Gipuzkoar arkitektoak
Euskal Herriko Arkitektoen Elkargoa Gipuzkoan

Imagen de cabecera del artículo

Gipuzkoako EHAEOren Ondarearen batzordeak Donostian eraikitako Ondare kulturalaren inguruko mahai-inguru publiko batzuen zikloa antolatu du


2017ko martxoaren 03an, ostirala

Eztabaida hauek martxoan, apirilean eta maiatzean egingo dira Zubieta liburu-dendan, eta herritar guztiei egongo dira irekiak 

Eztabaida publikoari ezagutzaren inguruan ekarpenak egiteko helburuarekin, Euskal Herriko Arkitektoen Elkargo Ofizialeko Gipuzkoako Ondarearen batzordeak mahai-inguru publiko batzuk antolatu ditu. Martxoan, apirilean eta maiatzean egingo dira Zubieta liburu-dendan (Errege Katolikoa kalea, 3 – Donostia). Eztabaida hauek Donostian eraikitako ondare kulturalaren ingurukoak izango dira, eta herritar guztiei irekiak egongo dira. Lehenengoa, martxoaren 9an izango da, 18:30ean eta Uliako Mintegiak izango ditu hizpide. Besteak beste, paisaia, ekipamendua, hirigintza eta parte-hartzearen inguruan hitz egingo da.

Bigarren mahai-ingurua apirilaren 6an ordu berean egingo da, eta EHOPBak eta hirigintzako instrumentuak izango da eztabaida gunea. Beste gauza batzuen artean, katalogo bat nola egiten den eta eraikin bat katalogoan sartzeko zein irizpide erabiltzen diren ezagutzera emango da. Azkenik, maiatzaren 4an (18:30) azken mahai-ingurua egingo da: Trinitate plaza eta Tenisaren. Eztabaida honetan jabetza intelektula, erabilera eta hiri-espazio publiko/pribatuari buruz hitz egingo da.

Ekintza honekin bilatzen dena da aldi berean eta foro bakar batean parte-hartze plural bat erakartzea, aditu eta: ez adituekin, non ikuspuntu teknikotik eta ez teknikotik zilegitutako ahotsak elkartuko diren, eta informazio trukaketa bat egongo den. Eztabaidaren formatua irekia izan nahi du, eta sarrera labur baten ondoren parte-hartzaileei emango zaie hitza.

 

Agenda


Hurrengo ekitaldiak

Twitter