Gipuzkoako arkitektoak
Euskal Herriko Arkitektoen Elkargoa Gipuzkoan

Gipuzkoako EHAEOren liburutegia itxita egongo da abuztuaren 1etik 19ra oporrak direla eta. Gainontzeko egunetan, eta irailak 15 arte, hau izango da da ordutegia:

Astelehenetik ostiralea 9:00etatk 14:00etara.

Bestalde, elkargokideei gogorarazten zaie dagoeneko 2022ko EHAEO Sarien liburua jaso dezaketela liburutegian.

Azkenik, hementxe uzten dizkizuegu zenbait gomendio oporretan irakurtzeko, guztiak maileguan eramateko moduan daudenak:

 IKUSI BIDEOA

Aprobetxatu azken egun hauek zure maileguak egiteko!

KONTSULTATU KATALOGO OSOA

Informazio gehiagorako, jar zaitez harremanetan liburutegiarekin:

liburutegia@coavngipuzkoa.eus

Tel.: 943 320 194

Gastronomiazko Elkarterako mahaiaren zozketa gaur, uztailak 8, egin da 12:00etan. Guztira, 30 elkargokidek hartu dute parte, eta honako estekan dago irabazleen eta ordezkoen emaitza:

ZOZKETAREN EMAITZAREN ESTEKA

Lekuak emateko garaian, kontuan izan da mahaikide kopurua eta parte-hartzaile bakoitzak  lehentasunez aukeratutako eguna. Hau guztia kontuan izanda, honela gelditu da banaketa egun bakoitzean:

Aurten ere Jazzaldia egiten den egunetan (uztailaren 22etik 25era) Trinitate plazan eskainiko diren kontzertuekin gozatzeko aukera izango dute Gipuzkoako EHAEOeko elkargokideek Gastronomiazko Euskal Anaiartertik. Ez da barra zerbitzurik egongo eta jangela guztiak afarietarako egokituko dira. Beraz, mahaia erreserbatuz bakarrik joan ahal izango da, eta hauek dira baldintzak:

• Egun bakoitzerako, mahai bat eskatu ahal izango da Elkargotik, eta mahai bakoitzean gehienez 10 pertsonentzako lekua egongo da (10 pertsona baino gutxiarontzat eskatuz gero, mahaia beste talde batekin osatu ahal izango da).  
• Menu bakoitzaren prezioa 40 €koa izan da pertsonako (edariak ez daude barne), eta egun bakoitzean bi menuren artean aukeratu ahal izango da, erreserba egitean aukeratu beharko dena (berdina guztientzat). MENUAK.
• Mahaia erreserbatu duen elakargokideak, eskatu dituen menuen ordainketa egiteko ardura hartzen du. 
• Terrazetara ezingo dira mahaiak atera eta isiltasuna mantendu beharko da.  

Jazzaldiaren egunetarako mahaiaren erreserbarako zozketan parte hartu nahi baduzu, formularioa bete beharko duzu. Parte hartzeko azken eguna uztailak 8ko 12:00etan izango da, eta  egun horretan irabazleen izenak argitaratuko ditugu  webgunean. Hala ere, saridunekin harremanetan jarriko gara zuzenean.

• Last Chance for a Slow Dance, Beñat Saratxaga Couceiro eta Gentzane Goikuria Irigoyenen proiektua, 2022ko EHAEO Sarietan saritua, eta Federico Soriano Peláez eta Maria Dolores Palacios Díazen Euskalduna Jauregia nabarmentzen dira 2022ko CSCAEren ARQUITECTURA sarietako finalisten artean.
• 21 lan finalista, aurkeztutako 650 proiektuetatik, ARQUITECTURA Sarietarako hautagaiak dira. Guztira hainbat balore balioesten dituzten sei sari eta hiru sari berezi banatuko dira: Espainiako Arkitektura Saria, Espainiako Hirigintza Saria eta Iraunkortasun Saria.
• Epaimahaiak balioetsi du Carme Pinòs eta Carlos Puenteren lanak lanbidean jarduteko bi modu konprometitu direla, kalitatezko arkitekturaren garrantzia islatzen dutenak eta obra berezien bikaintasunean eta fintasunean bat egiten dutenak.

Carme Pinòs eta Carlos Puentek Arkitekturaren Urrezko Domina entzutetsua jasoko dute, Espainiako Arkitektoen Elkargoen Kontseilu Gorenak (CSCAE) ematen duena. Aintzatespen horiekin batera, CSCAEk ARQUITECTURA Sarien lehen edizioko 21 lan finalistak ere iragarri ditu, besteak beste, Last Chance for a Slow Dance, Beñat Saratxaga Couceiro eta Gentzane Goikuria Irigoyen proiektua, 2022ko EHAEO Sarietan saritua, eta El Palacio Euskalduna, Federico Soriano Pelaez eta Maria Dolores Palacios Díazen lana. Finalera iristen diren proiektuek, 650 proposamenen artean, sei sari jaso ahal izango dituzte, eta honako balio hauek aitortuko dituzte: iraunkortasuna eta osasuna, Bauhaus Berria, konpromiso sozial eta etikoa, lanbidea, RE balioak (birgaitzeari, berritzeari eta berroneratzeari dagozkionak) eta habitata. Gainera, hiru sari berezi emango dira: Espainiako Arkitektura Saria, Espainiako Hirigintza Saria eta Iraunkortasun Saria.

Sariak banatzeko ekitaldia uztailaren 13an, asteazkena, izango da, 19: 30ean, CaixaForum Madrilen. Ekitaldia Errege Lorategi Botanikoan koktel batekin amaituko da, UNESCOren Munduko Ondarea den Argiaren Paisaiaren balioa azpimarratuz. Ekitaldi honekin itxiko da ARQUITECTURA Sarien lehen edizioa, gizarte bidezkoagoa eta berdintasunezkoagoa sortzen laguntzen duten arkitekturako edo arkitekturarekin zerikusia duten profesional guztien lana aintzatesteko.

Irabazleek sarien eskultura jasoko dute, "TOITS" diseinua, Jesus de los Ojos Moral, Jairo Rodríguez Andre, Manuel Fernández Catalina eta Ana Muñoz López arkitektoen lana, eta Obsidiana COMPAC enpresarekin egingo da. Marka horretako materialik jasangarriena da, teknologia aitzindariak inplementatu baitira eta mineralaren karga % 100 birziklatu eta beiraz osatuta baitago. Material hau Cradle to Cradle Certifie اBronze da, ekonomia zirkularraren premisak betetzen dituela bermatuz. Gainera, FX International Interior Design 2021 eta Sustainability Award 2020 erakundeek aitortu dute jasangarritasun eta diseinu eraginkorragatik.

Gipuzkoako EHAEOren Jasangarritasun Batzordeak, Habic-en (Euskadiko Ekipamenduaren, Altzarien eta Diseinuaren Klusterra) laguntzarekin, HIRI ETA KOMUNITATE IRAUNKORREN SARIEN lehen edizioa antolatu du, Garapen Jasangarrirako 2030 Agendari egiten dion ekarpenaren esparruan. Helburua da arkitektura-lanak eta arkitektoen jarduera profesionalarekin zerikusia duten edozein motatako lanak saritzea, baldin eta lanbidean helburu jasangarriak sartzen badituzte eta Garapen Iraunkorreko Helburuen (GJH) xede eta xedeekin bat egiten badute.

Urtero, 2022 eta 2030 artean deituko dira sariak, eta edizio bakoitzean 17 GJHetako 2ri lotutako bi lan sarituko dira. Halaber, deialdi guztietan zeharkako gai komun bat egongo da: 11. GJH Hiri eta komunitate jasangarriak, sarketa honi izena ematen diona.

LEHEN EDIZIOA

Lehen edizio honetan  lanek 10. GJHrekin (Desberdintasunen murrizketa) eta 12. GJHarekin (Ekoizpen eta kontsumo arduratsua) lotuta egon behar dute.

Parte hartu nahi dutenek formulario honen bidez egin beharko dute izen-ematea (doakoa), eta honako hauek bete:

• Datu pertsonalak
• Proposamenaren informazio garrantzitsuena
• Gehienez 350 hitz deskribatzen dituen memoria laburra.

Gainera, parte-hartzaileek panel bat egin beharko dute, DIN A1 tamainakoa, PDF formatuan eta 15 MBkioa gehienez, eta hori guztia posta elektronikoz bidali helbide honetara: jasangarr-idazk@coavngipuzkoa.eus

SARIAK

800 €-ko bi sari eta garaikur oroigarri bat egongo dira, ordezkatzen duten modalitate edo GJH bakoitzeko bat. Gainera, aipamen merezi duten lan guztiek garaikur bat jasoko dute.

Sari-banaketa 2022ko irailaren 15ean egingo da, Donostian (tokia zehazteke).

IZEN-EMATEA

Izena emateko epea 2022ko ekainaren 26an amaituko da.

OINARRIAK

Kontsultatu hemen oinarriak:

OINARRIAK eta bete IZENA EMATEKO inprimakia.

Gaur goizean inauguratu da Egurtek Sarien Erakusketa, Euskadiko Arkitektura Institutuan, Donostian. Aldi baterako ikusgai egongo dira seigarren edizio honetara aurkeztutako 76 lanak. Sari-banaketa urrian izango da, Egurtek Nazioarteko Zuraren Arkitektura eta Eraikuntza Foroan zehar. Honako hauek parte hartu dute inaugurazioan: Mario Goffard, Bilbao Exhibition Centreko Merkataritza eta Marketing zuzendaria; Patxi Chocarro, Egurtek 2022 Sarien presidentea eta Euskal Herriko Arkitektoen Elkargo Ofizialeko dekanoa; Oscar Azkarate, Baskegurreko zuzendari nagusia; eta José Ángel Medina, Euskadiko Arkitektura Institutuko zuzendaria.

Honako hauek izan dira Egurtek sariak jaso dituzten proiektuak:

• Casa Porta Trinitat, Manuel Sánchez-Villanueva eta Carol Beuterrena – Bartzelona (Bertako Egurra-Basque Quality kategoria);
• Last Chance For A Slow Dance, Beñat Saratxaga eta Gentzane Goikuriarena - Larrabetzu, Bizkaia (Bois/Egurra/Madera - BEM kategoria);
• Viviendas Sociales, Marta Peris eta José Manuel Toralena - Cornellà de Llobregat, Bartzelona (Eraikuntza kategoria; kategoria honetako accesita Casa Porta Trinitat proiektuarentzat izan da);
• Casa Pris, Óscar Andrés eta Iván Andrésena - Vigo, Pontevedra (Interiorismo kategorian; accesita Ignacio Olite eta Koldo Fernándezen Laying Box proiektuak lortu du - Pamplona, Nafarroa);
• Mesa Laga, Silvia Ceñalena (Produktuaren Diseinua kategoria);
• Tectónica.Archi, José María Marzorena; eta Revista Aitim, José Enrique Perazarena (Argitalpena kategorian).

2012an Egurrezko Arkitekturaren Sariak sortu zirenetik, kalitate handiko ehun proiektu inguru aurkezten dira edizio bakoitzean, eta sektoreko aitorpenik ospetsuenetako bat bilakatu da. Aurkeztutako lan bakoitzak balioa ematen dio egurrari, eraikuntza jasangarriaren baitan. Arkitekturak funtzio eraldatzailea du, eta gizartearen eta banakoen ongizatera bideratutako forma berrietara mugitzen ari da. Sariek garrantzi handia dute Euskadiko egurraren sektorearentzat. Ebazpenaren berri online eman zuten, orain dela gutxi. Hortaz, Egurtekek funtzio garrantzitsua du ingeniariei eta arkitektoei zuzendutako dibulgazioari eta prestakuntzari dagokionez, gero eta joera handiagoa baitago eraikuntza jasangarriaren aldeko apustua egiteko. Gainera, aurkeztutako proposamen guztiak panelen bidez ikusgai izango dira bertan. Sariez gain, foroan kongresu garrantzitsu bat egingo da eta Estatu mailako eta nazioarteko (Austria, Herbehereak, Portugal eta Danimarka, adibidez) lehen mailako adituek hartuko dute parte.

Erakusketa eremua eta jardunaldi teknikoak ere antolatuko dira bertan. Erakusketa ekainaren 30era arte egongo da zabalik, eta honako ordutegi hau izango du: asteartetik ostiralera, 17:00etatik 20:00etara; larunbatetan, 11:00etatik 14:00etara eta 17:00etatik 20:00etara; igandeetan, 11:00etatik 14:00etara.

Gipuzkoako Aparejadore eta Arkitekto Teknikoen Elkargo Ofizialak (GAATE) eta Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak beren indarrak batu dituzte lehen aldiz, “aurrekaririk gabeko ekimen honetan”: birgaitze-bulego bana sortzea. Nagore Azuabarrena GAATEko lehendakariaren hitzetan, “birgaitzeko garaia iritsi da, diru-laguntzen sostenguarekin, Europatik etorriko direnak, argi baitago birgaitzearen aldeko apustua egin dela, eta kasu askotan laguntza horiek oso garrantzitsuak izan daitezke”.

Aukera horren aurrean, bi Elkargoek aurrerapauso bat eman dute eta bulego bana eratu: “Administrazioak finantzatu ez duen ekimena da, baina uste dugu ezinbestekoa dela hainbat arrazoirengatik: lehena, ‘Next Generation’ laguntzek aukera paregabea ematen dutelako higiezinen parkea birgaitzeko”, adierazi du Juana Otxoa-Errartek, Gipuzkoako EHAEOren lehendakariak.

JARRAITU IRAKURTZEN

José Javier Pi Chevrotek, Arkitekturan doktorea Bartzelonako Arkitekturako Goi Eskola Teknikoan, Donostiako hiria 1813a baino lehen: bere presentziren aldarrikapena (La ciudad de Donostia-San Sebastián antes de 1813: reivindicación de su presencia) hitzaldia eman eta izenburuko bere liburua aurkeztuko ditu datorren asteartean, Gipuzkoako EHAEOren liburutegian Liburuaren egunerako antolatu dituen ekintzen barruan. Sarrera doakoa izango da, baina lekuak mugatuak izanda, aurretik izena ematea beharrezkoa izango da. 

IZEN EMATEA

LIBURU HONI BURUZ

Hogei urtez baino gehiago ikertzen aritu ondoren, José Javier Pi Chevrotek oso modu didaktikoan azaltzen du nolakoa zen Donostiako hiria 1813an ia erabat suntsitu aurretik. Hiria hondatu zuen sutearen aurreko iturri historikoak nahiko urriak dira, baina ez bakarrik erre zirelako, baizik eta garai hura oso gutxi ikertu delako hirigintza eta arkitektura aldetik. Egileak egindako ikerketa-lan handiaren ondorioz, 150 plano inguru aurkitu ditu , artxibo espainiar, frantses eta ingelesetan, horietako asko orain arte ezezagunak zirenak. Dokumentu kartografikoez gain, artxiboetatik eta argitaratutako lanetatik ateratako dokumentu historikoetan ere oinarritu da ikerketa, eta dokumentazio hori guztia xehetasunez aztertu da. Hiriko espazioari buruzko datu horiek guztiak zehaztasunez kudeatu behar zirenez, egilea teknologia berriez baliatu da 1813a baino lehenagoko hiria 3Dn birsortzeko bere kokapen zehatzean, eta emaitza hori erakusten da obra honetan.

Liburuak dituen 655 orrialdeetan zehar, irakurleak ezagutuko du nolakoa zen harresi barneko eta kanpoko hiria, Koruko Andre Maria elizaren aurreko eraikinak, Santa Mariako Kanpandorre, San Bizente eliza edo Idiakezeko Etxe Nagusiak, besteak beste. Bestalde, kapituluetako bat Hércules Torelli arkitekto italiarrari eskaintzen dio, ezezaguna askorentzat, baina utzi zuen ondarea oso garrantzitsua izan zen hiriarentzat, eta baita Gipuzkoarentzat ere. Torellik Urgulleko gazteluan esku-hartu zuen eta lehen plaza Berriaren egilea izan zen. Plaza hori gaur egun Konstituzio plaza da eta Donostiako udaletxe eta kontsuletxe zaharraren plaza. Eraikina Gipuzkoako beste udaletxe batzuk eraikitzeko eredu izan zen, hala nola, Oñati, Astigarraga, Arrasate, Asteasu edo Elgoibarrekoak.

Liburuak Donatella Callabi Veneziako Arkitekturako Unibertsitateko historialari eta irakasle emerituaren hitzaurrea du, eta arkitekturako eta hirigintzako profesionalei nahiz Donostiako historia ezagutu nahi duten ororentzako da egokia.

Egileari buruz

José Javier Pi Chevrot (1956, Eterbeek, Bruselas) Villette-Pariseko Arkitektura Goi Eskola Nazionalean eskuratu zuen arkitekto titulua eta Bartzelonako Unibertsitateko AGETen doktoretzakoa. 2019an, eta Ángel Martín Ramos katedradunaren zuzendaritzapean aurkeztu zuren bere doktore-tesia, liburu honen izenburu berarekin, eta Bikain Cum Laude  kalifikazioa lortu zuen. Ikerketa lanaz gain, arkitekto lanetan jarraitu du hirigintzan, eraikuntzan eta bereziki ondare eraikian, Gipuzkoan, Nafarroan, Huescan eta Frantziako hegoaldean. Gaur egun Gipuzkoako EHAEOren Ondarearen batzordeko kidea da.

Quaró: % 10 deskontua

Liburu hau jada salgai dago Quaró Erreprografia Zerbitzuetan. Hala ere, eta Liburuaren Eguneko ospakizunaren harira %10aren deskontua izango dute liburu honetan eta dendako gainotzekoetan, maiatzak 3 bitartean.

Nahi duenak eposta bidez edota telefonoz (943 326 800) egin ditzake erreserbak.

Mugarik Gabeko Arkitektura GKEak  Irisgarritasuna eta hezkuntza inklusiboa Inhambanen (Mozambike)erakusketa jarri dute maiatzaren 24ra arte Gipuzkoako EHAEOean. Erakusketa honen helburua da “Gizarte zibila eta erakunde publikoak ezgaitasuna duten pertsonen kolektiboaren egoeraz sentsibilizatzea, Inhambaneko udalerrian (Mozambike) hezkuntza inklusiborako sarbidea erraztuz” izeneko  proiektuarekiko sensibilizazioa sortzea eta gizarteratzea. Proiektu hau GKE honek garatu du lekuko erakundeekin batera. 

Erakusketa honen bidez, proiektu bat aurkezteaz gain, proiektu horrek gizartean izan dezakeen eragina ere azaldu nahi da, bai proiektua garatzen den tokian, bai beste leku batzuetan; izan ere, proiektu horrek erakusten du nola, parte hartuz, herritarrek edozein motatako arazoak detekta ditzaketen, irtenbideak proposa ditzaketen eta horiek garatzeko akordioak lor ditzaketen.

Erakusketaren ardatza IRISGARRITASUN UNIBERTSALAREN arloko GIZARTERATZEA da, PARTAIDETZA DEMOKRATIKOAREN bidez, kolektibo ahulenen giza eskubideen garapenari laguntzeko.

Erakusketa bisitatu nahi dutenek maiatzaren 24ra arte egin dezakete, ordutegi honetan:

Astelehenetik ostiralera, 9:00etatik 15:00etara.

Hitzaldia

Bestalde, Mugarik Gabeko Arkitektura GKEko kideek hitzaldi bat emango dute maiatzaren 13an Gipuzkoako EHAEOren egoitzan, Mozanbiken garatutako proiektu honen xehetasunak emateko.

Sarrera doakoa da, baina aurretik izena emate eskertuko da.

IZEN EMATEA.