Gipuzkoako arkitektoak
Euskal Herriko Arkitektoen Elkargoa Gipuzkoan

Arkitekturaren Mundu Egunarekin bat eginez, Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak  urriaren 5ean  DOCOMOMO xafla bat ipini zuen Tolosako Beotibar Frontoian, 1935ean Gregorio Azpiazu arkitektoak egindakoa. “Beotibar frontoia garai hartako arkitektura arrazionalistako adibide ezin hobea da, eta Gipuzkoako kultur ondarearen ikurretako bat da”, adierazi zuten Gipuzkoako EHAEOtik. Ekintza honetan Tolosako agintariek, Gipuzkoako EHAEOko ordezkariek eta pilotaren munduko kideek parte hartu zuten. Ondoren, Daniel Carballo arkitekto eta UPV/EHUko Arkitektura Goi Eskola Teknikoko (AGET) irakasleak Implantación del juego de la pelota en la Villa de Tolosa XVIII-XIX (Pilota jokoaren ezarpena Tolosako herrian XVIII-XXI) hitzaldia emango zuen. 

Ikusi gehiago...

Jasangarritasun Batzordeak arkitektoak beraien egunerokotasunean (eraikuntzan, hirigintzan…) aurre egin behar dien erronkei buruzko eztabaida irekia antolatu du: Lanbidearen erronkak versus jasangarritasuna. Alor honetan zabaltzen ari diren aukera berriak aztertuko dira.

Ekitaldi hau datorren urriaren 20an 19:00etan egigno da Gipuzkoako EHAEOean (Frantzia pasealekua, 11 - Donostia).

Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak frontoiak eta pilota-jokoaren gaia ardatz harturik zenbait ekintza antolatu ditu 2015eko Arkitekturaren Mundu Eguna ospatzeko. Hori horrela, datorren urriaren 5ean 18:00etan Gipuzkoako EHAEOk DOCOMOMO xafla bat ipiniko du Tolosako Beotibar Frontoian, 1935ean Gregorio Azpiazu arkitektoak egindakoa. “Beotibar frontoia garai hartako arkitektura arrazionalistako adibide ezin hobea da, eta Gipuzkoako kultur ondarearen ikurretako bat da”, adierazi dute Gipuzkoako EHAEOtik. Ekintza honetan Tolosako agintariek eta Gipuzkoako EHAEOko ordezkariek parte hartuko dute. Ondoren, Daniel Carballo arkitekto eta UPV/EHUko Arkitektura Goi Eskola Teknikoko (AGET) irakasleak Implantación del juego de la pelota en la Villa de Tolosa XVIII-XIX (Pilota jokoaren ezarpena Tolosako herrian XVIII-XXI) hitzaldia emango du, Tolosako Kultur Etxean (Triangelu plaza) 18:30ean. Hitzaldia irekia izango da, nahi duenarentzat.

Pilota jokoa, hiri garapena eta kultur-garrantziaren arteko harremanean sakontzeko asmoarekin, eta Arkitekturaren Mundu Eguna marko bezala izanik, EHAEOak, EHUko AGETek eta Campo Creativo Cero erakundeak Creative Commons Zinemaldia antolatu dute elkarlanean urriaren 22 eta 23rako, gai berearen inguruan. Frontoien inguruko zenbait ikus-entzunezko eta hitzaldiek osatzen dute egitaraua. Besteak beste, Manuel Iñiguez eta Alberto Ustarruz UPV/EHUko AGETeko katedradunak frontoiak eta espazio publikoei buruzko egindako ikerketa-lana ezagutaraziko da, eta Azkoitiko Euskal Herriko Pilotari buruzko kulturgunearen proiektua, Carlos López de Ceballos arkitektoaren eskutik; Madrilgo Beti Jai frontoia babesteko prozesuaren berri ere izango dugu Fernando Larumbe, pilotari ohia, pedagogoa eta Salvemos el Frontón Beti Jai (Beti Jai Frontoia salbatu dezagun) plataformaren ordezkariarekin.

Beste ekintza batzuk

José Javier Pi Chevrot arkitektoa, Xabier Unzurrunzaga EHUko AGETeko irakasle emeritua eta Arkitekturan doktorea eta Edorta Kortadi Santa Maria basilikako erretoreak El campanario Puerta-torre de Santa María, Donostia-San Sebastián (Santa Mariako Kanpandorre Atea, Donostia) hitzaldia emango dute. Asmoa da kartoian egindako Santa Maria Kanpandorreko berreraiketa sinbolikoaren proiektuari amaiera ematea. Hitzaldia Donostiako Santa Telmo museoan izango da urriaren 8an 19:00etan.

Azkenik, Gipuzkoako EHAEOk Argazkilaritza eta Arkitektura Modernoa Espainian, 1925-1965. Beste erakusgai bat erakusketa ikusteko epea urriaren 30a arte luzatu du. Erakusketa Gipuzkoako EHAEOko erakusketa-gelan dago ikusgai. 

Urtero legez, datorren urriaren 5ean Arkitekturaren Nazioarteko Eguna izango da, eta hori ospatzeko Gipuzkoako ordezkaritzak honako ekintzak antolatu ditu:

-  Urriak 5: DOCOMOMO plakaren ezartzea Tolosako Beotibar Frontoian.

-  Urriak 8: Santa Maria Kanpandorre Atearen berreraiketa iragankorraren itxiera-hitzaldia. Donostiako San Telmo Museoan José Javier Pi Chevrot arkitektoaren eskutik.  

-  Urriak 22 eta 23: Creative Commons Zinemaldia eta hitzaldia, Frontoiak hizpide izango dituena. Egitarau zabal bat prestatu dugu. 

Hemendik gutxira, egitarau osoaren informazioa argitaratuko dugu informazio xeheagoarekin. 

Ángel Martínez Martínez arkitektoa, bioeraikuntzan aditua Biocontrucción: Cómo crear espacios saludables, ecológicos y armoniosos (Bioeraikuntza: nola sortu espazio osasungarriak, ekologikoak eta harmoniatsuak) argitaratu berri du. Liburu honetan bioeraikuntzaren ikuspegi zabal bat erakusten digu, eta gune osasungarri, ekologikoak eta harmoniatsuak sortu nahi dituen edonori gerturatzen dio arte hau. Kapituloen egitura eraikuntza baten garapena pausoz pauso nola izan behar duen jarraitzen: Ideiaren sorreratik, gauzatze osoraino.

Liburu honi buruz eta egileari buruz informazio gehiago nahi izanez gero, hementxe duzu duela gutxi egileari egin zioten elkarrizketa bat.

Liburu hau EHAEOko Gipuzkoako ordezkaritzan maileguan hartzeko prest dago. 

Irailean zehar EHAEOko Gipuzkoako ordezkaritzak eraikinen mantenu eta prebentzioa eta EITaren garrantziari buruzko bi hitzaldi eskainiko ditu: Bata Zarautzen eta bestea Donostian.   

Ikusi gehiago...

Aurten Arantzazuko Basilikaren 60. urteurrena dela-eta, Arantzazuko frantziskotarrek, Arantzazuko Adiskideak elkarteak eta Arantzazu Gaur Fundazioak oroitzapen-jardunaldi bat antolatu dute. Ekitaldia irailaren 12an, larunbata, izango da goizeko 10.30ean, Gandiaga Topagunea kultur zentroan.  

Egitaraua honakoa izango da:  

- Mahai-ingurua Rafael Moneo arkitektoa, Sáenz de Oízaren seme Javier Sáenz Guerra eta Laorgaren  biloba Enrique Arenas Laorgarekin, Basilikako arkitektoen alderdi pertsonalaren eta profesionalaren gainean solasteko.

- Basilikan, eraikinaren irakurketa egingo du Miguel Ángel Alonso arkitektoak, Xabier Lizaso piano-jotzailearen emanaldi laburrak lagundua.

- Xavier Álvarez de Eulateren omenezko Pintura Lehiaketaren III. ekitaldia izango da Arantzazun. Sari berezia izango du Basilikako arkitektura hobekien irudikatzen asmatzen duen parte- hartzaileak.

Sarrera librea izango da, baina beharrezkoa izango da baieztatzea 943-716575 edo 943-782542 telefono-zenbakietara deituz edo adiskideak@arantzazu.org helbidera idatziz.

Bertaratzen direnek Arantzazu aldizkariak Sáenz de Oízari eta Laorgari buruz prestatu duen monografikoaren ale bana jasoko dute.

Pintura lehiaketaren oinarriak:

Euskal Herriko Arkitektoen Elkargoko Gipuzkoako ordezkaritzak Argazkilaritza eta Arkitektura Modernoa Espainian, 1925-1965. Beste erakusgai bat erakusketa hartuko du irailean zehar. Erakusketa honetan 2014ko udaran PhotoEspaña Jaialdiaren barruan, ICO Fundazioak eta FAMEko ikerkerta proiektuak elkarlanean antolatuta, Madrilgo ICO Museoan egin zen izen bereko erakusketaren argazki esanguratsuenak jasotzen dira. Erakusketa honen helburua da aro modernoan espainiar arkitekturan argazkilaritzak izan duen garrantzia aitortzea.

Erakusketa hau dela eta, datorren irailaren 10ean 18:30ean inaugurazio-ekitaldia egingo da Euskal Herriko Arkitektoen Elkargo Ofizialeko Gipuzkoako ordezkaritzan. Ekitaldian, Amparo Bernal López-Sanvincente arkitektoak eta erakusketako komisarioak hartuko du parte eta gai honen inguruan hitzaldi bat eskainiko du: Argazkilariak eta artiktekoak, Espainiko arkitektura modernoaren kontaeraren egileak (1925-1965). Ekitaldira etorri nahi izanez gero, honako formularioa betetzea eskertuko da.

Ikusi gehiago...