2025ko ekainaren 30an, astelehena
Gipuzkoako EHAEOko Jasangarritasun Batzordeak, Habic-en laguntzarekin, laugarrenez jarri ditu martxan GJH Sariak: Hiri eta Komunitate Jasangarriak, Gipuzkoan proiektu eraldatzaileak ikusarazi eta saritzeko helburuarekin. Zehazki, Nazio Batuen Garapen Jasangarrirako Helburuak barne hartzen dituzten eta, arkitekturaren eta hirigintzaren ikuspegitik, pertsonen bizi-kalitatea hobetzen laguntzen duten gizarte- eta ingurumen-proiektuak bereiziko dira. Era berean, eragin positiboa sortu beharko dute auzo eta komunitateetan.
Lehiaketaren hasieratik, edizio bakoitzak Garapen Jasangarrirako bi Helburu (GJH) espezifiko ditu ardatz, baita GJH 11 -Hiri eta komunitate jasangarriak- ere, zeharkako ardatz gisa jarduten duena eta etengabe indarrean dagoena. Aurtengo edizioan, lanak bi modalitate hauetan aurkeztu ahal izango dira:
Deialdia zabalik dago Gipuzkoan bizi diren edo lurraldean proiektuak garatu dituzten arkitektoentzat. Diziplina anitzeko taldeek ere parte har dezakete, baldin eta gutxienez tokiko lotura duen arkitekturako profesional bat badute.
Parte-hartzaileek izena emateko fitxa bat eta proiektua azaltzen duen DIN A1 formatuko panel bat bidali behar dituzte helbide elektroniko honetara: premiosodscoavngi@gmail.com.
Hautagaitzak aurkezteko epea uztailaren 31n amaituko da. Proiektu irabazleak urrian jakinaraziko dira. Sarien oinarriak Gipuzkoako EHAEOren webgunean kontsulta daitezke.
Sariak
Kategoria bakoitzak 900 euroko saria eta oroigarria izango ditu. Gainera, kalitateagatik eta ekarpenagatik nabarmentzen diren proiektuei aipamen bereziak emango zaizkie. Saritutako lan guztiak, bai lehiaketa honetan, bai TFG – Arkitektura jasangarria sarian, etengabe hazten ari den erakusketa baten parte izango dira. Erakusketa 2030ean osatuko da, bi ekimenak amaitzearekin batera.
Informazio gehiago nahi izanez gero, jar zaitez gurekin harremanetan:
EHAEO Gipuzkoa
Komunikazio saila
komunikazioa@coavngipuzkoa.eus
tel.: 943 320 194 / 649 107123
