Berriak - 2015ko uztailaren 13an, astelehena - 0 Iruzkinak
Pasa den astean Amaia Mateos eta Tomás Villanueva arkitektoak Madrilgo Pico del Pañuelo auzoan egon ziren, Pico del Pañuelo koloniak berak eta Euskal Herriko Arkitektoen Elkargo Ofizialak (Gipuzkoa) eman zien beka bati esker.
Berriak - 2015ko uztailaren 10an, ostirala - 0 Iruzkinak
Donostiako Santa Maria basilikako Kanpandorre Atearen berreraiketa sinbolikoa ardatz hartuta, 1813. urteko hiriari buruzko animazio filma baten emanaldiak antolatu dira basilikan bertan. Hori horrela, ostiralero 20:00etan eta larunbatero 12:00etan pelikula ikusteko aukera egongo da.
Berriak - 2015ko uztailaren 08an, asteazkena - 0 Iruzkinak
Donostiako Santa Maria Basilikak 1817. urtera arte zuen Kanpandorre Atea berreskuratu du, modu sinbolikoan bada ere. Iruki taldeko Unai Sarasola eta Mikel Oyarzabal arkitektoek, José Javier Pi Chevorten gidaritzapean, eta Verónica Ordozgoitiren (Ekida) laguntzarekin Kanpandorre Atearen berreraiketa egin dute kartoizko moduluekin 1:2 eskalan. Eraikuntzarekin batera, Javier Estellak (Walk 3D) alegiazko errealitateko espazio bat sortu du, non globoan egindako bidaia batean bisitariek XVIII. mendeko hiriko kaleetatik ibilbide bat egin dezaketen.
Berriak - 2015ko ekainaren 29an, astelehena - 0 Iruzkinak
Donostiako Santa Maria basilikak 1817. urtera arte izan zuen Kanpandorre Atearen berreraiketa sinbolikoa egingo da aste honetan zehar elizan bertan. Iruki estudioko Unai Sarasola eta Mikel Oyarzabal arkitektoek, José Javier Pi Chevorten gidaritzapean, eta Verónica Ordozgoitiren (Ekida) laguntzarekin, izango dira elementu arkitektoniko honen berreraiketaren arduradunak, eta kartoizko moduluak erabiliz 1:2 eskalan sortuko dituzte elizan bertan. Berreraiketa amaitzean, ostiralean (uztailak 3) 12:00etan prentsaurreko bat emango da Santa Maria basilikan bertan. Ondoren, 20:00etan, XVIII. mendeko Donostian zehar ibilbide birtual bat eskainiko da Javier Estellaren (Walk 3D) eskutik . Proiektu honek Euskal Herriko Arkitektuen Elkargoko Gipuzkoako ordezkaritzaren eta Euskal Herriko Unibertsitateko Arkitektura Goi Eskola Teknikoaren babesa jaso du.
1817. urtera arte Santa Mariako basilikak XIII. mendean eraikia izan zen Kanpandorre Atea zuen. Elementu hau elizatik bereiztezina zen eta eliza gotiko izatetik barrokora izatearen testigu izan zen; hiriko itsas eta merkataritza izaeraren identifikatzaile ere bazen kanpandorre atea. Horregatik, eta Donostiako hiriaren historia herritarrei gerturatzeko helburuarekin, dorrearen kartoizko eraikuntzaz gain, XVIII. Mendeko kaleetatik ibilbide birtual bat egiteko aukera izango dute gerturatzen direnak. Gainera, ekintza hau osatzeko organo kontzertu bat eskainiko da 1813. urte aurreko Donostiako hiriari buruzko animazio-filmaren emanaldiarekin batera.
Hauxe da egitaraua hurrengo egunetarako:
Berriak - 2015ko ekainaren 26an, ostirala - 0 Iruzkinak
Maiatzean OLATU TALKAren seigarren edizioa egin zen Donostian. Elkarteek, eragileek eta herritarrek orokorrean DSS2016tik egin zuten deialdiari erantzun zioten, eta hiru egunez 200 ekintzatik gora antolatu zituzten hirian, 30.000 pertsona inguru mobilizatuz. Gipuzkoako EHAEOk ere bertan egon zen, eta kultura departamentutik bi ekintza sustatu zituzten. Lehenengoan Plaza Berriaren berreraiketa egin zuten umeekin, jolasen bidez, Donostiako hiri espazioak ezagutzeko helburuarekin. Bestalde, arkitektura eta musika uztartzen zituen tailer bat egin zen Uliako haztegian.
Olatu Talkaren webgunean edizio honetako informazioa aurkitu daiteke.
Berriak - 2015ko ekainaren 25an, osteguna - 0 Iruzkinak
Gipuzkoako EHAOko Ondarearen Batzordeak Pasai Antxon dagoen Luzuriaga fabrikara visita gidatu bat antolatu, ume eta helduei zuzenduta. Bertan, eraikiaren balio arkitektonikoa aztertuko dute. Hitzordua ekainaren 27an 16:30ean izango da Pasai Antxoko Kultur Etxean (Hamarretxeta, 13). Bertan, hitzaldi bat emango da eta ondoren, fabrika bera bisitatuko dute eta tailer bat egingo da.Izen-ematea: Parte hartu nahi dutenek Elkargoan izena eman beharko dute, 943 32 01 94 telefonora hots eginez edota kultura@coanvss.org helbidera idatziz
Tarifa orokorra: 5 €/ pertsona
Familientzako tarifa: 10 € / familia
Berriak - 2015ko ekainaren 19an, ostirala - 0 Iruzkinak
Una veintena de alumnos del colegio Jesuitinas de Donostia participaron este viernes (19 de junio) en una jornada sobre Patrimonio de la mano de los arquitectos de la comisión de Patrimonio del COAVN Giupzkoa.
Los 26 alumnos puedieron conocer cuáles son las claves para considerar monumentos y edificios patrimonio, explicar su importancia, qué es el Patrimonio Mundial,el patrimonio de la Humanidad, y el Patrimonio Local. Después pusieron en práctica todo lo aprendido en una visita guiada a la Catedral del Buen Pastor.
Berriak - 2015ko ekainaren 04an, osteguna - 0 Iruzkinak
Ekainaren 5etik 7ra Irungo Ficoban Bioterra Azoka egingo da, produktu ekologikoen, bioeraikuntzaren, energia berriztagarrien eta kontsumo arduratsuaren inguruko azoka. COAVNSSeko Jasangarritasun Batzordeak hitzaldi/solasaldi batekin parte hartuko du: Arkitektura eta Iraunkortasun Globala, Birgaikuntza eta Elkarrizketa Soziala. Hitzaldia Ángel Blázquez, Vanesa Fernández eta Claudia Pennese arkitektoek emango dute. Hitzordua, igandean (ekainak 7) 14:00etan izango da 1 eta 2 aretoetan.
