Berriak - 2023ko maiatzaren 05an, ostirala - 0 Iruzkinak
Hemen da 12 hilabete 12 emakume-arkitekto ekimenaren bigarren hitzaldian Japoniara bidaiatuko dugu, Noemí Gómez eta Mio Tsuneyama arkitektoekin.
Noemi Gómezek arkitektura tituloa Madrilgo AGETen eskuratu bazuen ere, Japonian eman egin du bere ibilbide profesionalaren zati handi bat, besteak beste, Yoshiharu Tsukamoto laborategian genero-kontuak Japoniako testuinguruan ikertzen egon da emakume arkitektoen, etxe japoniarraren eta hiri-ingurunearen ikuspegitik. Bestalde, Mio Tsuneyama arkitekto japoniarrak Tokyoko University of Sciencen (TUS) hasi zituen ikasteketak eta Lausanneko (Suitza) École Polytechnique Fédéralean (EPFL) amaitu. Gaur egun bertako eta beste hainbat unibertsitateetako irakasle bisitaria da. Aldi berean, Studio mnm sortu zuen Tokyon eta nabarmentzekoak dira familia bakarreko etxebizitza tokiotarrak berritzeko proiektuak.
Hitzaldia maiatzaren 11n 18:30ean izango da Gipuzkoako EHAEOean, baina streaming bidez ere jarraitu ahal izango da.
Parte hartzea doakoa da, baina aurretik izena eman behar da.
HELBURUA
12H 12A emakume arkitektoen agertokia eta bozgorailua izan nahi du. Jardunaldi hauen helburua da emakume arkitektoak eta euren lana ikustaraztea eta jakin-nahia ezagutzea.
Datozen ekitaldietako datak:
* Baieztatzeke / por confirmar
Berriak - 2023ko apirilaren 18an, asteartea - 0 Iruzkinak
.jpg)
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura | Gizartea batzordeak, berriz ere, Gipuzkoako etorkizuneko lurralde- eta hiri-ereduari buruz hausnartzera eta eztabaidatzera gonbidatzen ditu herritarrak. Hirugarren jardunaldia ostegunean (apirilaren 20an) izango da, 18:30ean, Gipuzkoako EHAEOren egoitzan (Frantzia pasealekua, 11 – Donostia), eta hiri-berroneratzearen ingurukoa izango da. Horretarako, gaian adituak diren hiru arkitektoek hartuko dute parte: Pablo de la Hoz, Naiara Zabala eta Mikel Azcona. Ondoren, Iñigo Peñalba arkitektoak moderatutako eztabaidari ekingo zaio. Sarrera doakoa izango da, baina plazak mugatuak izango dira; beraz, aldez aurretik izena eman behar da Gipuzkoako EHAEOren web orrian.
Berriak - 2023ko apirilaren 04an, asteartea - 0 Iruzkinak
Formatu hauek onartzen dira: .docx, .pdf, .gif, .jpg, .png, .tif, .tiff edo .eps. Ez da onartuko goian aipatu ez den hizkuntza batean aurkezten den hautagairik.
Argazki guztiek egile-eskubiderik gabe egon beharko dute eta UIAk inolako murrizketarik gabe erabiltzeko eskubidea izango du.
Honekin batera Urrezko Dominaren eta UIA Sarien araudia atxikitzen da (gazteleraz).
Berriak - 2023ko martxoaren 22an, asteazkena - 0 Iruzkinak
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura | Gizartea batzordeak joan den urtearen amaiera Gipuzkoako etorkizuneko lurralde- eta hiri-ereduari buruz hausnartzeko eta eztabaidatzeko ziklo bat abiatu zuen. Lehen jardunaldia Loiolako kuartelen inguruan egin zen, eta bigarren topaketa hau bizitegi-garapen berriei buruzko eztabaidaren bila dabil. Hitzordua bihar izango da (osteguna, martxoak 23), 18:30ean, Gipuzkoako COAVNren egoitzan (Frantzia pasealekua, 11 – Donostia). Bertan, hirigintzan adituak diren hiru arkitektok hartuko dute parte: Oihana Arruti, Santiago Peñalba eta José Miguel Toledo. Ondoren, Oihana Santolaria arkitektoak moderatutako eztabaidari ekingo zaio. Sarrera doakoa izango da eta herritar guztientzat dago zabalik, baina plazak mugatuak dira; beraz, aldez aurretik izena eman behar da Gipuzkoako EHAEOren web orrian.
Berriak - 2023ko martxoaren 10an, ostirala - 0 Iruzkinak
Bueltan da 12 hilabete 12 emakume-arkitekto ekimenaren edizio berri bat. 2023an ere, saioak EHAEOren ordezkaritza guztietan egingo dira. Bizkaian hasiko dugu ibilbidea, Maivi Morrás Zuazo eta Andrea García Cresporen hitzaldiarekin.
Hitzaldiak aurrez aurre edota streaming bidez jarraitzeko aukera egongo da.
Ekimenari buruz
12H 12A emakume arkitektoen agertokia eta bozgorailua izan nahi du. Jardunaldi hauen helburua da emakume arkitektoak eta euren lana ikustaraztea eta jakin-nahia ezagutzea.
Berriak - 2023ko otsailaren 14an, asteartea - 0 Iruzkinak
EAEko birgaitze- eta obra berriko obretan bisatutako azalera % 34,4 hazi da aurreko urtearekin alderatuta, CSCAEk 2022ko balantzerako egindako bisatu-datuen arabera. Nolanahi ere, datu horiek xehetasun handiagoz aztertzean, hazkunde nagusia birgaitzean gertatzen da; izan ere, obra berriaren bisatutako azalera (bizitegitakoa + bizitegitakoa ez dena) %2 baino ez da igotzen, eta obra berriko datu positiboa ematen dute dutenak, bizitegietako obrei dagozkienak da.
Ikusi xehetasun guztiak jasotzen dituen txostena
Berriak - 2023ko urtarrilaren 11an, asteazkena - 0 Iruzkinak
Euskal Herriko Arkitektoen Elkargo Ofizialeko (EHAEO) Gipuzkoako ordezkaritzak Ondare atariak: irisgarri eta inklusiboak? erakusketa ekoitzi eta ikusgai jarri zuen 2021ean, Gipuzkoako Foru Aldundiak sustatzen dituen Ondarearen Europako Jardunaldien barruan. Erakusketak ikusmin handia sortu zuen eta harrera oso ona izan zuen publikoaren artean. Hori horrela, erakusketa berriro ere ikusgai jarriko da, oraingo honetan Egiako Kultura Etxean (Donostian). Inaugurazio-ekitaldia bihar, urtarrilak 12, izango da 19:00etan. Bestalde, urtarrilaren 25erako bisita-gidatu bat antolatu da erakusketara.
Pandemia garaian bete-betean geundela inauguratu zen lehenengoz Ondare atariak: irisgarri eta inklusiboak? erakusketa Gipuzkoako EHAEOren egoitzan, Ondarearen Europako Jardunaldien programazioaren barruan. “Osasun-egoeraren murrizketek baldintzatu arren, ikusleen erantzuna bikaina izan zen eta berriro ere ikusgai jarri behar genuela argi genuen”, diote Gipuzkoako EHAEOren Ondarearen batzordeko kideek, erakusketaren egileak. Hori horrela, eta asmo horri jarraiki, bihar 19:00etan berriro ere inauguratuko da, oraingo honetan Egiako Kultur Etxean. Ekitaldian, besteak beste, Juana Otxoa-Errarte Gipuzkoako EHAEOren lehendakariak eta Juan Martín Gipuzkoako EHAEOren Ondarearen batzordeko zuzendariak parte hartuko dute. Amaieran, mokadutxo bat partekatuko da gerturatzen direnekin.
Bestalde, urtarrilaren 25ean 11:00etan, erakusketara bisita gidatu bat egingo da, non atari bakoitzaren azalpen xeheagoa emango duten Gipuzkoako Ondarearen batzordeko zenbait kidek. Bisitan parte hartzeko, aurretik izena eman behar da Egiako Kultur Etxean.
Erakusketa hau otsailaren 28ra arte bisitatu ahal izango da honako ordutegian: astelehenetik ostiralera 9:00etatik 14:00etara eta 16:00etatik 20:30era.
Erakusketa honi buruz
Gipuzkoako Foru Aldundiak sustatzen dituen Ondarearen Europako Jardunaldien leloa Ondare irisgarria eta inklusiboa izan zen 2021ean. Hori horrela, Gipuzkoako EHAEOren Ondarearen batzordeak Donostiako Hiri Ondarea Babesteko Plan Bereziak B mailarekin babestuak eta eraikiak dauden eraikinetako atarien inguruko erakusketa ekoitzi zuen. Guztira 25 atari baziren, 23 portaleko jabeen baimenarekin osatu ahal izan zuen erakusketa.
Gai honek indarrean dagoen legeria betetzen dela eta berezko ondare-balioak mantentzen direla egiaztatzea planteatzen da, aplikatzean sortzen diren mugak eta zailtasunak aztertzeko. Erakusketa horrek aukera ematen du egoera horrek eragiten dituen arazoak egiaztatzeko, oro har eta kasu zehatz bakoitzean, eta profesional bakoitzak, ahal den neurrian, ematen duen erantzun teknikoa. Ondare-errespetuaren eta araudia betetzearen arteko oreka delikatua bilatuz.
Berriak - 2022ko abenduaren 23an, ostirala - 0 Iruzkinak
Azken urteetan bezala, Gipuzkoako EHAEOak Gabonetako postalen lehiaketa antolatu du 0 eta 15 urte bitartekoentzat, hiru adin-tarteetan banaturik. Aurten, guztira 73 lan jaso ditugu eta hauek izan dira irabazleak:
A kategoria (2015 eta hurrengo urteetan jaioak):
- Lehen saria: Eguberri on!, Garazi Gastesi Zanguitu
- Bigarren saria: Gau izartsua, Bruno González Aranburu
B kategoria (2014 eta 2011 artean jaioak):
- Lehen saria: Urte berriarekin astindu arkitekturari!, Martin Otaduy Sagarna. Postal hau aukeratua izan Gipuzkoako EHAEOk gabonak zoriontzeko.
- Bigarren saria: Gabonak hirian, Axel Carrillo Aiertza
C kategoria (2010 eta 2007 artean jaioak):
- Lehen saria: Zuhaiztutako Donostia, Garazi Zabaleta Pastor
- Bigarren saria: Olentzero leihoan, Ane Sánchez Robles.
Sariak emateko garaian epaimahaik kontua izan du: gaiaren egokitasuna, ideia originala, adina eta marrazkiaren lanketa.
Sari-banaketa abenduaren 30ean, ostirala, 13:00etan izango da, Gipuzkoako EHAEOaren egoitzan.
Aurkeztu diren lan guztiak laster jarriko ditugu hemen.
