2026ko irailaren 14an, astelehena
Euskal Herriko Arkitektoen Elkargo Ofizialeko (EHAEO) Kultura batzordeak eta Penguin Random House argitaletxeak Pedro Bravo idazle eta aholkulariaren Antes todo esto era ciudad azken liburuaren aurkezpena antolatuko dute. Ekitaldia ostegunean, irailaren 17an, 19:00etan, izango da, Gipuzkoako EHAEOren egoitzan (Frantzia pasealekua, 11), Donostian.
Aurkezpenean, Pedro Bravok bere saiakera berrian jorratzen dituen gaien inguruko hitzaldi bat emango du. Ondoren, Oihana Santolaria arkitektoarekin solasaldia izango du, eta liburuan agertzen diren gai batzuk gure inguruko errealitatearekin lotuko dituzte biek. Topaketari amaiera emateko, espazio ireki bat zabalduko da, bizi garen hiri eta lekuei buruz hausnartzeko.
Bertaratzea doakoa da, baina aldez aurretik izena eman behar da.
Topaketa amaitzean mokadutxoa eskainiko da.
Hiriaren gaineko begirada kritikoa
Antes todo era ciudad gure hirietara noraezean eramaten ari diren prozesuen azterketa kritikoa planteatzen du. Saiakerak gogoeta egiten du hirien bilakaeraz eta hiria topaketa, bizikidetza eta harremanetarako gune gisa berreskuratu eta defendatzeko beharraz.
Liburua proposamen inkonformista eta eraldatzaile gisa ere aurkezten da, bizi garen lekuak hobetzera bideratutako ideiak eta ekintzak planteatzen dituena. Joera autoritario, nazionalista eta indibidualistek markatutako testuinguruan, egilearen arabera. Hiria defendatu beharra aldarrikatzen du Bravok, elkar topatzeko eta harremanak izateko modu bat bezala.
Pedro Bravori buruz
Pedro Bravok urteak daramatza gizarte, ingurumen eta kultura gaiak ikertzen eta hausnartzen. Bai hedabideetan dituen kolaborazioetan, bai bere liburuetan islatzen ditu bere gogoetak. Hiriko gaiei buruzko erreferentziazko bi lan argitaratu ditu, hala nola Biciosos (Debate, 2014), mugikortasunari buruzkoa; Mucho de equipaje (Debate, 2018), turismoari buruzkoa; La opción B eleberria (Temas de Hoy, 2012); Cabo Norte ipuin liburua (Meneskularruak, 2020), eta ¡Silencio! Manifiesto contra el ruido, la inquietud y la prisa (Endebate, 2024).
Hamar urte baino gehiago daramatza aholkulari lanetan hiri, enpresa, erakunde eta nazioarteko erakundeentzat.
