2023ko apirilaren 18an, asteartea
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzako Kultura | Gizartea batzordeak, berriz ere, Gipuzkoako etorkizuneko lurralde- eta hiri-ereduari buruz hausnartzera eta eztabaidatzera gonbidatzen ditu herritarrak. Hirugarren jardunaldia ostegunean (apirilaren 20an) izango da, 18:30ean, Gipuzkoako EHAEOren egoitzan (Frantzia pasealekua, 11 – Donostia), eta hiri-berroneratzearen ingurukoa izango da. Horretarako, gaian adituak diren hiru arkitektoek hartuko dute parte: Pablo de la Hoz, Naiara Zabala eta Mikel Azcona. Ondoren, Iñigo Peñalba arkitektoak moderatutako eztabaidari ekingo zaio. Sarrera doakoa izango da, baina plazak mugatuak izango dira; beraz, aldez aurretik izena eman behar da Gipuzkoako EHAEOren web orrian.
Hiri-berroneratzea degradatutako edo hondatutako hiri-eremuak hobetzeko prozesua da, eta, planeamenduan garapen jasangarriaren printzipioa aplikatuz, hobekuntzak egitea proposatzen du, besteak beste, etxebizitza, garraioa, segurtasuna, ekipamenduak, berdeguneak eta hirugarren sektorekoak.
Helburua finkatu gabeko hiri-eremuak berritzeko eta biziberritzeko estrategiei buruz eztabaidatu eta gogoeta egitea izango da, esku hartzeko bideak zalantzan jarriz, eta gai hauek jorratuz besteak beste: dentsitatea handitzea, erabilerak nahastea, dibertsifikazio soziala, hiriaren irautea eta jostea, irisgarritasuna eta hirigintzaren bideragarritasuna eta kudeaketa.
Ziklo honi buruz
Gipuzkoako EHAEOk, hainbat arlotako adituen eskutik, herritarrekin batera Gipuzkoan izango den lurralde- eta hiri-ereduari buruz hausnartzeko eta eztabaidatzeko ziklo bat jarri zuen abian iaz. Lehenengoan, Loiolako kuartelen gaia landu zen; bigarrenean, bizitegi-garapen berriak, eta hirugarrenean, hiri-berroneratzeari buruz hitz egingo da. Maiatzean, landa-ingurunean sakonduko da, eta ekainean mugikortasun jasangarrian.
Informazio gehiago edota elkarrizketaren bat egin nahi izanez gero, jar zaitezte gurekin harremanetan:
Raquel López Viña
Komunikazio saila | EHAEO Gipuzkoa
Tel.: 943 320 194 / 688 834 213 · komunikazioa@coavngipuzkoa.eus · www.coavnss.org