2025ko azaroaren 26an, asteazkena
Gipuzkoako EHAEOko Ondare Batzordeak 1813. urtea baino lehenagoko Donostia irudikatzen duen errealitate birtualaren proiektua aurkeztuko du bihar osteguna (azaroak 27), 11:30ean. EHAEO Gipuzkoaren egoitza inauguratu berriak proiektuaren aurkezpena hartuko du, Gipuzkoako Foru Aldundiko Kultura, Lankidetza, Gazteria eta Kirol Departamentuaren babesarekin.
Prentsaurrekoan, honako hauek parte hartuko dute:
Errealitate birtualeko (VR) betaurreko batzuen bidez, erabiltzaileek esperientzia paregabe bat biziko dute, XVIII. mendearen amaierako hirira eramango dituena. Proiektuak hiru ibilaldi birtual barne hartzen ditu; lehenengo bietan hiriko gune enblematikoak esploratuko dira, hala nola Plaza Zaharra, Kale Nagusia eta Udaletxe zaharra. Hirugarren paseoan, hiritik hegaldi ikusgarri bat egingo da, garai hartako aerostato batean, guztia 360º-tan egina.
Aurkezpenean, hedabideek esklusiboki ibilaldi birtual horiek egin ahal izango dituzte, publikoarentzat erreserbatutako emanaldien aurretik. Ostiraletik aurrera eta asteburu osoan zehar, aurrez izena eman duten ia ehun lagunek izango dute esperientzia honetaz gozatzeko aukera.
Jarduera hau Ondarearen Europako Jardunaldien programazioaren parte da.
OHARRA: Aurkezpenaren ondoren, ikus-entzunezko materiala emango zaie eskatzen duten komunikabideei.
Informazio gehiago nahi izanez gero, jarri harremanetan komunikazio-sailarekin:
Raquel López Viña
EHAEO Gipuzkoa
Tel. 943 320 194 / 649107123
Email: komunikazioa@coavngipuzkoa.eus
