Berriak - 2011ko martxoaren 23an, asteazkena - 2 Iruzkinak
San Telmo Museoaren inaugurazioa dela eta, museoak bisita gidatu batzuk antolatu ditu interesa duten arkitekto guztientzat.
Bisita eguna:
Berriak - 2011ko urtarrilaren 25an, asteartea - 3 Iruzkinak
Berriak - 2010ko azaroaren 14an, igandea - 0 Iruzkinak
Aurreko urtean urria eta abendua artean eman zen Sortze Prozesuei Buruzko Tailerraren lehenengo edizioaren arrakastaren ondoren, PROZESSaren bigarren edizio honek arte disziplina desberdinetako. Sortze Prozesuak izan ditzakeen bide desberdinen gaineko gogoeta egiteko irmoa du, bideen arteko berdintasun eta desberdintasunak aztertuz eta arkitektura proiekturako aplikagarritasuna ikertuz.
Tailerra 2 egunetan zehar garatuko da: ostegunetan 16:00htan bi konferentzia saio eta ondorengo mahai-ingurua izango dugu gonbidaturiko artistekin eta ostiralean, 9:30htan hasita, gonbidatu berri batekin praktika bat burutuko dugu, bere lanaren gaineko hitzaldia entzun ostean.
Programa:
LEHENENGO ASTEA
02 OSTEGUNA // (16:00) Tailerreko irakasleek tailerraren aurkezpena egingo dute.
03 OSTIRALA // (09:30) Jose Ibarrola (eskenografia) // (11:00) hamaiketako // (11:30)praktikaren aurkezpena // (19:30) praktikaren emaitza
BIGARREN ASTEA
9 OSTEGUNA // (16:00) Jesús Mari Lazkano (margolaritza) // (17:30) Yosigo (argazkilaritza) // (19:00) mahai-ingurua
10 OSTIRALA // (09:30) Iker Treviño (audiovisuales, ikus-entzunezkoak) // (11:00) hamaiketako // (11:30) praktikaren aurkezpena // (19:30) praktikaren emaitza
HIRUGARREN ASTEA
16 OSTEGUNA // (16:00) Ja! studio (kusleiho-apainketa) // (17:30) Elena Odriozola (ilustrazioa) // (19:00) mahai-ingurua
17 OSTIRALA // (09:30) Abigail Lazkoz (arte instalakuntzak) // (11:00) hamaiketako // (11:30) praktikaren aurkezpena // (19:30) praktikaren emaitza
INSKRIPZIOA: zure izen abizenak eta ikasturte maila bidali helbide honetara klktblktb@gmail.com
IZEN-EMATE MUGATUA. AUKERAKETA ZOZKETAZ EGINGO DA
KOSTUA: 45 euro
Inskripziorako azken data AZAROAK 26
Gonbidatuen hitzaldiak sarrera librea dute.
Informazio geihago hemen kolektibo lektibo
Berriak - 2010ko azaroaren 02an, asteartea - 0 Iruzkinak
ARKITEKTURA: FILM MINTZAIRAK. KULTURA ETA NATURA
Kultura ez da gure izaera, ez;
kultura gure izaerari dagokion zerbait da,
eta horrek egiten du zail gure bizitza.
Terry Eagleton
Arkitektura: film-mintzairak programaren edizio honetan, hainbat aditu hartuko ditugu gurean. Arkitektura, ikusizko ikasketa edo ekologiaren moduko arloetan izan dituzten praktiketatik, kulturaren eta naturaren artean ezartzen diren harreman zailei buruz arituko dira hizketan, oinarri hartuz natura kulturaren “bestea” ez dela eta, aldiz, haren barruan dagoela eta “giza subjektua alderik alde zeharkatzen” duela.
Hizkuntza gabeko animaliek haien habitatetik askatzeko, horiek gainditzeko edo horietatik babesteko ahalmen mugatua duten bitartean, kultura-animaliak, gure baldintzak gainditzeko ezinean, bizirauteko behar duguna suntsitzeko arriskua dugu, dela gure ingurune materiala, dela gure kolokako gorputz zaurgarriak. "Natura menderatzeko gure ahaleginak hondamendia eragin dezakeen burujabetza ematen digu", Nietzschek dioenez.
Zinemak eta arkitekturak, batzuetan, lurralde-antolamendua eta espazio publiko eta pribatuen eraketa merkatu libre suntsigarri, agortzaile, biziki espekulatzaile eta antidemokratikoaren eskuetan uzten lagundu duten arren, beste batzuetan, “hazkundeari mugak” ez jartzeak eragiten dituen arriskuez ohartarazi digute.
Zinemak eta arkitekturak azken gai horri emankorki heldu diotenean (alderdi semiotikoa eta somatikoa bateratzeko modua, gure eta gure ingurunearen arteko distantzia hurbiltzeko modua aztertuz), soilik pixkanakako hazkundeari eutsiz iraun dezakeen sistema kapitalistaren aurrean ekimena berreskuratzeko moduak proposatuz, horrelakoetan, bere burua adieraztearren, diziplina batek bestea baliatu izan du maiz. Izan ere, beharbada etxeak, hiriak eta paisaiak, baita gizarte batek hartutako garapen-ereduak ere, islatzen eta baldintzatzen dute beste ezerk baino hobe gizarte horrek eraikitzen duen gizabanako mota. Zinemak, aldi berean, beste edozein bitartekok baino hobe azter ditzake kapitalismoak hiriarekin daukan erlazio anbiguoaren ezkutuko arrazoiak, baita bere biztanleen nahiak atzemateko, laburbiltzeko eta kontrolatzeko bere egungo ahalegina ere.
Jardunaldi hauetara gonbidatutako egileek hainbat lan, dokumentu eta film aurkeztuko dituzte eta, horietan, haiei galdera batzuk egiteko eta beharbada erantzun batzuk emateko balio izan dieten elkartrukeen joko batek zinemaren eta arkitekturaren arteko harremanak baldintzatzen ditu. Galdera-erantzun hauei heltzen diete: Non ezarri gure gaitasunen eta gainditzen dituen gainontzeko bizitzaren artean? Nola konpondu gure harreman gatazkatsua animalia sinbolikoak eta, aldi berean, gorputzezkoak garen, ahalguztidunak izan gaitezkeen baina benetan mugatuak garen neurrian? Nola baliatu gizarte-helburuak lehiaren logikaren mendeko egiten dituen hirigintzaren ukapenak eta erresistentziak berritasunari gogor egiten dion ikuspegi zorrozki “naturalista” batean murriztuta geratu gabe?
Edizio honetan, iazko formatuari lotuko gatzaizkio, bi zatitan banatutako lau saiorekin: lehenengoa, arratsaldeetan, gonbidatutako hizlariek aukeratutako filmen aurkezpen publikoaz; bigarrena, berriz, biharamunean, hausnarketako gaiekin erlazionatutako beste material batzuen analisiaz lagundutako eztabaida- eta solas-tailer bat dituela. Aurten, gainera, “Hondarra eta ahotsa” jarduera paraleloa jarriko dugu martxan eta, bertan, tailerren ondoren, parte hartzeko modua izango da.
Arratsaldeko saioak irekita daude jende interesatuarentzat.
Goizeko eztabaida-jardunaldietara bertaratzeko, aldez aurretik izena eman behar da. Inskribapen-ordenaren arabera egingo da onarpena, edukiera bete arte.
Berriak - 2010ko irailaren 23an, osteguna - 0 Iruzkinak
Informazio gehiago PEPren web orrian edota pdf honetan
Berriak - 2010ko ekainaren 30an, asteazkena - 0 Iruzkinak
VILLABONA IRUDIKATUZ erakusketan azaltzen diren lanak 2009/10 kurtsoan zehar Euskal Herriko Unibertsitateko Arkitektura Eskolan egindako ariketen hautaketa bataten ondorio dira. Proiektuak IV ikasgaiko ikasleek egin dituzten proposamenek, Villabonak SACEM lantegia inguruari erantzun bat ematen diote. Horretarako hirigintza ordenazio bat eta eraikin ezberdinak proposatu dira. Horien artean erabilera publikoko eraikinak eta etxebizitzak ere proposatu dira. Erakusketa hau, Billabonako Udala eta Arkitektura Eskolako Arkitektura Sailaren kolaborazioari esker burutu da.
Berriak - 2010ko ekainaren 18an, ostirala - 0 Iruzkinak
'Arkitektura Kolektiboak' topaketa 2007.urteaz geroztik egin izan da. Hiritar, profesional eta giza eragileak biltzen dituen topaketak dira. Artea eta arkitektura oinarri gisa dugula, hiriaren eraikuntza eta kudeaketaren inguruan pentsatu eta eztabaidatu oi da. Besteak beste, auzo- langintza, irakaskuntza, artea, ekologia, pentsamendua, arkitektura, kudeaketa kulturala, kooperatibismoa, etxebizitza eta teknologia berrien esparruetatik datozen kolektiboek parte hartzen dute bertan. Jardunaldietan aurkezpenak, tailer praktikoak, proiektuen esposaketa, erreferentzien trukaketa eta abar egiten dira. Ekimen hauek bestelako proiektuak garatzeko erabiltzen ditugu: espazio publikoaren hornidura edo etxebizitza tipologia berrien eraikuntza eta saiakera, edo erabilerarik gabeko espazio baten birziklapena.
Hemen duzue ekintzen programa, ikusi edo deskargatzeko:
AACC Programa de ActividadesEta egutegi zehatza:
AACC Calendario detalladoInformazio gehiago eta izen ematea arquitecturascolectivas.net web orrian aurki ditzakezue edo prentsa dosierrean.
Berriak - 2010ko ekainaren 15an, asteartea - 0 Iruzkinak
2006 urtean, Jose Manuel Aizpurua donostiar arkitekto ospetsuaren heriotzaren 70. urtemuga betetzean, besteak beste Donostiako Klub Nautikoaren egilea, Euskal Herriko Arkitektoen Elkargo Ofizialaren (EHAEO) Gipuzkoako Ordezkaritzak “Aizpurua Marrazki eta Pintura Lehiaketa” ren lehen edizioa antolatu zuen, urtero errepikatzeko asmoarekin.Lehiaketaren helburua Gipuzkoako ikasleen artean gure inguruko arkitekturaren ezaguera zabaltzea da.
Deialdia arrakasta irabazten joan da aurten 9 ikastetxe ezberdineko 252 ikasle parte hartu dutelarik; Donostia, Legazpi, Bergara, Azpeiti, Zarautz, Urnieta eta Eskoriatzakoak hain zuzen ere. Sariak, Ekainaren 17an banatuko dira, arratsaldeko 18:30ean E.H.A.E.O.eko Gipuzkoako Ordezkaritzan.Lehen saria “Eurodisneyra”ra bidaia izaten da, irabazlearentzat eta bere gurasoentzat. Bestalde, 6 accesit ere emango dira ekitaldian.
Aurtengo irabazlea Azpeitiko Karmelo Etxegarai Ikastetxeko JULEN ARRATIBEL ETXABE ikaslea izan da. Beste sariak, Donostiako Katalin Erauso Ikastetxeko LEIRE AGUIRRE PEÑA, Eskoriatzako Arizmendi Ikastolako TXOMIN AIASTUI ZUBIZARRETA, Zarauzko Antoniano Ikastetxeko ARITZ ARANGUREN SANTAMARIA, Bergarako Aranzadi Ikastolako OIER AREVALILLO LABAIEN, Donostiako Ntra. Sra. de Aranzazu – Jesuitinetako ENEKO CALLEJAS GIL eta Donostiako Belen Ikastetxeko JOSU MACIAS PIZARRO ikasleentzat izan dira.
Marrazki guztiak ikusgai egongo dira Ekainak 25arte E.H.A.E.O.eko Gipuzkoako Ordezkaritzan. Lehiaketa honetan Lehen Hezkuntzako hirugarren mailan matrikulaturiko haurrek hartu dute parte. Lehiaketaren helburua gure ikasleak bertako eta inguruko arketektura mundura gerturatzea da. Ikastetxe bakoitzak bertako eraikin esanguratsu bat hautatzen du eta eskolako irteera antolatzen du ikasleek bertan marraztu dezaten. Adin horietan haurrek irudimenaz marrazten dute. Lehiaketaren asmoa da une batez eraikina eta bere ezaugarriak azter ditzaten, hola nola, fatxada, leihoak, etab., eta paperera gauzatu ditzaten jasotako irudiak. Arkitektura ikasteko beti izan da sistemarik hoberena eraikina edo eremu publikoa marraztea.
