Berriak - 2017ko urtarrilaren 13an, ostirala - 0 Iruzkinak
Iñaki Valcárcelen Donostiako kantoi biribilak erakusketaren irekiera berezia atzo arratasaldean egin zen EHAEOko Gipuzkoako ordezkaritzan. Erakusketa hau Cheyenne Harley Davidsonek babestu zuen, eta hori dela eta, motoak eta arkitekturak bat egin zuen giro onak faltatu ez zen ospakizun honetan.
Erakusketa urtarrilaren 18ra arte ikusi daiteke Gipuzkoako EHAEOko erakusketa gelan, 9:00etatik 14:00etara.
Berriak - 2016ko abenduaren 16an, ostirala - 0 Iruzkinak
Zure erantzuna EZEZKOA bada, horrek esan nahi du egiten duzun gauza bakoitzerako kalitatezko profesionala bilatzen duzula, gaian aditua.
Euskal Herriko Arkitektoen Elkargo Ofizialeko Gipuzkoako delegazioko (COAVN-GI) kideok proposatzen dizugu profesional aditu batengana jotzea Eraikinen Ikuskapen Teknikoa (EIT) egiteko, zure eraikinaren aurrealdea birgaitzeko, igogailu instalazioak egiteko edo ataria berritzeko beharra duzunean. Kasu horietan, profil profesional egokia da Goi Mailako Arkitektoa.
Goi Mailako Arkitektoak zure eskura jarriko ditu bere formakuntza eta ezagutza guztiak, eta egin nahi duzun esku-hartzea optimizatzen lagunduko dizu.
Goi Mailako Arkitektoak...
Jar itzazu zure ideia, behar eta desirak Goi Mailako Arkitektoaren eskuetan; horiei forma emango die eta zuk gustuko duzun moduan gauzatuko ditu. Profesional honen esku-hartzea indarrean dagoen araudira egokituko da eta azken emaitzak kalitate eta erosotasun maila altua izango du. Goi Mailako Arkitektoak burutzen duen kudeaketa globalari esker, emaitza optimizatuak lor daitezke.
Edozein zalantza baduzu, jar zaitez lasai gurekin harremanetan: 943 320 194
Berriak - 2016ko abenduaren 14an, asteazkena - 0 Iruzkinak
Datorren abenduaren 17an Gipuzkoako EHAEOko Jasangarritasun batzordeko kideak Tolosako Energiaren Azokan parte hartuko dute (Triangeluaren plazan). Herritarrek eraikinen birgaitze eta eraginkortasun energetikoaren inguruan dituzten kontsultak eta zalantzak egin ahal izango dituzte. Ordutegia hauxe izango da 10:00etatik 14:00etara.
Tolosako Energiaren Azoka 2016 energia berriztagarrietan eta eraginkortasun energetikoan ardazturiko jarduera hedatzailea.
Berriak - 2016ko abenduaren 07an, asteazkena - 0 Iruzkinak
Bill Addis irakasleak Momentos clave en al historia de la construcción en Inglaterra hitzaldia emango du abenduaren 14an 12:30ean Donostiako Koldo Mitxelena Kulturunean. Hitzaldia publikoarentzat irekia izango da. Egonaldia egin du Euskal Herriko Unibertsitatean, irailaz geroztik, eta hitzaldian, Eraikuntzaren Historia hartuko du ardatz, bere herrialdea hizpide hartuta (Ingalaterra). Hitzaldia gazteleraz izango da.
Bill Addisi buruz
Bill Addis ospe eta itzal handiko irakasle eta profesionala da. Makina bat argitalpen egin ditu eraikuntzaren historiari buruz. Berea da "Building. 3000 years of Design, Engineering and Construction" (Phaidon; 2012). Berak egiten du buru Eraikuntzaren Historiari buruzko Kongresu guztietako Batzorde Zientifikoetan. Profesionala izan da Londreseko Bureau Happold-en, eta irakasle, Reading Unibertsitatean eta Cambridgeko Arkitektura Sailean
Berriak - 2016ko azaroaren 11an, ostirala - 0 Iruzkinak
Nazioartean Mugimendu Modernoaren arkitekturan adituak diren hizlariak IX DOCOMOMO Ibérico biltzarra – Kultura ondarea eta gizartea biltzarrean parte hartuko dute azaroaren 16, 17 eta 18an ospatuko den kongresuan, UPV/EHUko Carlos Santamaria Zentroan (Elhuyar plaza, 2). Lehen aldia da Euskal Herrian gai honi buruzko biltzar bat egiten dena, eta honako hiru arlo tematikoak landuko dira: Mugimendu modernoa eta garapen soziala, Hiritarren parte-hartzea: heziketa, informazioa eta zabalkundea eta Kultura ondarearen ekonomia eta kudeaketa. Helburua da XXI. mendeko herritarrei helaraztea Mugimendu Modernoaren ondare kulturalaren balioa, obra hauek garai gertuago batean eraikiak izateagatik ez dutela balio arkitektoniko gutxiago. Bestalde, gizartearen inplikazioa sustatu nahi da eraikitako ondasun kulturalen kudeaketan.
Berriak - 2016ko azaroaren 07an, astelehena - 0 Iruzkinak
IX DOCOMOMO Ibérico Biltzarra dela eta (azaroak 16, 17 eta 18 Donostian) jarduera osagarri batzuk antoaltu dira. Beste batzuen artean, hiru bisita gidatu egigno dira lurraldeko ondare arkitektoniko modernoaren eraikuntza esanguratsuenak ezagutzeko. Bisitak adituengatik gidatuak izango dira. Doakoak badira ere, parte hartzeko ezinbestekoa izango da izena ematea.
Berriak - 2016ko azaroaren 05an, larunbata - 0 Iruzkinak
EHAEO Gipuzkoako Delegazioko Jasangarritasun Batzordeak azaroaren 9 eta 10-ean ospatzen den Donostiako “Energia Azoka”-n stand baten bidez parte hartuko du eraikinen birgaitze eta eraginkortasun energetikoaren inguruko herritarren kontsultak erantzun eta zalantzak argitzeko.
Berriak - 2016ko urriaren 27an, osteguna - 0 Iruzkinak
Suhiltzaileen, Musika Kontserbatoriaren eta Udal bulegoen eraikina, Juan Rafael Alday arkitektoak 1931an egina, DOCOMOMO plaka batekin nabarmenduan izango da ostiralean (urriak 28). Ekitaldia 12:00etan hasiko da eraikinean bertan, Donostiako Easo kalea 41-45ean kokatua, eta honako hauek parte hartuko dute: Enrique Ramos Hirigintza Jasangarriko zinegotzia Donostiako Udalean;Judith Ubarrechena EHAEOko Gipuzkoako presidentea; Matxalen Acasuso EHAEOko dekanoa eta Juan Rafael Aldayren senitartekoak
