Berriak - 2015ko abenduaren 02an, asteazkena - 0 Iruzkinak
Gipuzkoako EHAEO, Campo Creativo Cero eta Pico del Pañuelo koloniak beka baten deialdia egin dute honako helburuarekin: Madrilgo Beti Jai Frontoiaren birgaitze prozesuaren azterketa, eta herritarrek erakutsitako inplikazioa frontoiaren babesean eta zaintzan. Eskaintzen da:
Eskaerak 2015eko abenduaren 1etik 20ra bitartean aurkeztu beharko dira. Horretarako, interesatuek izen-emate orria (orrialdearen behekaldean) bete beharko dute.
Pico del Pañuelo koloniaren webgunean deialdi honen oinarriak ikus daitezke.Berriak - 2015ko azaroaren 26an, osteguna - 0 Iruzkinak
Abenduaren 3an I. Bioeraikuntzaren Jardunaldiei hasiera emango zaie, EKIANek (Euskal Herriko Bioeraikuntza Profesionalen Elkartea) antolatuta Gipuzkoako EHAEO eta EHUko AGETen laguntzarekin. Beste ekintza batzuen artean, Arkitektura Eskolan Eraikuntzaren biologia. Sarrera liburua aurkeztuko da, Garbiñe Pedroso eta Inhar Agirrezabalek idatzita. Bestalde, EHAEOan Bioeraikuntzaren inguruko mahai-inguru bat egingo da eta gai berdinaren inguruko erakusketa bat. Otsailean, hitzaldi interesgarri gehiago egingo dira.
Berriak - 2015ko azaroaren 24an, asteartea - 0 Iruzkinak
Gipuzkoako EHAEO Kultura Ondarearen batzordeak Bellas Artes eraikinaren egoaren inguruan egin duen lehen azterketaren berri eman nahi du, non kupularen desmuntaketaren aurretiko indarrean zegoen araudia aztertzen den. Txosten hau berrikuspen mailan dago, Foru Aldundiak eman dituen azken txosten teknikoak aztertzen diren bitartean.
Gaur egun arte eraikinak bizitu duen legezko ibilbidea, hiritarra eta konstruktiboa, eraikita dauden kultura ondarezko eraikinek dituzten zenbait arazo amankomunen paradigma da. Batzorde honek inplikatuak dauden eragileekin bitartekotza-lana egiten jarraitu nahi du, ahal duen heinean ondarearen sentsibilitatearentzan hain garestia den gaia argitzen laguntzeko.
Berriak - 2015ko azaroaren 23an, astelehena - 0 Iruzkinak
Euskal Herriko Arkitektoen Elkargo Ofizialeko Gipuzkoako ordezkaritzak laster bi liburu berri argitaratuko ditu monografien seriaren barruan, arkitekto gipuzkoarrei buruzkoa. Lehen titulua Luis Vallet de Montano (1894-1982) arkitekturaren ertzak eta mugak da Lauren Etxepare Iginizek eta Fernando García Nietok elkarlanean idatzia. Bigarrena, Luis Peña Ganchegui: Arkitektoa leku gisa da, Mario Sangalli Uggerik idatzia. Bi liburuak euskaraz eta gazteleraz argitaratuko ditugu. Laster nola eskuratu daitezkeenaren berri emango dugu.
Berriak - 2015ko azaroaren 17an, asteartea - 0 Iruzkinak
Donostiak Mugimendu Modernoaren ondare arkitektonikoari buruzko IX. DOCOMOMO Ibérico biltzarra hartuko du 2016ko azaroaren 16tik 18ra, Euskal Herriko Arkitektoen Elkargo Ofizialak eta Do.co.mo.mo ibérico fundazioak elkarlanean antolatuta, honako erakundeen laguntzarekin: Eusko Jaurlaritza, Gipuzkoako Foru Aldundia, Donostiako Udala eta UPV/EHU. Hala nola, Nafarroako Unibertsitateak eta IPCEk (Instituto de Patrimonio Cultural de España) parte hartuko dute. Francisco Escudero kontserbatorioko saxofonista laukote batek girotuta, gaur goizean nazioarteko biltzar honen inguruko lerro nagusien berri eman da Gastronomiazko Euskal anaiartean. Kultura ondarea eta Gizartea izenburupean, Europa osotik etorritako profesionalak hartuko dituela espero da.
Berriak - 2015ko azaroaren 13an, ostirala - 2 Iruzkinak
Euskal Herriko Arkitektoen Elkargo Ofizialak eta Do.co.mo.mo ibérico Fundazioak, besteak beste, Eusko Jaurlaritza, Gipuzkoako Foru Aldundia, Donostiako Udala, UPV/EHU, Nafarroako Unibertsitatea eta IPCE (Espainiako Kultura Ondarearen Institutua) erakundeen laguntzarekin, IX. DOCOMOMO Ibérico-Kultura Ondarea eta Gizartea Biltzarra aurkeztuko dute. Aurkezpena, azaroaren 17an (asteartea) 12:00etan izango da Gastronomiazko Euskal anaiartean (Donostiako Trinitate plazaren ondoan). Biltzar hau Donostian egingo da 2016ko azaroan eta aurkezpenean kongresuaren lerro nagusienen berri emango da. Lehen aldia da Donostian arkitektura modernoari buruzko garrantzi honetako biltzar bat egingo dena, eta Kultura Ondarea eta gizartea izenburupean, Europa guztiko profesionalak elkartuko dira. Gainera, XX. mendeko arkitektura eta kultura ondareari buruz argitaratu gabeko lanak ezagutzeko aukera egongo da.
Berriak - 2015ko urriaren 20an, asteartea - 0 Iruzkinak
Euskal Herriko Arkitektoen Elkargo Ofizialeko (EHAEO) Gipuzkoako ordezkaritzak, UPV/EHUko Arkitektoen Goi Eskola Teknikoak (AGET) eta Campo Creativo Cerok elkarlarnean Frontoiak eta pilota jokoari buruzko Donostiako Creative Commons Zinemaldiaren arkitektura saila antolatu dute. Urriaren 22an eta 23an izango da 18:00etatik aurrera EHAEO Gipuzkoako (Frantzia hiribidea, 11 – Donostia) egoitzan. Zenbait ikus-entzunezko eta hitzaldiez osatzen duten egitarau zabal bat egin da horretarako.
Berrikuntza gisa nabarmendu behar da zinelmadira etorri ezin dutenek emanaldiak on line jarraitzeko aukera izango dutela. Horretarako, izena ematea beharrezkoa izango da (gehienez 100 pertsona):
Berriak - 2015ko urriaren 19an, astelehena - 0 Iruzkinak
Aurten pilotalekuetara zuzenduta dagoen Arkitektura eta Hirigintza sailaren jarduera osagarri bezela, Azkoitiako Jorge Oteiza Pilotalekura bisita gidatu bat antolatu dugu, larunbata 24ean.
Hitzordua goizeko 11etan izango da gune berean eta bisita Carlos López de Ceballos arkitektoaren esku egongo da, Jorge Oteizaren kolaboratzailea, Antton Mendizabalekin gune arkitektoniko-eskultural honetan batera egon zirenean. Arkitektoak, bukatu gabeko proiektuaren ezagutza sakona duena, honela jarraiera emango dio urriaren 22an EHAEO-Gipuzkoan emango duen hitzaldiari (+info)
Bisitaldia dohainik izango da López de Ceballosen dedikazioari esker. Antolaketa arrazoiengatik lehenagotik izena ematea beharrezkoa da honako formularioan.