Berriak - 2026ko urtarrilaren 30an, ostirala - 0 Iruzkinak
Gipuzkoako Arkitektoen Elkargo Ofizialaren egoitzan 2025eko EHAEO Sarien erakusketa ikusgai dagoela eta, Gipuzkoako arkitekto sarituekin topaketa bat antolatu genuen atzo. Hitzordu berezia izan zen Gipuzkoak edizio honetan izan duen paper nabarmena ospatzea merezi baizuen, gipuzkoar zigilua daramaten hainbat proiektu saritu baitira.
Lurraldeko profesionalen parte-hartzea bereziki garrantzitsua izan da honako modalitate hauetan:
B MODALITATEA – Birgaitzea eta zaharberritzea
Proiektua: Zarautz Jauregia kultur ekipamendu berri gisa birgaitzea Getarian
Egileak: Javier Ubillos Pernaut, Iñigo García Odiaga, Marta Álvarez Pastor eta Jon Muniategiandeikoetxea Markiegi
C MODALITATEA – Barne-arkitektura
Proiektua: Jangela Andoaingo lantegi batean
Egileak: Gonzalo Sánchez Ortega eta Armando Diago Bernáldez
E MODALITATEA – Hiri-diseinua eta paisajismoa
Proiektua: Sestaoko (Bizkaia) Labe Garairako igogailua eta hiri-eskailera
Egileak: Alex Etxeberria Aiertza eta Eduardo Landia Ormaechea
F MODALITATEA – Lurraldez kanpoko arkitektura eta hirigintza
Proiektua: Haitiko Errepublikako Dondon hiribildu eta komunaren hiri-antolamendurako plana
Egilea: Patxi Gastaminza Coloma
Saritutako egileetako batzuek topaketara joaterik izan ez bazuten ere, ikusleek saritutako gainerako proiektuak bertatik bertara ezagutzeko aukera izan zuten. Bertaratutako egileekin solasaldi interesgarria izan ondoren, erakusketan zehar ibilbide bat egin zen, edizio honetako lan sarituak zein finalistak jasotzen dituzten 30 panelez osatua.
Ekitaldira etortzerik izan ez bazenuen, hemen ikus dezakezu: https://youtu.be/fU_TxU6LgJQ
Erakusketa otsailaren 5era arte egongo da ikusgai. Ondoren, Gasteizko Autobus Geltokira joango dira.
Berriak - 2026ko urtarrilaren 29an, osteguna - 0 Iruzkinak
Pasa den astean, Garapen Jasangarrirako Helburuekin konprometitutako hiri-jasangarritasunari eta arkitekturari buruzko hitzordu bikoitza izan zen Donostian, Gipuzkoako EHAEOren Jasangarritasun batzordeak eta Donostia Sustanibility Forumen antolatua. Hirigintza jasangarrian nazioarteko erreferente den Salvador Ruedak parte hartu zuen, eta Miramar Jauregiaren edukiera betetzea lortu zuen.
Hitzaldian, Ruedak ikuspegi ekosistemikotik heldu zien hirien egungo erronkei, eta azpimarratu zuen beharrezkoa dela hiri-eredu eraginkorragoak, osasungarriagoak eta 2030 Agendarekin lerrokatuagoak lortzea.
GJH Sariak:
Jardunaldia osatzeko, Hiri eta Komunitate Jasangarrien Sariak banatu ziren, GJHekin konprometitutako ekimenak aintzatesteko. Hauek izan ziren sarituak:
Berriak - 2026ko urtarrilaren 14an, asteazkena - 0 Iruzkinak
2026ko urtarrilaren 22an, Donostiako Miramar Jauregian bi ekitaldi egingo dira, hiri-jasangarritasuna, klima-aldaketara egokitzea eta 2030 Agendarekin lerrokatutako arkitektura ardatz hartuta. Jardunaldia 18:00etan hasiko da, eta hausnarketa, dibulgazioa eta arkitektura- eta hiri-eremuko ekimen eredugarrien aintzatespena bilduko ditu.
Batetik, Gipuzkoako EHAEOko Jasangarritasun Batzordeak, Donostia Sustainability Forumekin batera, “Hirien birnaturalizazioa klima aldaketara egokitzeko” hitzaldia antolatu du, Salvador Rueda Hiri eta Lurralde Ekologia Fundazioko presidente eta zuzendariaren eskutik.
Hitzaldian, Ruedak mugikortasunaren eta espazio publikoaren eredu integral bat aurkeztuko du, edozein hiritan aplika daitekeena, eta klima-aldaketa arintzeari eta klima-aldaketara egokitzeari modu bateratuan heltzen diona. Testuinguru horretan, Fundazioak Estatuko hainbat hiritan garatutako hiri-birnaturalizazioko proiektuen adibide zehatzak erakutsiko dira, eta klima-aldaketaren eraginei aurre egiteko funtsezko tresna gisa naturan oinarritutako irtenbideetan jarriko da arreta.
Behin hitzaldia amaituta, Eva Caballero kazetariak hizlariarekin hitz egingo du, eta azaldutako edukietan sakontzeko eta bertaratutako publikoarekin eztabaida irekitzeko tarte bat eskainiko du.
Hitzaldiaren ondoren, 2025eko Hiri eta Komunitate Jasangarrien Sariak banatuko dira, laugarren edizioari dagozkionak. Joan den azaroan eman zen ezagutzera epaimahaiaren erabakia, eta 2030 Agendaren Garapen Jasangarrirako Helburuekin (GJH) bat datozen arkitektura-ekimenak aintzatesten ditu.
Epaimahaiak sariak honela ematea erabaki du:
Gizarte modalitatea (GJH 1: Pobreziaren amaiera)
AVINI’ / Hiri plangintza parte-hartzailea Petite-Anse eta Balan, Haitirentzat
Egileak: We Architects (Patxi Gastaminza, Elena Pastrana, Eric Ruíz, Leire Mateos, Iris Martín eta Xavier Vallcorba)
Ingurumen modalitatea (GJH 7: Energia eskuragarria eta ez-kutsatzailea)
Olentzaro-Berri Etxebizitza Autonomoa %100
Egileak: Ari Arkitektura (Garbiñe Pedroso Conejero eta Inhar Agirrezabal Sáenz de Santamaría)
Hitzordu bikoitz honek Donostia pentsamendu kritikorako, hiri-berrikuntzarako eta etorkizun justu eta jasangarriagoarekin konprometitutako arkitektura-praktiken errekonozimendurako topagune gisa finkatzen du.
Berriak - 2025ko abenduaren 17an, asteazkena - 0 Iruzkinak
Gabonetako postalen lehiaketako epaimahaiak dagoeneko erabaki du zein lanek irabazi duten aurten. Ez da erraza izan aukeratzea, aurten marka guztiak hautsi baitira eta ehun lan baino gehiago jaso baititugu! Hauek izan dira aurtengo irabazleak:
Haurren kategoria (2017an eta hurrengo urteetan jaiotakoak):
- Lehen saria: Gabonak Artzai Onean, Urko Bersategi Arregi (8 urte).
- Bigarren saria: Izarretxea, Ameli Imaz Ruiz de Gordoa (5 urte).
- Hirugarren saria: Olentzeroren eraikuntza, Uhaitz Unanue Zabalo (8 urte).
Gazteen kategoria (2016 eta 2012 urteen artean jaiotakoak):
- Lehen saria: Gabonak ez dira eguzkitsuak, Nikole Zabaleta Otaegi (11 urte).
- Bigarren saria: Eguberri on, Ekhi Arregi Mayoz (11 urte). Gainera, hau izango da EHAEO Gipuzkoak jaiak zoriontzeko erabiliko duen postala.
- Hirugarren saria: Olentzeko arkitektoa, Chloe Pérez (11 urte).
Guztira 110 marrazki aurkeztu dira: 56 haurren kategorian eta 54 gazteen kategorian.
Epaimahaiak honako irizpide hauek hartu ditu kontuan sariak ematerakoan: gaiarekiko egokitasuna, ideiaren originaltasuna, adina eta marrazkiaren lanketa.
Sari-banaketa abenduaren 30ean izango da, asteartea, 13:00etan, Gipuzkoako EHAEOren egoitzan (Frantzia pasealekua 11, behea - Donostia).
Postal guztiak Gipuzkoako EHAEOaren egoitzan egongo dira ikusgai Gabonetan.
Parte-hartzaile guztiek opari txiki bat jasoko dute etxean, parte hartu izanagatik.
Berriak - 2025ko abenduaren 01an, astelehena - 0 Iruzkinak
Urtero legez, Gipuzkoako EHAEOk haur eta gazteentzako gabonetako postal lehiaketa jarri du abian, etxeko gazteenen sormenean eragiteko helburuarekin.
Hauek dira oinarriak:
GAIA
Parte-hartzaileek arkitektura eta gabonak uztartzen dituzten marrazkiak aurkeztu beharko dituzte.
Bestalde, nolabait Gipuzkoako EHAEOari irudi, logo edo esaldien bidez erreferentzia egiten dien marrazkiak hobetsiko dira; nahiz eta ez den ezinbestekotzat joko.
KATEGORIAK
0 eta 13 urte bitarteko haur eta gazteentzako lehiaketa da, honako kategorietan banatuta:
SARIAK
Kategoria bakoitzean hiru sari banatuko dira, eta saridunen artean Gipuzkoako EHAEOk Gabonak zoriontzeko erabiliko duen postala aukeratuko da.
Hala ere, parte hartzaile guztiek oparitxo bana jasoko dute etxean.
EPEAK
Marrazkiak abenduaren 16ko 13:00ak baino lehen aurkeztu beharko dira, Gipuzkoako EHAEOren egoitzan (Frantzia pasealekua, 11 - Donostia), edota posta elektroniko bidez: komunikazioa@coavngipuzkoa.eus.
Abenduaren 17an webgunean argiratatuko dira irabazleen izenak.
Sari-banaketa ektialdia abenduaren 30ean 12:00etan egingo da, Gipuzkoako EHAEOren egoitzan.
LANEN AURKEZPENA
Marrazkiak aurkezten diren orrian ezin izango dira egilearen datuak ageri.
Marrazkiarekin batera, datu hauek jasotzen dituen aparteko dokumentu bat aurkeztu beharko da:
Posta elektroniko bidez bidaltzen diren marrazkiak .jpg edo .pdf formatua izan beharko dute.
EPAIMAHAIA
Epaimahaia Gipuzkoako EHAEOren Zuzendaritza batzordeko kideek osatuko dute, eta sariak emateko garaian kalitatea, ideia eta parte-hartzaileen adina hartuko du kontuan.
Ekimen berezi bat berreskuratu dugu: gure Gabonetako zuhaitza apaintzea.
Aurten, Gipuzkoako EHAEOaren sarreran zuhaitz bat aurkituko duzu… baina apaingarririk gabe! Txikienen irudimenez eta kolorez apainduta egotea nahi dugu.
15 urte bitarteko haur eta gazteek parte hartu ahal izango dute, etxean egindako apaingarriekin. Horretarako, eskura dituzten materialak erabiltzera animatzen ditugu. Horrela, birziklapenaren bidez, eguneroko objektuei bizitza berri emango die eta apaingarri paregabeak eta sormenez betetakoak diseinatzeko parada izango dute.
Apaingarriak urtarrilaren 5era arte ekarri ahal izango dira, eta opari txiki bat jasoko du parte-hartzaile bakoitzak
Berriak - 2025ko azaroaren 20an, osteguna - 0 Iruzkinak
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak zorionak eman dizkie elkargokideetako biri, Espainiako eta nazioarteko arkitektura-lehiaketa garrantzitsuetan lortutako aitorpenengatik.
Alde batetik, Francisca Gual Ors arkitektoa eta bere taldea EUROPAN 18ren “Re(Vi)ure Es Sindicat” proiektuarekin irabazle irten dira. Proiektu honekin Felanitx upeltegi zaharra birgaitzeko lehiaketan parte hartu du. Balear Uharteetako bost arkitekto gaztek sortutako proposamenak eraikin historikoaren eraldaketa integrala planteatzen du, herritarrei irekitako funtzio askotariko espazio bilakatuz. Es Sindicat berria bizirik dagoen espazioa da, kultura-, arte-, ondare- eta gizarte-erabilerak ditu, eta gai da udalerria aktibatzeko eta haren memoria arkitektonikoari balioa emateko.
Bestalde, Gipuzkoako EHAEOk zorionak helarazi nahi dizkio Alex Etxeberria arkitektoari eta ELE Arkitektura estudioari, Bizkaiko Labe Garaietan igogailua eta eskailera jartzeko proiektuaren arrakastarengatik. Balio historiko handiko industria-gune batean irisgarritasuna bermatzen duen esku-hartze hori finalista izendatu dute duela gutxi Espainiako Arkitektura eta Hirigintzako Biurtekoan (BEAU), eta EUMies Awards sarietarako izendatu dute ere, ospetsuenetarikoak diren Europako bi aintzatespen. Horiek aurreko beste sari batzuei gehitzen zaizkie, besteak beste, Enor sariei, non proiektuak ex aequo sari bat lortu zuen.
Proiektua hiria birkonektatzeko gaitasunagatik nabarmentzen da, haustura bat zena hiri-integraziorako aukera bihurtzen baitu. Bere balio nagusia lekuaren berrinterpretazioan datza, sentsibilitatez eta ondarearekiko errespetuz egiten duena, eta Labe Garaiarekin lehiatzea ekiditen duena. Horren ordez, atalase sinboliko berri bat sortzen du, ingurunea ordenatzeko eta zentzua emateko gai dena.
Gipuzkoako Arkitektoen Elkargo Ofizialak zorionak eman nahi izan dizkie bi taldeei euskal arkitekturak nazioartean duen garrantzia erakusteagatik eta lurraldearekin, ondarearekin eta herritarrekin konprometitutako praktika profesionalari laguntzeagatik.
Berriak - 2025ko azaroaren 11an, asteartea - 0 Iruzkinak
“XVIII. mendeko Donostian zeharreko ibilaldi birtuala” murgiltze-esperientzia azaroaren 16rako aurreikusita zegoen Ondarearen Europako Jardunaldien programaren barruan, baina atzeratu egin da, arazo tekniko batzuk direla eta.
Antolakuntzatik aldaketa honek eragin ditzakeen eragozpenak deitoratu dituzte eta publikoaren ulermena eskertu.
Ekimenak sortu duen ikusmin handia dela eta, lanean ari dira data berriak eskaintzeko eta sarrera gehiago eskaintzeko, jende gehiagok goza dezan historia, ondarea eta murgiltze-teknologia uztartzen dituen esperientzia honetaz.
Las nuevas convocatorias se anunciarán próximamente a través de los canales oficiales.
Berriak - 2025ko azaroaren 05an, asteazkena - 0 Iruzkinak
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzaren Jasangarritasun Batzordeak 2025eko Hiri eta Komunitate Jasangarrien Sarien laugarren edizioaren erabakia jakinarazi du. Lehiaketa horrek 2030 Agendako Garapen Jasangarriko Helburuekin (GJH) bat datozen arkitektura-ekimenak aintzatestea du helburu.
Aurten, bi kategoriatan banatu dira sariak: Gizarte Modalitatea (1. GJH: Pobreziaren amaiera) eta Ingurumen Modalitatea (7. GJH: Energia eskuragarria eta ez kutsatzailea). Sortu zenetik, edizio bakoitzak bi helburu konkretu ditu helburu, 11. GJHaz gain (Hiri eta komunitate jasangarriak), zeinak zeharkako ardatz iraunkor gisa jarduten baitu.
Irailaren 26an bildu zen epaimahaia, aurkeztutako proposamenak aztertu eta behin betiko erabakia emateko. Epaimahaiburua Iker Mardaras izan zen, Gipuzkoako EHAEOeko Jasangarritasun Batzordeko zuzendaria, eta berarekin batera, Elkargoko eta kanpoko erakundeetako ordezkariak izan ziren epaimahaian, hala nola Energiaren Euskal Erakundea (EEE), Zero Pobrezia Donostia plataforma eta HABIC klusterrekoak.
Proiektu irabazlea: AVINI’ / Hiri plangintza parte-hartzailea Petite-Anse eta Balanentzat, Haiti
Egileak: We Architects (Patxi Gastaminza, Elena Pastrana, Eric Ruiz, Leire Mateos, Iris Martin eta Xavier Vallcorba)
Epaimahaiak aintzat hartu zuen proiektu hori, hiri-testuinguru konplexuan duen ikuspegi tekniko eta metodologikoagatik, baita herritarren parte-hartzea eta genero-ikuspegia diseinuaren elementu nagusi gisa integratzeagatik ere.
Proposamenak mugikortasuna hobetzea, espazio publikoaren balioa handitzea eta okupatutako mangladiak berreskuratzea uztartzen ditu, eta naturan oinarritutako irtenbide inklusiboak sustatu.
Halaber, eskala txikiko eta exekuzio azkarreko ekintzak (Quick Wins) nabarmendu ziren, bizi-kalitatean berehalako inpaktuak sortzen dituztenak eta komunitatearen kide izatearen zentzua indartzen dutenak.
Talde irabazleak 900 euro eta oroigarri bat jaso zituen.
Proiektu irabazlea: Olentzaro-Berri Etxebizitza Autonomoa %100
Egileak: Ari Arkitektura (Garbiñe Pedroso Conejero eta Inhar Agirrezabal Sáenz de Santamaría)
Epaimahaiak familia bakarreko etxebizitza horren autonomia energetiko osoa, ingurumenean duen eragin txikia eta material jasangarrien erabilera nabarmendu zituen.
Proiektuan euri-ura hartzeko eta arazteko sistemak, baliabideen berrerabilera eta ingurune naturalera egokitutako teknologia eraginkorrak sartzen dira.
Tipologia isolatua izan arren, epaimahaiak landa-inguruneetako etxebizitza jasangarrietarako erreferentzia-eredu gisa duen balioa azpimarratu zuen.
Talde irabazleak 900 euro eta oroigarri bat jaso zituen.
Sari hauei buruz
Laugarren edizio honekin, EHAEO Gipuzkoak berretsi egiten du arkitektura jasangarriko jardunbide egokiak zabaltzeko eta tokikotasunetik gizartea eta ingurumena eraldatzen laguntzen duten proiektuak sustatzeko konpromisoa. “Aurkeztutako proposamen guztien ahalegina eta kalitatea eskertu nahi dugu, arkitekturak etorkizun bidezkoago eta jasangarriago baten eraikuntzan duen funtsezko papera erakusten baitute”, adierazi zuen epaimahaiak bere ebazpenean.
ADIERAZPENA:
Bestalde, Jasangarritasun Batzordeak adierazpen bat zabaldu nahi izan du gatazka belikoengatik —batez ere Gazako genozidioagatik— eta negazionismo klimatikoagatik duen kezka adierazteko, eta Hiri eta Komunitate Jasangarrien GJH Sariek sustatzen dituzten bake, justizia eta jasangarritasun balioekiko konpromisoa berresteko. (Ikusi erantsitako artxiboa)
