Berriak - 2017ko ekainaren 23an, ostirala - 0 Iruzkinak
KOMOMO Bi prozesuari hasiera emateko lehen topaketa egin dugu aste honetan hausnarketa gosari batean. Helburua: ondare arkitektonikoaren kudeaketa kolektiborako gida egiteko oinarriak ezartzea. Perfil desberdinetako eragileak (arkitektoak, politikariak, historialariak...) parte hartu zutela kontutan izanik, bileran zehar aukera izan genuen asko hitz egiteko, partekatzeko eta hausnartzeko. Hau guztiarekin, emaitzen-txosten bat egingo dugu laster. Txosten hori, udazkenean egingo dugun tailerren abiapuntua izango da. Parte hartu nahi baduzu, oraindik garaiz zabiltza. Jar zatiez gurekin harremanetan, edo bete formularioa.
KOMOMO Bi prozesuari buruz
IX DOCOMOMO Ibérico biltzarraren inguruan egin ziren ekintzen barruan, KOMOMO prozesua abiatu zen, ondaren modernoaren kudeaketa kolektiboa definitzeko jarraibideak definitzeko asmoarekin. Orain, Gipuzkoako Foru Aldundiaren batera, eta lehen fasearen emaitzak oinarritzat harturik, bigarren faseari ekin diogu, Gipuzkoako XX. mendeko ondare arkitektonikoaren kudeaketa kolektiborako eredu bat sortzeko helburuarekin, eragile desberdinekin erabakia eta pixkanaka lurraldean zehar inplementatzen joango dena.
Berriak - 2017ko ekainaren 19an, astelehena - 0 Iruzkinak
Pasa den ekainaren 16an Donostiako Nautikoak arkitekto gipuzkoarren eguna ospatu genuen. Ehun arkitekto inguru elkartu ziren giro oso atsegin batean eta 25 elkargokide gisa 25 urte eta 50 urte betetzen zituzten kideei omenaldia egin zitzaien. Hauexek dira:
50 urte:
25 urte:
Hementxe duzue eguneko argazki bilduma.
Berriak - 2017ko ekainaren 19an, astelehena - 0 Iruzkinak
Contruido para durar. Patrimonio edificado de la A a la Z udako ikastaro arrakastatsua parte hartzearen aldetik, Gipuzkoako EHAEO eta Gipuzkoako Foru Aldundiak elkarlanean antolatuta, Mario Domínguez Gipuzkoako EHAEOko Ondarearen batzordeko buruaren zuzendaritzapean. Parte hartzaileek, beste batzuen artean, aditu hauen hitzaldiak entzuko aukera izan zuten: Olaia Fontal Merillas, Valladolideko Unibertsitateko irakasle titularra; José Luis González Moreno-Navarro, Kataluniako Unibertsitate Politeknoko katedraduna; Mª Dolores Sanz Gómez de Segura, berriztapenean espezialista Petra S. Coop.en eta René Colonel, Pyrénees-Atlantiquesen arkitektura eta ondareko lurralde-zerbitzuko burua.
Berriak - 2017ko ekainaren 14an, asteazkena - 0 Iruzkinak
Irungo Alberto Anguera Etxeak, Luis Vallet de Montano arkitektoak 1930ean egina, jada badu DOCOMOMO plaka. Plaka ezartzearen ekitaldian honako hauek parte hartu zuten: Judith Ubarrechena, EHAEOko Gipuzkoako presidentea; José María García-Arenzana Anguera, Alberto Angueraren senitartekoa eta etxearen jabea, Marina Vallet de Montano, Luis Vallet de Montanoren biloba; Sergio Corchón Irungo Udalaren izenean eta Lauren Etxepare eta Fernando García, Luis Vallet de Montanoren monografiaren egileak.
“Irungo Alberto Angueraren etxea herriko mugimendu modernoaren adibide bikaina da eta garaian pil-pilean zegoen estiloa zein zen erakusten duen obra esanguratsuenetarikoa”, adierazi dute Gipuzkoako EHAEOtik. Horregatik, eta ordezkaritza honek DOCOMOMO Ibérico fundazioari eskatu eta gero, eraikin hau euren erregistroan sartu dute, eta orain informazio plaka honen ezarpena egingo da.
Luis Vallet de Montano (1894-1982) Huescako Plan herrian jaio zen, baina jaio eta berehala amaren sorterrira aldatu ziren: Irun. Irunen jaso zituen lehen marrazketa-eskolak eta 1920. urtean arkitekto-titulua lortu zuen Madrileko Arkitektura Eskolan. Euskal estiloa bereganatu zuen berehala baina 10 urteren buruan bere belaunaldiko arkitekto gehienen antzera, lengoaia arrazionalistari heldu zion. Beste lan batzuen artean, nabarmentzekoak dira egilearen obra hauek: Irungo Casinoa, Irungo Kontserbatorioa, Jorge Oteiza eta Nestor Basterretxearen etxea izan zena, edota Porcelanas Bidasoako lantegia izan zena.
DOCOMOMOri buruz
DOCOMOMO, Documentation and Conservation of building, sites and neighbourhoods of the Modern Movement (Mugimendu Modernoko eraikin, ingurune eta auzoen Dokumentazioa eta Kontserbazioa) 1990. urtean sortutako nazioarteko erakunde bat da eta bere helburu nagusia da XX. mendeko arkitektura modernoko ondarea inbentariatzea, dibulgatzea eta babestea. 1993an DOCOMOMO Ibérico filiala sortu zen, beste erakunde batzuekin batera, Espainia eta Portugalen lan egiten duena DOCOMOMOren helburu berdinekin.
Berriak - 2017ko ekainaren 08an, osteguna - 0 Iruzkinak
Gipuzkoako EHAEO, Campo Creativo Cero eta Pico del Pañuelo koloniak izen bereko beka deialdia berri eman zuten atzo, gipuzkoar elkargokideentzat, urriaren 5etik 11era disfrutatzeko izango dena. Azken deialdian bezala, Madrilgo Legazpi fruta azoka izango du hizpide bekadun berriak, nahiz eta ikuspegi berri bat eman behar duen.
Beka jasotzeko interesa dutenek, ekainaren 7tik irailaren 1era egin eharko dituzte eskaerak, Pico del Pañueloren webgunean bertan. Gune horretan ere, bekaren oinarriak aurkituko dituzte.
Atzoko aurkezpenean, orain arte beka jaso dutenen esperientzia eta proiektuak ezagutzeko aukera izan genuen. Hauexek izan ziren:
Berriak - 2017ko ekainaren 01an, osteguna - 0 Iruzkinak
EHAEOren Gipuzkoako ordezkaritza Donostiako Creative Comomns zinemaldiaren Arkitektura eta Hirigintza sailarekin batera (#cCCd_fest), abian jarri dute Arkitektura eta Hirigintzaren inguruko II Ikus-entzunezko lanen lehiaketa creative commonsen (2017). Lehiaketa hau publiko orokorrari irekita dago, baina parte hartzaileek, gutxienez, elkargokide baten baseba beharko dute, oinarrietan jasotzen den bezala. Lehiaketaren irabazleak, 1.000 €ko balioa duen saria jasoko du. Parte hartzeko interesa dutenek, lanak 2017ko ekainaren 1a eta irailaren 20a bitartean bidali beharko dituzte.
Arkitektura eta hirigintzaren inguruko ikus-entzunezko dokumentuak libreki partekatuak bultzatzeko helburuarekin sortu da ekimen hau, kolektibo profesionalari begira. Gaiak lanbidearekin zerikusia izan beharko du: eraikuntza elementuetatik, itxuraren inguruko hausnarketara; historiatik, pentsamendu kritikora... Deialdi honetan bat egiten dute arkitektura eta hirigintzaren inguruko ikus-entzunezko dokumentazioaren interesak eta kultura librearenak, ezagutzaren partekatzea eta orokorrean, komunaren filosofiarenak (commons).
Berriak - 2017ko maiatzaren 26an, ostirala - 0 Iruzkinak
Gipuzkoako EHAEO Lankidetza Garapeneko proiektuak laguntzeko deialdia zabaldu du. Gipuzkoako elkargokideek aukera izango dute laguntza jaso dezaketen proiektuak aurkezteko. Horretarako, Gipuzkoako EHAEOk 2.500 €ko laguntza emango dut proiektu bat edo batzuk finantzatzeko. Eskaerak aurkezteko ekainaren 30ean amaitzen da.
Berriak - 2017ko maiatzaren 24an, asteazkena - 0 Iruzkinak
Zarauzko Energia Azoka 2017, energia berriztagarrietan eta eraginkortasun energetikoan ardazturiko jarduera hedatzaile, larunbatean (maiatzak 27) eginGo da Zarautzen. EHAEO Gipuzkoako Delegazioko Jasangarritasun Batzordeak stand baten bidez parte hartuko du azokan honetan, Lege Zaharren enparantzan jarriko dena 11:00ak eta 15:00ak bitartean. Bertan, eraikinen birgaitze eta eraginkortasun energetikoaren inguruko herritarren kontsultak erantzun eta zalantzak argituko dituzte.
