2024ko azaroaren 26an, asteartea
Euskal Herriko Arkitektoen Elkargo Ofizialaren (EHAEO) Gipuzkoako ordezkaritzak, Gipuzkoako Foru Aldundiaren Mugikortasun, Turismo eta Lurralde Antolaketa sailaren babesarekin antolatzen duen hausnarketa eta eztabaidara zikloaren urteko azken jardunaldia egingo du, Baserrien birgaitzearen ingurukoa. Jardunaldia, azaroaren 28an 18:00etatik aurrera egingo da Tolosako Idiakez Jauregian (Plaza Zaharra, 1), eta gaian adituak diren arkitekto hauek parte hartuko dute: Ainhoa Negeruela, Luis Alberdi eta Ibon Telleria. Ondoren, Oihana Santolaria arkitektoak moderatutako solasaldia izango da. Jardunaldiaren irekieran Azahara Domínguez foru diputatuak eta Itziar Rodríguez Gipuzkoako EHAEOeko idazkariak parte hartuko dute. Sarrera doakoa izango da eta herritar guztiei irekita dago, baina plazak mugatuak dira, beraz, beharrezkoa da aldez aurretik izena ematea Gipuzkoako EHAEOren webgunean.
Gipuzkoako baserrien etorkizuna izango da hizpide hausnarketa- eta eztabaida-zikloaren jardunaldi honetan. Baserriek historian zehar izan duten garapena, gaur egungo egoeraz, eta etorkizuenan izan beharko luketen bilakaera azalduko da. Baita ere, gaur egungo ondarea eraberritzeko aurkitzen diren traba administratiboak, zailtasun konstruktiboak, oztopo legalak, ezagutza falta, eta beste hainbat kontu azaleraziko dira, soluzio egokienak bilatze aldera. Hau guztiari buruz hitz egiteko Ainhoa Negeruela, Luis Alberdi eta Ibon Telleria gaian adituak diren arkitektoak izango dira. Ondoren, Oihana Santolaria arkitektoak moderatutako mahai-ingurua egongo da.
Aurretik, eta urteko azken jardunaldia izanik, Azahara Dominguez foru diputatuak eta Itziar Rodriguez Gipuzkoako EHAEOeko idazkariak hartuko dute hitza eta datorren urteko asmoen inguruen berri emango dute. Sarrera doakoa da, lekuak mugatuka direnez, aurretik Gipuzkoako EHAEOren webgunean izena ematea komeni da.
Gipuzkoako EHAEOk 2022. urtearen amaieran antolatzen hasi zen Lurralde eta Hiri ereduari buruzko gogoeta eta eztabaida jardunaldien bederatzigarren topaketa da hau (2024ko laugarrena). Jardunaldiek harrera bikaina izan dute orain arte, eta asmoa da 2025ean beste hainbat jardunaldi antolatzea Gipuzkoan zehar.
Azken urteko jardunaldien bideoak Gipuzkoako EHAEOren YouTubeko kanalean daude ikusgai.
