eta hirien eraldaketan arkitektura zein garrantzi handikoa den gogorarazi du: "Familiak, bizimoduak, premia berriak... Dena aldatzen da urteen joanean, eta gai izan behar dugu etxebizitzak bertan bizi diren pertsonen premietara egokitzeko". Horregatik, Belaunaldiz-belaunaldiko etxebizitza erakusketak etxebizitza-diseinu berritzaileenen eredu ugari jarriko ditu ikusgai, denak ere gizarteak ate-joka dituen erronkei ­(biztanleriaren zahartzea, familia-eredu berriak…) erantzutea helburu dutenak.

Erakusketan, besteak beste, EEEstudio eta Lys Villalbaren proiektu bat egongo da ikusgai: birziklatzeko materialekin eraberritutako etxola bat, haren elementuak beste era batera, modu urratzailean, berriz kokatuz landa-eremua bizigarri bihurtzen duena hiri-giroko etxebizitzetan bizitzera ohiturik dauen familientzat (Espainia hutsaren garaiotan, landa-eremua aintzat hartzea da proiektu honen asmoa).

Zenbait emakume profesionalek osaturik dago Col.lectiu Punt 6 diziplinarteko taldea, eta haiek proposatua da erakusketan ikusgai dagoen hurrengo proiektua, etxebizitza konbentzionalaz harago joatea helburu lukeen hirigintzaren eta zaintza-sareen arteko halako uztardura batean ardaztua, genero-berdintasuna eta gure zahar eta haurren zaintza bermatzeko. Ekonomia-, ingurumen- eta gizarte-jasangarritasuna lortzea da proiektuaren helburua.  

SAAT arkitektura-enpresak Entrepatios Las Carolinas proiektua ekarriko digu Donostiara: Madrilen martxan jarritako ekimen erreal bat da proiektua, eta eraikin bateko bizilagunek lankidetzan eraikitako etxebizitzaren esperientzia du oinarri; bizilagunek hasiera-hasieratik heldu zioten etxebizitza diseinatzeko eta eraikitzeko lan guztien prestaketari: hasierako ideien konfigurazioa, gune komunen definizioa, etxebizitzak denboraren joanean nola eboluzionatu beharko lukeen erabakitzea…

Maio Architects estudioak ere denboraren joanari heltzen dio, eta Bartzelonako etxebizitza bat ohi ez bezala, modu diferentean, nola eratu duten erakutsiko digute. Etxebizitzak tamaina bereko hainbat gela ditu, baina bakoitza zertarako erabili ez da aurrez zehazten; erabilera familia bakoitzak definitu ahal izango du, haien behar eta errutinen arabera. Hori gutxi ez, eta denboraren joanean premiak aldatzen badira, bizilagunei beste gune batzuk erosteko aukera ere ematen zaie.

Lacol arkitektura-estudioak ere bere proiektuak ekarriko dizkigu: esate baterako, Bartzelonan herritarren parte-hartzearekin martxan jarritako etxebizitza kooperatiboen proiektua, elkarren babesean eta elkar laguntzan oinarritua, eta bizilagun izango direnei beren etxebizitzak diseinatzeko eta espazio publikoak kudeatzeko aukera ematen diena. Enorme Studio-ko lagunak ere etorriko dira, beren altzari malgu eta birakariak erakustera; familien barruan denborarekin gertatzen diren aldaketei aurrea hartzea dute helburu altzari-mota horiek, unean uneko premietara egokitzeko asmoz.

Erakusketak berak ate-joka ditugun desafio larriei erantzutea du helburu, tartean baita klima-aldaketak ekarriko dizkigun arazoei. Alde horretatik, Otxoa-Errartek esplikatu duenez, "ez da kasualitatea erakusketa zurezko egitura baten barruan aurkeztea: keinu bat egin nahi izan dugu nolabait, horrek material ekologikoen erabilera sustatzeko balio dezakeelakoan". Hori dela eta, Otxoa-Errartek esan du erakusketarako erabili diren material asko beste gauza batzuetarako berrerabiliko direla, eta horren asmoa ekonomia zirkularra bultzatzea dela.

Jarduera paraleloak

Belaunaldiz-belaunaldiko etxebizitza erakusketa hurrengo urriaren 27ra arte egongo da zabalik, Donostiako Zuloaga plazan. Erakusketarekin loturik, gainera, beste hainbat jarduera ere antolatu dira. Bihar, larunbata, urriak 20, arratsaldeko 18.30ean, Elikadurari eta hiriari buruz solasean dokumentalaren estreinako emanaldia ikusteko aukera egongo da Donostiako San Telmo museoan. Habitar taldearen dokumentalean, elikadurak gure hirien egiturarekin zeinen lotura estua duen erakusten da, eta gogoeta bat proposatzen da elikadura-modu berriek (eta are kozinatzeko edo ez kozinatzeko deliberoak) gure hirietan duten inpaktuaz; dokumentalaren arduradunek nabarmendu dutenez, “janaria, gaur egun, estu loturik dago hirigintzarekin eta gizalegearekin; eta estu loturik dago, ez bakarrik janaria produzitzeko, banatzeko eta saltzeko moduagatik: janariak gero eta presentzia handiagoa du espazio publikoan, eta horrek ondorio ugari eragiten ditu”.

Erakusketak irauten duen bitartean, hainbat lantegi egingo dira era askotako taldeekin, erakusketak bakoitzarengan utzitako arrastoa kontrastatu eta, ikuspegi guztiak esperimentazio-maketa batean uztarturik, horren bidez lortutako ezagutza berriei esker gai izan gaiten diseinu- eta, batez ere, arkitektura-baliabide berriak sortzeko, horrek guztiak gure gizarteak etxebizitzaren alorrean dituen erronka ugariei erantzuteko balio diezagun.

Horretaz gain, egunero, eguerdiko 12.45ean, erakusketa ikustera doazenek ohiko etxebizitzen ordezko mikropilula alternatiboak aurkituko dituzte; alegia, jada martxan jarrita dauden proiektuei buruzko aurkezpen labur-laburrak, etorkizuneko etxebizitzek nolakoak izan beharko luketen proposatzen dituztenak; hona hemen egitaraua: 

Urriak 20, igandea: Enrique Espinosa (EEEstudio +Lys Villalba)

Urriak 21, astelehena: Carles Baiges (Lacol Arquitectura)

Urriak 23, asteazkena: Alfredo Lérida (Maio Architects)

Urriak 24, osteguna: Fernando Campos, Elena Castillo, Iñaki Alonso, Marta Torralba (Satt Arquitectura)

Urriak 25, ostirala: Roser Casanovas eta Sara Ortiz (Col.lectiu Punt 6)

Zuloaga plazan ez ezik, eta betiere MUGAK Bienalaren barruan, azaroaren 27tik hurrengo urteko otsailaren 29ra bitartean, Museum Cemento Rezolan ere egongo da Belaunaldiz belaunaldiko etxebizitza erakusketa ikusteko aukera.

Erakusketaren antolaketan, eragile hauek guztiek parte hartu dute:

Laguntzaileak:Eusko Jaurlaritzako Ingurumen, Lurralde Plangintza eta Etxebizitza Saila; Gipuzkoako Foru Aldundia

Babesleak:  Egoin, Kursaal taldea, Niessen, Enedi taldea (UPV/EHU), Arima Hotela, Láser Audiovisuales, Morgan Crea, Q+D, Ondarreta, Katagraphic Rotulacion

Partaideak: Enorme; HABITAR / INHABITING', Grupo de Investigación UPC Barcelona, Lacol Arquitectura cooperativa, LyS Villaba, EEEstudio, sAtt: Arquitectura abierta; Co-lectiu Punt 6

Informazio gehiago nahi izanez gero, jarri harremanetan gurekin:

MUGAK Euskadiko Nazioarteko Arkitektura Bienaleko komunikazio-saila:

Eduardo Ortiz de Arri

Tel.: +34 647 770052

comunicacion@bienalmugak.eus

www.bienalmugak.eus

COAVN elkargoak Gipuzkoan duen ordezkaritzako komunikazio-saila:

Raquel López

Tel: 943 320 194 / 629 855 934

komunikazioa@coanvss.org

Bihar, urriak 18 ostirala, ‘Belaunaldiz Belaunaldiko Etxebizitzak’ erakusketa interaktiboa aurkeztuko da prentsaurrekoan. Ekitaldia 12:30ean hasiko da Donostiako Zuloaga enparantzan (San Telmo Museoaren aurrean) eta alkatea, Eneko Goia,  Eusko Jaurlaritzako Ingurumen, Lurralde Plangintza eta Etxebizitza sailburua, Iñaki Arriola, eta Euskal Herriko Arkitektoen Elkargo Ofizialaren (COAVN) zuzendaria, Juana Otxoa-Errarte, egongo dira bertan.  

Ekitaldia MUGAK Euskadiko Nazioarteko Arkitektura Bienalaren jardueretako bat da, Eusko Jaurlaritzako Ingurumen, Lurralde Plangintza eta Etxebizitza Sailak burutua. Erakusketa Gipuzkoako Euskal Herriko Arkitektoen Elkargo Ofizialak eta Donostiako Udalak antolatua da, Donostia Lagunkoiaren bitartez.

‘Belaunaldiz belaunaldiko etxebizitzak’ erakusketak gizartea diseinu berri baten gainean sentikortzea du helburu, batez ere diseinu arkitektoniko baten gainean, XXI. mendeko ikuspuntu eta elkarbizitza eredu berriek proposatzen duten erronka berriei erantzuna emateko gai dena.

Hona hemen deialdiaren xehetasunak:

•  EHAEO-COAVNek bere eskua administrazio publikoei eskaini die, hirigintzan eta eraikigarritasunean soluzio berritzaileak bultzatuko dituzten politikak gauzatzeko
• Jardunbide profesionala ingurune jasangarriagoen proiekziora bideratuko duen ekintza plana aurrera eramateko konpromisoa
• EHAEO-COAVNeko Dekanoaren iritziz, beroketa globala murrizteko lan egitea “eskakizun etikoa” da

Euskal Herriko Arkitektoen Elkargo Ofizialak (EHAEO-COAVN) bat egin du Consejo Superior de los Colegios de Arquitectos de España (CSCAE) elkartearen klima eta ingurumen larrialdiari buruzko adierazpen instituzionalarekin. Bertan, bere jarduketa eremuaren barruan, beroketa globala murrizteko beharrezkoak diren neurriak ezartzeko eta indartzeko konpromisoa erakusten du, eta, hemendik 2050era, Euskadi eta Nafarroa ingurumen eragin txikiko ekonomia lehiakorrak izan daitezen, EBarekin eta nazioarteko komunitatearekin erakutsitako konpromisoan adierazten denez.

Arkitektoen iritziz beharrezkoa da beroketa orokorrak dakarren erronkaren magnitudea aitortzea, eta eraikita dagoen habitata hori murrizteko egokitzea “guztiz garrantzitsua” dela esan dute. Onetsitako adierazpenean jasotzen den bezala, “Gaurtik 2050era negutegi efektuko gasen isurketak %80 murrizteko, EBko ibilbide orriak adierazten duen bezala, eta beroketa orokorraren ondorioak konponezinak izatea saihesteko, arkitektoek gure erantzukizunari eta gizarteak eskatzen digun lidergoari erantzun behar diegu, gure lana indartuz, bakoitzaren eguneroko lan jardunean eta baita talde gisa ere”.

Klimaren mehatxuak dakartzan erronkei erantzutea “Arkitekturaren ezinbesteko konpromisoa eta eskakizun etikoa” dela onartuz, “gure ezagutza eta esperientzia Administrazio publikoen esku jarriko ditugu, hirigintzan eta eraikigarritasunean konponbide berritzaileak emango dituzten politika publikoetan modu koordinatuan lan egiteko”, adierazi du Matxalen Acasuso EHAEO-COAVNeko Dekanoak.

Euren lanak ‘84 Exposition Internationale Ligne et Couleur’ erakusketan egongo dira ikusgai, Europako beste arkitekto batzuenekin batera

Donostian, 2019ko uztailaren 10ean

Gipuzkoako arkitektoekin osatutako talde bat gaur goizean abiatu da Paris aldera, 84 Exposition Intenational Ligne et Couleur erakusketan parte hartzera. Uztailaren 11 eta 22 bitartean Frantziako hiriburuko Luxenburgo Jardinetan kokatuta dagoen L’Orangerie du Senat eraikinak hartuko duen erakusketa parte hartuko dute, non arkitekto gipuzkoarren lanez gain, Alemania, Italia, Eskozia, Hungaria eta Poloniatik etorritako beste arkitektoen margo-lanak, eskulturuak, argazkiak, egur-tailak… ikusgai egongo dira. Koloreren izenpean, eta Ligne et Couleurri senidetutako elkarte gisa, Gipuzkoako ordezkariak hauek izango dira: José Antonio Barea, Lorenzo García, Carlos Orlando, Claudia Pennese, Jon Sáenz del Castillo eta Jon Sistiaga.

José Antonio Barea arkitektoak proposatuta, eta Euskal Herriko Arkitektoen Elkargo Ofizialaren Gipuzkoako ordezkaritzaren laguntzarekin, pasa den irailean abiatu zen Kolore taldea, Ligne et Couleur europar sareko elkarte homologatu gisa, eta Gipuzkoako arkitekto-artistak ordezkatu dituena. Momentuz sei dira edizio honetan parte hartzera animatu direnak, guztiak Gipuzkoako EHAEOko elkargokideak, baina datozen urteetan gehiago batzea espero dute.

Ligne et Couleur Elkarteari buruz

Ligne et Couleur elkartea 1930. urtean sortu zen XIX. mendean Les amants de la Nature elkartearen jarraipen gisa. 50. hamarkadan elkarteak Europara hedatu nahi izan zuen, horregatik izen bereko elkarteen sare bat sortu zen Batasuneko herrialde desberdinen artean. Horrela, esperientzien elkartruke bat ezarri zen askoren artean egiten diren erakusketekin. Bada, gaur egun Ligne et Couleurrekarkitekto artistak batzen ditu, beraien ideia kreatiboak ikustarazten dituztenak ekintza desberdinen bidez eta jardunaren ekintza osagarriak direnak: pintura, marrazketa, grabatuak, eskultura tapizgintza, argazkilaritza, infografia...

Argazkian (ezkerretik eskuinera): José Antonio Barea, Carlos Orlando, Lorenzo García (atzean), Claudia Pennese, Jon Sistiaga eta Jon Sáenz del Castillo.

Informazio gehiago nahi izanez gero, jar zaitez gurekin harremanetan:

Raquel López Viña

COAVN Gipuzkoa

Departamento de comunicación

komunikazioa@coavnss.org

Tel. 943 320 194 / 629 85 59 34

• XIII. edizioa da eta, berrikuntza gisa, hiru modalitate berri jasotzen ditu: Lurraldez gaindiko Arkitektura eta Urbanismoa; Arkitektura eta Urbanismo Iraunkorra; eta Administrazio Publikoaren zerbitzuan ari den Arkitektoari egiten zaion Aipamen Berezia. Azken kategoria horretan Ibon Areso, Enrique Ponte eta Vicente Vitoria arkitektoek jaso dute aipamena
  

• Oraingo honetan ekitaldia Bilboko Azkuna Zentroan izan da, eta bertan 200 pertsona inguru elkartu dira, Arabako, Bizkaiko, Gipuzkoako eta Nafarroako arkitekturako eta gizarte bizitzako pertsonalitateen artean
  

• Sari horiek hiru urtez behin ematen dira, eta elkargo mailan arkitektoek egiten duten jarduera profesionalarekin erlazionatutako lanak aintzatesten dituzte
  

Bilbon, 2019ko uztailaren 1ean. Euskal Herriko Arkitektoen Elkargo Ofizialak 2019ko EHAEO-COAVN Arkitektura Sariak banatu ditu gaur, bere 8 modalitateetan. Berrikuntza gisa, XIII. edizio honetan hiru modalitate berri jaso ditu: Lurraldez gaindiko Arkitektura eta Urbanismoa; Arkitektura eta Urbanismo Iraunkorra; eta Administrazio Publikoaren zerbitzuan ari den Arkitektoari egiten zaion Aipamen Berezia. Azken kategoria horretan Ibon Areso, Enrique Ponte eta Vicente Vitoria arkitektoek jaso dute aipamena.

Azkuna Zentroa izan da EHAEO-COAVN Arkitektura Sariak banatu diren agertokia. Ekitaldian 200 pertsona inguru elkartu dira, Arabako, Bizkaiko, Gipuzkoako eta Nafarroako arkitekturako eta gizarte bizitzako pertsonalitateen artean.

Sari horiek hiru urtez behin ematen dira, eta elkargo mailan arkitektoek egiten duten jarduera profesionalarekin erlazionatutako lanak aintzatesten dituzte. Modalitate bakoitzean saritutakoak hauek izan dira:  

2019KO EHAEO-COAVN ARKITEKTURA SARIEN IRABAZLEAK

Arkitektura eta Urbanismo Iraunkor modalitatea

Kategoria berri honen bitartez, EHAEO-COAVNek, 25 urte baino gehiagoz bere arkitektura balioa zaindu duen obraren arkitektura kalitatea aintzatesten du.

Oraingo honetan, saritutako proiektua Roberto Urtasun, Luis Fernando San Martín eta Xabier Sánchez de Muniain arkitektoen Iruñeko Udal Aurrezki Kutxaren Eraikin Nagusia da. Denboran zehar erabilera aldaketetara egokitzen jakin duen lana.

Arkitektura arloko kultura, hedapena eta berrikuntza

Iñaki Bergera arkitektoaren “Fotografía y arquitectura moderna en España” lana da irabazlea.

Lurraldez gaindiko Arkitektura eta Urbanismo modalitatea

Senegalen dagoen Bambeyko Unibertsitateko ikasgela eraikin berriak, Javier Pérezek eta Federic Pardosek egindako proiektuak, jaso du kategoria honetako saria.

Urbanismo modalitatea

Modalitate honetan hirigintza arloko planteamendua eta hiriko jarduketa saritzen dira. Bi dira saritutako proiektuak: María Urmeneta eta Francisco Javier Chocarro arkitektoen Oliteko Erdigune Historikoko Plan Berezia; eta Pasaiako portuko zerbitzu gunearen Antolamendurako Plan Bereziaren Berrikuspena, Pablo de la Hozek eta Ángel de la Hozek eginiko proiektua.

Barne arkitektura eta jarduketa iragankor modalitatea

Saria ex-aequo eman zaie Xavier Chérrez eta Raquel Cantera arkitektoen Iruñeko Arkitektura Tailerrari eta Daniel Galarren, José Luis Vélazen eta Javier Gilen C2 NO Boundaries lanari.

Birgaitze eta zaharberritze modalitatea

Antonio Vaillo, Juan Luis Irigaray, Daniel Galar eta José Luis Vélaz arkitektoen Iruñeko Psikiatria multzoak jaso du kategoria horretako saria.

Arkitektura modalitatea

2019ko EHAEO-COAVN Sariek proiektu hauek aintzatetsi dituzte modalitate honetan: “Habitar la fachada”, Javier Larraz arkitektoaren etxebizitza kolektiboa, Iruñean; Pablo de la Hoz, Ángel de la Hoz, Susana Figueroa eta Francisco Javier Fuente arkitektoen Donostiako Arima Hotela; eta Carlos Peredak eta Oscar Pérezek Iruñean egin duten familia bakarreko etxebizitza bat.

Administrazio Publikoaren zerbitzuan ari den Arkitektoari egiten zaion Aipamen Berezia

Modalitate berri honek, arkitekturako profesionalek administrazio publikoan egin duten ibilbidea aintzatesten du. Sarien edizio honetan, sarituak Ibon Areso, Enrique Ponte eta Vicente Vitoria izan dira.

2019KO EHAEO-COAVN ARKITEKTURA SARIEN FINALISTAK

2019ko EHAEO-COAVN Sarien hamahirugarren edizioko proiektu finalistek ere euren lana aintzatesten duen diploma jaso dute sariak banatzeko ekitaldian.

Arkitektura eta Urbanismo Iraunkor modalitatea

Industria nabea kirol anitzeko pista bilakatzea eta industrialdea parke publiko bilakatzea, Bergaran, Ramón Garitano arkitektoaren proiektua.

Lurraldez gaindiko Arkitektura eta Urbanismo modalitatea

Finalistak, Senegalen dagoen Gaston Berger Unibertsitateko ikasgela eraikin, kiroldegi eta igerileku berrien proiektuak, Javier Pérez eta Federic Pardos arkitektoek egindakoak; eta Zamoran dauden Kultur Intereseko Ondasunen zainketarako pabiloiak, Enrique Jerezen eta Koldo Fernándezen lana.

Urbanismo modalitatea

Oinezkoentzako igarobidea Miramongo parkearen gainean, Donostian, Ángel de la Hoz arkitektoaren lana.

Barne arkitektura eta jarduketa iragankor modalitatea

Abaco proiektua, Iruñeko Hartza jatetxea izandakoaren egokitzapena, Daniel Galar, José Luis Vélaz eta Javier Gil arkitektoen lana; Bilboko Athletic Museoa, Antonio Vaillo, Juan Luis Irigaray, Daniel Galar, José Luis Vélaz eta Carlos Iraburu arkitekoek egindakoa; eta Bilbon dagoen “100.60 Apartamentua”, Cristina Acharen eta Miguel Zaballaren proiektua, izan dira modalitateko finalistak.

Birgaitze eta zaharberritze modalitatea

Hiru proiektu izan dira finalistak: Dique 2A Berria, Bilboko Olabeaga auzoan etxebizitza eraikinaren birgaitze eraginkorra, Beñat Saratxagak eta Gentzane Goikuriak egindakoa; Durangoko Kurutziaga ikastolaren birgaitzea eta handitzea, Eduardo Landia eta Jesús Ángel Landia arkitektoek egindakoa; eta, azkenik, Iruñeko Bicho Amarillo, Javier Martín, Víctor Larripa, Javier Martínez eta Daniel Ruiz de Gordejuela arkitektoena.

Arkitektura modalitatea

David Serranoren eta Maier Vélezen Azkoieneko AGL etxea; Santiago Virto arkitektoaren Cintruenigoko MM etxea; eta Cristina Acharen, Miguel Zaballaren eta Andrés Izaren Igorreko Inazio Zubizarreta Ikastola izan dira modalitateko finalistak.

EZAGUTU PROIEKTU SARITU GUZTIAK

Claudia Pennese eta Victor Aspek euren karguak berritu dituzte batzorde kide gisa hiru urte gehiagorako Arkitektoen Elkargo Ofizialeko Gipuzkoako ordezkaritzan

Donostian, 2019ko ekainaren 17an

Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak presidente berria du, Juana Otxoa-Errarte Goikoetxea arkitektoaren izendapena eta gero. Horrela, Judith Ubarrechenak testigua pasatu dio Otxoa-Errarteri, presidente gisa hiru urte eta beste bi batzordekide bezala egon ondoren, EHAEOren estatutuak jasotzen duten lez elkargo-postu batean egon daitezkeen legegintzaldien maximora iritsi eta gero. Bestalde, Claudia Pennese eta Victor Aspe arkitektoek bartzordekide gisa berritu dituzte euren karguak hiru urte gehiagorako.

Gipuzkoako EHAEOko presidente berriak ilusio handiarekin hartu du kargua, eta azaldu duenez, “aurreko taldeak hasitako bideari jarraipena emateaz gain, datorren urteetan arkitekto gisa gure jardunak duen balioa erakutsi nahi dugu, eta herritarren konfiantza gure kolektiboarekiko sustatu”. Bestalde, presidente berriaren esanetan, “etxebizitza berrien garapenak dakartzan erronka berriei aurre egin beharko diegu, horien adibideak urriaren 21 eta 25aren artean Donostian egingo den Arkitektura Bienalean erakutsiko ditugunak”. Gainera, “ezin ditugu ahaztu gure ardurak: ingurune geroz eta jasangarriagoak eta eraginkorragoak sortu eta ingurunea, osasuna eta pertsonen konforta errespetatzen dituztenak”.

Juana Otxoa-Errarte (Urdiain, 1969) hogei urte daramatza arkitekto gisa lan egiten, azken hamalauetan Peter Albrechtekin batera a+o arquitectos estudioan. Eraginkortasun energetiko altuko eraikinen eraikuntzan eta birgaitzean espezializatu da, batik bat. Beste lan batzuen artean, azpimarragarria da Nafarroan dauden XVII. mendeko zenbait eraikinen birgaitze integrala, Donostian EnerPHi estandarrarenpean egindako birgaitzea etxebizitza-bloke oso batean ‑estatu mailan egin den lehena‑, edota ia kontsumorik ez duten etxebizitzen eraikuntzan, horietako bat Gipuzkoan dagoena Passivhaus ziurtapenaren jasotze-prozesuan.

Pasa den maiatzaren 31n Gasteizen egin zen Batzorde Orokorrean EHAEOren hauteskundeen emaitzak ezagutzera eman ziren. Ondoren, Dekanatuko eta EHAEOren lau ordezkarietzako kargu desberdinetako izendapen ofizialak egin ziren.

Informazio gehiago nahi izanez gero, edota elkarrizketaren bat egin, gurekin harremanetan jartzea baino ez duzu:  

EHAEO Gipuzkoa

Raquel López Viña

Komunikazio-saila

Tel. : 943 320 194 / 629 855 934