2015ko uztailaren 08an, asteazkena
Donostiako Santa Maria Basilikak 1817. urtera arte zuen Kanpandorre Atea berreskuratu du, modu sinbolikoan bada ere. Iruki taldeko Unai Sarasola eta Mikel Oyarzabal arkitektoek, José Javier Pi Chevorten gidaritzapean, eta Verónica Ordozgoitiren (Ekida) laguntzarekin Kanpandorre Atearen berreraiketa egin dute kartoizko moduluekin 1:2 eskalan. Eraikuntzarekin batera, Javier Estellak (Walk 3D) alegiazko errealitateko espazio bat sortu du, non globoan egindako bidaia batean bisitariek XVIII. mendeko hiriko kaleetatik ibilbide bat egin dezaketen.
1817. urtera arte Santa Maria basilikak XIII. mendean eraikia izan zen Kanpandorre Atea zuen. Elementu hau elizatik bereiztezina zen eta eliza gotiko izatetik barroko izatera pasatu zen momentuaren testigu izan zen; hiriko itsas eta merkataritza izaeraren identifikatzaile ere bazen kanpandorre atea. “Proiektu honen helburua da Donostiako arkitektura eta hirigintzaren memoria historikoa bilatzea eta berreskuratzea, honek esplikatzen baitigu sortu den lurraldearen okupazio burutsua eta egokia”, azaldu zuen Javier PI Chevrotek komunikabideen aurrean egindako agerraldian.
Herritarren erantzuna oso ona izan da orain arte, eta asko izan dira kanpandorrea ikustera joan direnak. Komunikabideek ere modu zabalean jaso zuten berria:
Zure kontsulta bidalia izan da eta eperik motzenean erantzungo zaizu. Eskerrik asko gurekin kontaktuan jartzeagatik.