Gipuzkoako arkitektoak
Euskal Herriko Arkitektoen Elkargoa Gipuzkoan

Euskal Herriko Arkitektoen Elkargo Ofizialak eta Do.co.mo.mo ibérico Fundazioak, besteak beste, Eusko Jaurlaritza, Gipuzkoako Foru Aldundia, Donostiako Udala, UPV/EHU, Nafarroako Unibertsitatea eta IPCE (Espainiako Kultura Ondarearen Institutua) erakundeen laguntzarekin, IX. DOCOMOMO Ibérico-Kultura Ondarea eta Gizartea Biltzarra aurkeztuko dute. Aurkezpena, azaroaren 17an (asteartea) 12:00etan izango da Gastronomiazko Euskal anaiartean (Donostiako Trinitate plazaren ondoan). Biltzar hau Donostian egingo da 2016ko azaroan eta aurkezpenean kongresuaren lerro nagusienen berri emango da. Lehen aldia da Donostian arkitektura modernoari buruzko garrantzi honetako biltzar bat egingo dena, eta Kultura Ondarea eta gizartea izenburupean, Europa guztiko profesionalak elkartuko dira. Gainera, XX. mendeko arkitektura eta kultura ondareari buruz argitaratu gabeko lanak ezagutzeko aukera egongo da.

Ikusi gehiago...

Euskal Herriko Arkitektoen Elkargo Ofizialeko (EHAEO) Gipuzkoako ordezkaritzak, UPV/EHUko Arkitektoen Goi Eskola Teknikoak (AGET) eta Campo Creativo Cerok elkarlarnean Frontoiak eta pilota jokoari buruzko Donostiako Creative Commons Zinemaldiaren arkitektura saila antolatu dute. Urriaren 22an eta 23an izango da 18:00etatik aurrera EHAEO Gipuzkoako (Frantzia hiribidea, 11 – Donostia) egoitzan. Zenbait ikus-entzunezko eta hitzaldiez osatzen duten egitarau zabal bat egin da horretarako.

Berrikuntza gisa nabarmendu behar da zinelmadira etorri ezin dutenek emanaldiak on line jarraitzeko aukera izango dutela. Horretarako, izena ematea beharrezkoa izango da (gehienez 100 pertsona):  

• Osteguneko saioa
• Ostiraleko saioa

 

 

 

 

 

 

Ikusi gehiago...

Aurten pilotalekuetara zuzenduta dagoen Arkitektura eta Hirigintza sailaren jarduera osagarri bezela, Azkoitiako Jorge Oteiza Pilotalekura bisita gidatu bat antolatu dugu, larunbata 24ean.

Hitzordua goizeko 11etan izango da gune berean eta bisita Carlos López de Ceballos arkitektoaren esku egongo da, Jorge Oteizaren kolaboratzailea, Antton Mendizabalekin gune arkitektoniko-eskultural honetan batera egon zirenean. Arkitektoak, bukatu gabeko proiektuaren ezagutza sakona duena, honela jarraiera emango dio urriaren 22an EHAEO-Gipuzkoan emango duen hitzaldiari (+info)

Bisitaldia dohainik izango da López de Ceballosen dedikazioari esker. Antolaketa arrazoiengatik lehenagotik izena ematea beharrezkoa da honako formularioan.

Datorren astean, Donostiako Creative Comons Zinemaldiaren barruan,  Irene Aguirrek (CC0ko kolaboratzailea) euskal frontoien mapeo eta wikiari buruzko proiektua aurkeztuko du. Bestalde, Nuria Cagigalek, CC0kolaboratzailea hau ere, frontoiei buruzko emanaldia eskainiko digu: Ikusentzunezko dokumentazioa modu desberdinetan bideratuta. Irrati-programa honetan, aurrerapen txiki bat duzue!

Gran éxito de la jornada De la ITE a la obra, organizada conjuntamente entre el COAVN Gipuzkoa y el Colegio de Adminstradores con la ayuda de Arquia. Cerca de 100 personas se dieron cita en el hotel Londres, donde se dieron a conocer los pasos a seguir en una comunidad para la correcta ejecución de una obra rehabilitación, protocolo de actuación, gestión de licencias, gestión de subvenciones, financiación de la obra y contratación de la obra. En la jornada participaron Rafael Niño, secretario del COAVN Gipuzkoa; Ricardo Burutarán, vocal de CAFGUIAL y ex concejal de urbanismo del Ayuntamiento de Donostia y Oscar Martínez, director comercial y de marketing de Arquia. El próximo mes de diciembre se repetirá esta misma jornada en la sede de la delegación. 

José Javier Pi Chevrot arkitektoa, Xabier Unzurrunzaga EHUko AGETeko irakasle emeritua eta Arkitekturan doktorea eta Edorta Kortadi Santa Maria basilikako erretoreak El campanario Puerta-torre de Santa María, Donostia-San Sebastián (Santa Mariako Kanpandorre Atea, Donostia) hitzaldia emango dute. Asmoa da kartoian egindako Santa Maria Kanpandorreko berreraiketa sinbolikoaren proiektuari amaiera ematea.

Hitzaldia Donostiako Santa Telmo museoan izango da urriaren 8an 19:00etan. Sarrera librea izango da. 

Ikusi gehiago...

Urriaren 5ean 2015eko Arkitekturaren Mundu Eguna izan zen, eta hori dela eta EHAEOk eta beste erakunde batzuk eskaintza oparoa antolatu dute Arkitektura ardatz harturik. Aurreko batean EHAEOk prestatua zituen ekintzen berri eman genuen; oraingo honetan Asier Gogortza argazkilariak, Atari eta Tabakalaeraren eskaintzen berri ematen diezuegu.

Ikusi gehiago...

Arkitekturaren Mundu Egunarekin bat eginez, Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak  urriaren 5ean  DOCOMOMO xafla bat ipini zuen Tolosako Beotibar Frontoian, 1935ean Gregorio Azpiazu arkitektoak egindakoa. “Beotibar frontoia garai hartako arkitektura arrazionalistako adibide ezin hobea da, eta Gipuzkoako kultur ondarearen ikurretako bat da”, adierazi zuten Gipuzkoako EHAEOtik. Ekintza honetan Tolosako agintariek, Gipuzkoako EHAEOko ordezkariek eta pilotaren munduko kideek parte hartu zuten. Ondoren, Daniel Carballo arkitekto eta UPV/EHUko Arkitektura Goi Eskola Teknikoko (AGET) irakasleak Implantación del juego de la pelota en la Villa de Tolosa XVIII-XIX (Pilota jokoaren ezarpena Tolosako herrian XVIII-XXI) hitzaldia emango zuen. 

 

 

 

 

Ikusi gehiago...