Gipuzkoako arkitektoak
Euskal Herriko Arkitektoen Elkargoa Gipuzkoan

2026ko apirilaren 23an, osteguna

Bidaiatu iraganeko Donostiara! 

Gipuzkoako EHAEOko Ondare Batzordeak 1813. urtea baino lehenagoko Donostia irudikatzen duen murgiltze esperientzia aurkeztu zueno udazkenean. Hiru urteko proiektua izan da, Gipuzkoako Foru Aldundiko Kultura, Lankidetza, Gazteria eta Kirol Departamentuaren laguntzarekin egina, eta bidaia birtual honekin bukatzen dena.

Hiriko 3D eredu baten bidez, esperientzia berritzaile honek 1800eko Donostia errealitate birtualeko betaurrekoekin zeharkatzeko aukera ematen du. Hiru ibilaldi birtual dira, erabiltzaileak Plaza Zaharretik eta Udaletxetik bidaiatzera eramango dituztenak, eta garai hartako aerostato batean hirira hegaldi ikusgarria egitera eramango dituztenak, guztia 360º-tan egina.

Ibilaldiek izan zuten arrakasta ikusita, Gipuzkoako EHAEOk berriro irekiko ditu ateak, nahi duten pertsonek esperientzia honetaz gozatzeko aukera izan dezaten.

ibilaldi birtualak asteburu honetan bertan egingo dira, apirilaren 25ean eta 26an. Interesa duten pertsonek, lekua gorde beharko dute formularioaren bidez.

Txandak betetzen joan heinean, desagertzen jaongo dira aukerak.

IZEN-EMATEA

Hiru ibilaldi 

Lehenengo ibilaldian hiria hegan egingo da garai hartako aerostato batean, Urumearen ekialdeko ertzetik abiatu eta Urgull mendiaren altueraraino iritsiko dena. Ikusleek, beren begiradarekin, iraganeko hiriaren 3Dn irudikatu dute 360º-ko zabaltasunean, goitik zein behetik.

Bigarren ibilaldia Lurrezko Atean hasiko da, hegoaldeko fronte gotortuan sartuta dagoen hiriaren sarreran; gero, Plaza Zaharra zeharkatuko du –gaur egun Bulebarraren zati bat dago han–, eta Kale Nagusia zeharkatuko du, Santa Maria elizaren atarian amaitu arte.

Azken ibilaldia Plaza Berrian hasiko da, gaur egun Konstituzioaren plaza den horretan. Ondoren, udaletxe eta kontsuletxearen barruan sartuko da, Udaletxeko eta Kontsulatuko areto ospetsuak eta gainerako gelak bisitatuko ditu, eta lehenengo solairuko balkoian amaituko da, plazaren ikuspegi orokorraz gozatzeko.