Berriak - 2023ko martxoaren 22an, asteazkena - 0 Iruzkinak
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura | Gizartea batzordeak joan den urtearen amaiera Gipuzkoako etorkizuneko lurralde- eta hiri-ereduari buruz hausnartzeko eta eztabaidatzeko ziklo bat abiatu zuen. Lehen jardunaldia Loiolako kuartelen inguruan egin zen, eta bigarren topaketa hau bizitegi-garapen berriei buruzko eztabaidaren bila dabil. Hitzordua bihar izango da (osteguna, martxoak 23), 18:30ean, Gipuzkoako COAVNren egoitzan (Frantzia pasealekua, 11 – Donostia). Bertan, hirigintzan adituak diren hiru arkitektok hartuko dute parte: Oihana Arruti, Santiago Peñalba eta José Miguel Toledo. Ondoren, Oihana Santolaria arkitektoak moderatutako eztabaidari ekingo zaio. Sarrera doakoa izango da eta herritar guztientzat dago zabalik, baina plazak mugatuak dira; beraz, aldez aurretik izena eman behar da Gipuzkoako EHAEOren web orrian.
Berriak - 2023ko martxoaren 10an, ostirala - 0 Iruzkinak
Bueltan da 12 hilabete 12 emakume-arkitekto ekimenaren edizio berri bat. 2023an ere, saioak EHAEOren ordezkaritza guztietan egingo dira. Bizkaian hasiko dugu ibilbidea, Maivi Morrás Zuazo eta Andrea García Cresporen hitzaldiarekin.
Hitzaldiak aurrez aurre edota streaming bidez jarraitzeko aukera egongo da.
Ekimenari buruz
12H 12A emakume arkitektoen agertokia eta bozgorailua izan nahi du. Jardunaldi hauen helburua da emakume arkitektoak eta euren lana ikustaraztea eta jakin-nahia ezagutzea.
Berriak - 2023ko otsailaren 14an, asteartea - 0 Iruzkinak
EAEko birgaitze- eta obra berriko obretan bisatutako azalera % 34,4 hazi da aurreko urtearekin alderatuta, CSCAEk 2022ko balantzerako egindako bisatu-datuen arabera. Nolanahi ere, datu horiek xehetasun handiagoz aztertzean, hazkunde nagusia birgaitzean gertatzen da; izan ere, obra berriaren bisatutako azalera (bizitegitakoa + bizitegitakoa ez dena) %2 baino ez da igotzen, eta obra berriko datu positiboa ematen dute dutenak, bizitegietako obrei dagozkienak da.
Ikusi xehetasun guztiak jasotzen dituen txostena
Berriak - 2023ko urtarrilaren 11an, asteazkena - 0 Iruzkinak
Euskal Herriko Arkitektoen Elkargo Ofizialeko (EHAEO) Gipuzkoako ordezkaritzak Ondare atariak: irisgarri eta inklusiboak? erakusketa ekoitzi eta ikusgai jarri zuen 2021ean, Gipuzkoako Foru Aldundiak sustatzen dituen Ondarearen Europako Jardunaldien barruan. Erakusketak ikusmin handia sortu zuen eta harrera oso ona izan zuen publikoaren artean. Hori horrela, erakusketa berriro ere ikusgai jarriko da, oraingo honetan Egiako Kultura Etxean (Donostian). Inaugurazio-ekitaldia bihar, urtarrilak 12, izango da 19:00etan. Bestalde, urtarrilaren 25erako bisita-gidatu bat antolatu da erakusketara.
Pandemia garaian bete-betean geundela inauguratu zen lehenengoz Ondare atariak: irisgarri eta inklusiboak? erakusketa Gipuzkoako EHAEOren egoitzan, Ondarearen Europako Jardunaldien programazioaren barruan. “Osasun-egoeraren murrizketek baldintzatu arren, ikusleen erantzuna bikaina izan zen eta berriro ere ikusgai jarri behar genuela argi genuen”, diote Gipuzkoako EHAEOren Ondarearen batzordeko kideek, erakusketaren egileak. Hori horrela, eta asmo horri jarraiki, bihar 19:00etan berriro ere inauguratuko da, oraingo honetan Egiako Kultur Etxean. Ekitaldian, besteak beste, Juana Otxoa-Errarte Gipuzkoako EHAEOren lehendakariak eta Juan Martín Gipuzkoako EHAEOren Ondarearen batzordeko zuzendariak parte hartuko dute. Amaieran, mokadutxo bat partekatuko da gerturatzen direnekin.
Bestalde, urtarrilaren 25ean 11:00etan, erakusketara bisita gidatu bat egingo da, non atari bakoitzaren azalpen xeheagoa emango duten Gipuzkoako Ondarearen batzordeko zenbait kidek. Bisitan parte hartzeko, aurretik izena eman behar da Egiako Kultur Etxean.
Erakusketa hau otsailaren 28ra arte bisitatu ahal izango da honako ordutegian: astelehenetik ostiralera 9:00etatik 14:00etara eta 16:00etatik 20:30era.
Erakusketa honi buruz
Gipuzkoako Foru Aldundiak sustatzen dituen Ondarearen Europako Jardunaldien leloa Ondare irisgarria eta inklusiboa izan zen 2021ean. Hori horrela, Gipuzkoako EHAEOren Ondarearen batzordeak Donostiako Hiri Ondarea Babesteko Plan Bereziak B mailarekin babestuak eta eraikiak dauden eraikinetako atarien inguruko erakusketa ekoitzi zuen. Guztira 25 atari baziren, 23 portaleko jabeen baimenarekin osatu ahal izan zuen erakusketa.
Gai honek indarrean dagoen legeria betetzen dela eta berezko ondare-balioak mantentzen direla egiaztatzea planteatzen da, aplikatzean sortzen diren mugak eta zailtasunak aztertzeko. Erakusketa horrek aukera ematen du egoera horrek eragiten dituen arazoak egiaztatzeko, oro har eta kasu zehatz bakoitzean, eta profesional bakoitzak, ahal den neurrian, ematen duen erantzun teknikoa. Ondare-errespetuaren eta araudia betetzearen arteko oreka delikatua bilatuz.
Berriak - 2022ko abenduaren 23an, ostirala - 0 Iruzkinak
Azken urteetan bezala, Gipuzkoako EHAEOak Gabonetako postalen lehiaketa antolatu du 0 eta 15 urte bitartekoentzat, hiru adin-tarteetan banaturik. Aurten, guztira 73 lan jaso ditugu eta hauek izan dira irabazleak:
A kategoria (2015 eta hurrengo urteetan jaioak):
- Lehen saria: Eguberri on!, Garazi Gastesi Zanguitu
- Bigarren saria: Gau izartsua, Bruno González Aranburu
B kategoria (2014 eta 2011 artean jaioak):
- Lehen saria: Urte berriarekin astindu arkitekturari!, Martin Otaduy Sagarna. Postal hau aukeratua izan Gipuzkoako EHAEOk gabonak zoriontzeko.
- Bigarren saria: Gabonak hirian, Axel Carrillo Aiertza
C kategoria (2010 eta 2007 artean jaioak):
- Lehen saria: Zuhaiztutako Donostia, Garazi Zabaleta Pastor
- Bigarren saria: Olentzero leihoan, Ane Sánchez Robles.
Sariak emateko garaian epaimahaik kontua izan du: gaiaren egokitasuna, ideia originala, adina eta marrazkiaren lanketa.
Sari-banaketa abenduaren 30ean, ostirala, 13:00etan izango da, Gipuzkoako EHAEOaren egoitzan.
Aurkeztu diren lan guztiak laster jarriko ditugu hemen.
Berriak - 2022ko abenduaren 05an, astelehena - 0 Iruzkinak
Gipuzkoako EHAEOk omenaldia egingo die Euskal Herriko Arkitektoen Elkargo Ofizialeko lehen 14 arkitekto kolegiatuei, abenduaren 15ean (18:30), elkargoaren egoitzan egingo den 12 hilabete eta 12 arkitekto ekimenaren itxiera-jardunaldian.
Hitzaldi-ziklo honek Gipuzkoan ekin zion bideari, emakume arkitektoak, haien lana eta haien kezkak ezagutarazteko helburuarekin. 2022an, lehen aldiz, gainerako ordezkaritzetara zabaldu da, eta aurten 12 emakume-arkitektoren ibilbide profesionala gertutik ezagutzeko aukera izan dugu. 12 emakume eta hamaika gertaera, bakoitza zein baino zein aberasgarriagoa.
Urteko azken saio honetan, aurtengo edizioaren itxiera-jardunaldia ospatzeaz gain, bidea ireki zuten emakume-arkitektoak omendu nahi dira. Horregatik, Euskal Herriko Arkitektoen Elkargo Ofizialean kolegiatu ziren lehen 14 emakume arkitektoak izango dira bertan. Olatz Ocerinek gidatutako solasaldi honetan, arkitekto aitzindari hauek euren esperientzia kontatuko dute:
Lekuak mugatuak dira, horregatik, nahiz eta doako izan, izena ematea beharrezkoa izango da.
Berriak - 2022ko azaroaren 25an, ostirala - 0 Iruzkinak
Gabon garaia gertu dago, eta jada klasiko batean bihurtu diren etxeko gazteenentzako bi proposamenekin gatozkizue oraingo honetan:
Sariak eta opariak egongo dira guztientzat!
Adi irakurri proposamen bakoitzaren xehetasunak!
APAINDU DEZAGUN GABONETAKO ZUHAITZA ELKARREKIN!
Etxean egindako eskulanekin apainduko dugu sarreran egongo den zuhaitza. Hori horrela, 0-15 urte bitartekoek egindako apaingarri baten truke, opari polit bat emango diegu.
Berriak - 2022ko azaroaren 18an, ostirala - 0 Iruzkinak
Euskal Herriko Arkitektoen Elkargo Ofizialeko (EHAEO) Gipuzkoako ordezkaritzaren Kultura | Gizartea batzordeak Gipuzkoako lurralde- eta hiri-etorkizunaren inguruko hausnarketa- eta eztabaidarako ziklo bati emango dio hasiera. Lehenengo jardunaldia datorren azaroaren 24an, ostegunean, 18:30etik aurrera izango da, Gipuzkoako EHAEOren egoitzan (Frantzia pasealekua, 11 – Donostia). Lehen topaketa honetarako aukeratutako gaia Loiolako Kuartelak izango da eta horretarako, Ekain Jiménez, Fernando Bajo eta Mario Domínguez arkitektoen hitzaldiak izango dira. Ondoren, Oihana Santolaria arkitektoak moderatutako eztabaida egongo da. Sarrera doakoa da eta herritar guztiei dago zabalik, baina lekuak mugatuak direnez, aurretik izena ematea beharrezkoa da.
“Loiolako Kuartelak LO04. gunea” Gipuzkoako hiriburuan kokatua dago eta egoera ugarik baldintzatu dute haren etorkizuna. Gai honekin zabalduko da hausnarketa- eta eztabaida-ziklo hau. Gai polemiko eta gaurkotasun osoko honetatik abiatuta, beste eremu batzuetaera estrapola daitezken eta hausnarketa sakona merezi duten beste gai interesgarri ugari mahai gainean jarriko dira.
Ekain Jiménez, Fernando Bajo eta Mario Domínguez arkitektoak arduratuko dira eztabaidaren planteamenduaz ikuspegi tekniko batetik, eta gai hauek landuko dituzte, besteak beste: lurzoruaren kudeaketa, eraikinak katalogatzeko eskumenak, eraikinak bihurtzeko aukerak eta eraikuntza- eta proiektu-mailako erabilera-aldaketak, hirigintza-kudeaketako eragozpenak eta Urumea ibarreko uholde-arriskuaren problematika. Azalpenaren ondoren, hizlarien eta bertaratutakoen arteko eztabaida sustatuko da, Oihana Santolaria arkitektoak moderatuko duena.
Topaketa hau 2023. urtean zehar egingo diren beste askoren artean lehena izango da.
