2025ko martxoaren 31an, astelehena
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura batzordeak mahai-ingurua egingo du apirilaren 3an, osteguna, 18:00etan, UPV/EHUko Arkitektura Eskolako Paraninfoan, Hiri Eredua: Donostia-Gipuzkoa 2035 izenburupean. Topaketa Ander Gortazar arkitektoak moderatuko du, eta Donostiako Udalean ordezkaritza duten alderdi politikoetako ordezkariek parte hartuko dute: Nekane Arzallus (EAJ/PNV), Juan Marrero (PSE), Juan Karlos Izagirre (EH Bildu), Borja Corominas (PP) eta Víctor Lasa (Elkarrekin). Parte-hartzea doakoa izango da, baina ezinbestekoa izango da aldez aurretik izena ematea Gipuzkoako EHAEOren webgunean. Ekitaldiak aldibereko itzulpen zerbitzua eskainiko du, eztabaidaren jarraipena errazteko. Ekimen honek Gipuzkoako Foru Aldundiko Mugikortasuneko, Turismoko eta Lurralde Antolaketako departamentuaren eta EHUko Arkitektura Eskolaren laguntza jaso du.
Gipuzkoako EHAEOk antolatzen duen Gipuzkoako etorkizuneko lurralde eta hiri ereduari buruzko hausnarketa eta eztabaida zikloaren 2025eko bigarren saioak hiriaren eta lurraldearen etorkizunari buruzko eztabaida eta hausnarketa gune bat irekitzea du helburu. Ostegun honetan Donostiako Arkitektura Eskolan egingo den topaketan, funtsezko gaiak jorratuko dira, hala nola, hiri-garapena, mugikortasuna, etxebizitza, herritarren parte-hartzea edo hiriaren identitatea ondarearen eta paisaiaren bitartez. Nekane Arzallus (EAJ/PNV), Juan Marrero (PSE), Juan Karlos Izagirre (EH Bildu), Borja Corominas (PP) eta Victor Lasa (Elkarrekin) zinegotziek parte hartuko dute jardunaldian, Ander Gortazar arkitektoak dinamizatuko duena. Parte-hartzaileen azalpenen ondoren, eztabaida zabalduko da, eta bertaratzen direnek ere tartea izango dute parte hartzeko. Jardunaldia 18:00etan hasi eta 20:00ak arte luzatuko da.
Jardunaldi hauei buruz
2022aren amaieran, Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuaren laguntzarekin, Gipuzkoako EHAEOa antolatzen hasi zen etorkizuneko lurralde eta hiri ereduari buruzko hausnarketa eta eztabaida jardunaldiei buruzko zikloaren hamaikagarren topaketa da hau. Aurten bost jardunaldi egitea aurreikusten dira. Horietako lehena joan den hilabetean izan zen Zarautzen, eta klima aldaketa kostaldeko eremu urbanizatuetan nola eragiten ari den izan zuten hizpide.
Bigarren saio honen ondoren, maiatzean beste bat egingo da gai horri buruz, baina hirigintzan adituak diren hainbat hizlariekin. Udako etenaren ondoren, irailean Easoko Trenbide zabalgunearen etorkizunari buruz eztabaidatuko dute, Donostian ere. Aurtengo edizioa azaroan amaituko da, Turismoa eta hiria jardunaldiarekin, Hondarribian egitea aurreikusten dena.
Hitzaldi guztiak Gipuzkoako EHAEOaren YouTubeko kanalean daude ikusgai.
Informazio gehiago nahi izanez gero, jar zaitez gurekin harremanetan:
Raquel López Viña
Komunikazio saila | EHAEO Gipuzkoa
Tel.: 943 320 194 / 649107123 · komunikazioa@coavngipuzkoa.eus · www.coavnss.org
