Gipuzkoako arkitektoak
Euskal Herriko Arkitektoen Elkargoa Gipuzkoan

Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura | Gizartea batzordeak, Gipuzkoako etorkizuneko lurralde eta hiri ereduari buruzko hausnarketa eta eztabaidara gonbidatzen duen zikloarekin jarraitzen du. Hori horrela, San Bartolome muinoari buruzko topaketa antolatu du, datorren urriaren 15ean, asteartea, 18:00etan egingo dena UPV/EHUko Arkitektura Eskolan (Oñati plaza, 2 – Donostia). Jon Begiristain, Xabier Uranga, Ibon Salaberria eta Lorenzo Goikoetxea arkitektoek parte hartuko duten mahai-inguru bat egingo da lehenengo, eta ondoren, Oihana Santolaria arkitektoak gidatutako solasaldia izango da. Sarrera doakoa izango da eta herritar guztiei irekita dago, baina plazak mugatuak dira, beraz, beharrezkoa da aldez aurretik izena ematea Gipuzkoako EHAEOren webgunean.

INFORMAZIO GEHIAGO

Gipuzkoako EHAEOk errealitate birtualeko proiektuaren aurrerapen bat aurkeztu du gaur goizean, XVIII. mendeko Donostiako alde zaharra birsortuko dunea. Hain zuzen ere, Plazara! izenburupean, hitzaldia eta familientzako tailer bat antolatu ditu gaurko, eta parte-hartzaileek aukera izan dute Hercules Torrellik 1723an diseinatu zuen udaletxe zaharrean eta hura zegoen plazan sartzeko. Azken proiektua 2025eko udazkenean aurkeztea espero da. Ondarearen Europako Jardunaldien barruan dagoen jarduera hau “Arkitekturaren Munduko Egunaren programazioaren hasiera izan da, datorren astean emango dena”, adierazi du Juana Otxoa-Errarte Gipuzkoako EHAEOeko lehendariak gaurko gaurko aurkezpenean.

Plazara! asmo handiagoko proiektu baten parte da, eta, 2025. urtean garatuko diren hainbat jarduerarekin, 1813 baino lehenagoko Donostiako alde zahar guztia erakutsi nahi zaie herritarrei, data esanguratsu horretan hiria suntsitu baizen eta. Javier Pi Chevrot arkitekto doktoreak, EHAEO Gipuzkoako Ondare Batzordeko kideak eta proiektuaren egileetako batek azaldu duenez, “1800 inguruan birsortze data aukeratzea ez da kasualitatea izan. Aldaketa handienak orduantxe gertatu zirelako, eta hirigintzaren arloan harresi barruko hiria irekitzea ekarri zuelako. Ordura arte itsas merkataritzan aritzen zen hiria zen, indar ekonomiko izugarriarekin; Kontsulatuaren botere gunea zen. Baina gerraren gorabeherek, alde zaharrak 1813an jasan zuen suntsipen tragikoa alde batera utzi gabe, gainbehera ekarri zuten, eta merkataritzan galera handiak ere”, gehitu du.

“Asmoa da hiriaren eremu osoa erakustea, bai harresi barrukoa, bai harresiz kanpokoa, murgiltze-errealitate birtualeko pasealeku baten bidez”, gaineratu du José Javier Pi Chevrotek. Otsailerako proiektuaren beste aurrerapen bat erakutsiko da, eta 2025eko urrian amaitzea espero da.

Urtero legez, urriko lehen astelehenean Arkitekturaren Mundu Eguna ospatzen, da, eta egun horren harira, Euskal Herriko Arkitektoen Elkargo Ofizialeako (EHAEO) Gipuzkoako ordezkaritzak hainbat ekitaldi antolatu ditu datozen egunetarako. Helburua: garai desberdinetak arkitektura eta hirigintza ezagutaraztea eta balioestea, baita eraikinek eta hiriek ingurunera eta paisaiara, eta garai bakoitzaren errealitatera eta eskakizunetara egokitzeko duten gaitasuna erakustea ere.

1.)   Plazara!:1813 aurretiko Donostiako Udaletxearen birsorkuntza

Eguna: Urriak 5, larunbata.

Ordua: 11:00 (komunikabideentzako proiektuaren aurkezpena); 11:30 hitzaldia + familia Tailerra.

Lekua: Euskadiko Arkitektura Institutua, Donostia.

Parte hartuko dute:

• Juana Otxoa-Errarte, Gipuzkoako EHAEOeko lehendakaria
• José Javier Pi Chevrot, Gipuzkoako EHAEOeko Ondarearen Batzordeko kidea eta proiektuaren egileetako bat.
• Carlos Arruti eta Anabel Varona (Maushaus) familia-tailerraren gidariak.

 INFORMAZIO GEHIAGO + IZEN-EMATEAK

2.)  DOCOMOMO plakaren ezartzea Trintxerpeko BITA eraikinean (La Redería), Mugimendu Modernoaren arkitekturaren adibide nabarmena eta Fausto Gaiztarro arkitektoaren obra (1946-1947)

Eguna: Urriak 7, astelehena

Ordua: 12:00

Lekua: Gudarien plaza, z/g.– Trintxerpe (Pasaia).

Parte hartuko dute:

• Juana Otxoa-Errarte, Gipuzkoako EHAEOeko lehendakaria
• Iraitz Pazos, Pasaiko alkateordea eta Hirigintza zinegotzia
• Aitor Brion, Pasaiko Udaleko Ondarea eta Kultura zinegotzia
• Fausto Gaiztarroren familiartekoak
• Ezekiel Collantes, arkitekturan doktorea, Gipuzkoako EHAEOean kolegiatua eta EHUko Arkitektura Eskolako irakaslea. Eraikinari eta honek arkitektura industrialarekin duen harremanaren inguruko hitzaldia emango du.

 Amaitzeko, ADINKIDE elkarteko kideek ekintza artistiko bat eskainiko dute.

Bi ekintza hauek Ondarearen Europako Jardunaldien egitarauan barne daude.

INFORMAZIO GEHIAGO + IZEN-EMATEAK

3.) Solasaldia: Hiriko ibaien paisaia

aldayjover-en Ciudades y ríos eta EHUko UNESCO Katedrarena Guía de espacios urbanos liburuen aurkezpena aitzakitzak harturik Hiriko ibaien paisaia izeneko solasaldia antolatu dugu.

Eguna: Urriak 10, osteguna

Ordua: 18:00

Lekua: EHU Arkitektura Eskola (Donostia).

Parte hartuko dute:

• Jesús Arcos, arkitektoa aldayjover Arquitectura y Paisajen, eta Ciudades y Ríos liburuaren egileetako bat.
• Lara del Valle, arkitekoa eta Guía de espacios Urbanos fluviales UPV/EHUko liburuaren egilea, UNESCO Kultura Paisaia eta Ondarearen Katedrarena.
• Iñigo Peñalba, Arkitekturan doktorea eta batzordekidea Gipuzkoako EHAEOean. Moderatzailea.

INFORMAZIO GEHIAGO + IZEN-EMATEAK

Joan den ekainean, Josune Nájera arkitekto lasartearrak Gipuzkoako EHAEOko zuzendari teknikoaren kargua hartu zuen. Izendapen honekin, Euskal Herriko Arkitektoen Elkargoko Gipuzkoako ordezkaritzako Zuzendaritza Batzordeak lan-taldea indartzen du, kudeaketa hobetzeko eta elkargokideei eta herritarrei eskaintzen zaizkien baliabide eta zerbitzuak optimizatzeko helburuarekin.

Zuzendaritza batzordearen ustetan, hautagaiaren profila eta ezagutza funtsezkoak dira erabakiak hartzeko, arazoak konpontzeko eta, oro har, ordezkaritzaren funtzionamendu zuzenerako. 

 
Zuzendari tekniko berriaren profila
Zuzendari tekniko berria Arkitekturan graduatua da Euskal Herriko Unibertsitateko AGETn. 25 urte baino gehiagoko esperientzia du arkitekturaren eta kudeaketaren esparru ezberdinetan. “Arkitekto gazteen estudioak sendotzen lagunduz hasi nuen nire lan-ibilbidea, eta ideien lehiaketetan eta haien lehen lanetako fase guztietan aktiboki parte hartzeko aukera izan nuen”, azaldu du Najerak.

Ondoren, kudeaketa- eta aginte-postuetan garatu du bere jarduera profesionala, eginkizunak, materialak eta giza taldeak antolatuz eta planifikatuz, guztiz desberdinak diren bi sektoreetan:  Arkitektura eta Gazta. "Urte hauetan zehar, ingurune aldakorrera egokitzen ikasi dut, egoera desberdinak aztertzen eta irtenbide posibleak planifikatzen, eta, batez ere, entzuten; izan ere, lana, harremana eta pertsonekiko komunikazioa ez dago lan-jarduera garatzen den sektorearen menpe", gaineratu du.

Najerak ilusioz eta konfiantzaz ekin dio erronka berri honi, talentu ezberdinak batu eta elkargokideei, zein gizarteari gehien kezkatzen dizkien gaietan ekarpenak egiteko asmoz.

Harremanetan jartzeko datuak:

Tel.: 943 320 194

Email: gerentzia@coavngipuzkoa.eus

2) BITA eraikinari aitortza:

Bi jarduera hauek ere EHAEO Gipuzkoaren Arkitektura Astearen egitarauaren parte izango dira. Paperezko egitarauen zenbait ale Elkargoan ditugu eskuragarri.

Gipuzkoako EHAEOko Jasangarritasun Batzordeak, Habic-en (Euskadiko Ekipamendu, Altzari eta Diseinuaren Klusterra) laguntzarekin, GJH Sariak: Hiri eta Komunitate Jasangarriak  jarri zituen martxan hirugarrenez pasa den maiatzean. 2030era arte urtero antolatuko diren sari horien helburua da arkitektoen jarduera profesionalarekin lotutako arkitektura-lanak eta edozein eratako lanak saritzea, jarduera profesionalean helburu jasangarriak txertatzen badituzte eta Garapen Jasangarriko Helburuen (GJH) helburuekin eta helburuekin bat badatoz.

Edizio honetako proiektuak 3 GJH (Osasuna eta ongizatea) eta 8. GJHaren (Lan duina eta hazkunde ekonomikoa) ingurukoak izan behar zuten, 11. GJHa (hiri eta komunikate jasangarriak) zeharkako gaia izanik. 

Uztailean epaimahaia elkartu zen sarien ebazpenerako eta hau sariak horrela ematea erabaki zuen:

•  GIZARTE MODALITATEA  (GJH 3, Osasuna eta ongiezatea):
  

- Proiektua: Etxelagun.Etxebizitzaren birgaitzea bakarrik bizi diren 55 urtetik gorako pertsonen bakardadeari aurre egiteko.
- Egileak: Olatz Irulegi Garmendia, Miriam Varela Alonso, Claudia Pennese.

•  INGURUMEN MODALITATEA (GJH 8, Lan duina eta hazkunde ekonomikoa):

Saria eman gabe utzi da, ez delako proiekturik aurkeztu.

Sari banaketa irailaren 13an izango da Donostiako Arkitektura Eskolan, Ignite NEB-New European Bauhaus uda ikastaren barruan.

Epaimahaia honako hauek osatu dute:

- Iker Mardaras, Gipuzkoako EHAEOren Jasangarritasun batzordeko zuzendaria.
- Alfonso López, Gipuzkoako EHAEOren Jasangarritasun batzordeko idazkaria.
- Xabier Pérez de Arenaza, Gipuzkoako EHAEOren Jasangarritasun batzordeko kidea.
- Cristina Arcauz, Gipuzkoako EHAEOren batzordeko ordezkaria.
- Ylenia Alonso, Ekipamendu, altzari eta diseinuren klusterreko (HABIC) ordezkaria.
- Aitana Lertxundi, Biogipuzkoa/Basque Environmental Healtth Research Group, sarien gaiekin lotura duten kanpoko pertsonen ordezkari gisa hautatua.
- Susana Federio,Eraikuntzaren Lan-fundazioa /  Fundación Laboral de la Construcción, sarien gaiekin lotura duten kanpoko pertsonen ordezkari gisa hautatua.

Urtero legez, Gipuzkoako EHAEOak 2024ko Jazzaldiko egunetarako Gastronomika Elkartean erreserbatuta duen mahaiarako zozketa egin da. Guztira, 40 elkargokidek parte hartu dute, eta hurrengo esteka ikus daiteke zozketan irabazleen eta ordezkoen hurrenkeraren emaitza zein izan den:

ZOZKETAREN EMAITZAREN AGIRIA

Mahaien esleipena zozketan lortutako ordenaren, eskatutako mahaikideen kopuruaren eta eskatutako dataren lehentasunaren arabera egin da. Hori horrela, eta irabazleetako batek uko egin ondoren, honela geratu da mahaien banaketa:

Urtero legez, Donostia Jazzaren hiriburu bilakatuko da uztaileko azken astean. 59. edizio honetako programazioak kontzertu ugari hartuko ditu hainbat gunetan, Trinitate plaza klasikoenetako bat izangik. Gipuzkoako EHAEOko elkargokideekGastronomiazko Elkartetik bertan jotzen duten kontzertuez gozatzeko aukera izango dute. Horretarako, uztailaren 25, 26, 27 eta 28an afaltzeko mahaia erreserbatzeko zozketan parte hartzea baino ez dute egin behar izango.

Hauek dira zozketarako baldintzak:

• Egun bakoitzerako, mahai bat eskatu ahal izango da Elkargotik, eta mahai bakoitzean gehienez 10 pertsonentzako lekua egongo da (10 pertsona baino gutxiarontzat eskatuz gero, mahaia beste talde batekin osatu ahal izango da).  
• Menubakoitzaren prezioa 45 €koa izango da pertsonako (edariak ez daude barne), eta egun bakoitzean bi menuren artean aukeratu ahal izango da, erreserba egitean aukeratu beharko dena (berdina guztientzat). 
• Mahaia erreserbatu duen elkargokideak, eskatu dituen menuen ordainketa egiteko ardura hartzen du. 

Terrazetara ezingo dira mahaiak atera eta isiltasuna mantendu beharko da.  

Jazzaldiaren egunetarako mahaiaren erreserbarako zozketan parte hartu nahi duten elkargokideen, formularioa bete beharko dute. Parte hartzeko azken eguna uztailak 15eko 12:00etan izango da, eta  egun horretan irabazleen izenak argitaratuko ditugu hemen bertan. Hala ere, saridunei zuzenean deituko zaie.

PARTE-HARTZE ORRIA