2008ko irailaren 02an, asteartea
FAMILIA BAKARREKO ETXEBIZITZA BAT PARISEN 2005/2007 - HTC arquitectos
Karrikatik ikustezina, zurezko ate haundi bat iriki, ataripea pasa eta kontextutik kanpo aurkitzen du batek bere burua. Jabekideen kale barruan, patio luzengaren alde batean etxebizitzak daude behe eta lehengo solairuan, beste aldera planta bakarreko tailerrak. Galtzada-harriak zoruan, landareak, erropa balkoietan zintzilikatua, oholak, hormigoizko blokeak eta landareak berriro ere. Enkarguaren betekizunak: aurrekontu hestua, espazio beharra eta argitasun grina.
Goiko planta jatorrizko blokezko horma zamalkatzen duten hiru metalezko portikoren gainean eusten da. Oinplanoa espazio erabilgarriaren muga berbereraino heltzen da. Bizigune bakarra ,egongela eta sukaldea, behe solairuan antolatzen da. Hiru aldetan itxita, bolumena hegoalderuntz erabat irikitzen da, altuera osoa betetzen duten beira handiek argitasun guztiaz profitatzen dutelarik. Hego fazada bere osotasunean kolore bizi eta beroak dituzten oihalezko estoreez hornitua dago. Itxita, guztiz edo zati batean bakarrik irikita momentua edo gogoaren arabera, estoreek fazada eraldatzen dute eta patio amankomunaren bizitzarekin bat egiten dute. Egitasmo hau eraldaketa gozo bat da, sinple eta eskuzabal, moderno eta adeitsu izatea nahi du. Hiri-antolamenduak ezartzen dituen mugei ahalik eta gertuen moldaturik, handitze-lan honek tokiaren baldintzapenez ahalik eta ongien profitatzea nahi du, aldi berean kontestu heterogeneo eta trinko batean bare-bare sartuz.
Eraikin hau 2007 urteko “lehen eraikin hoberena” lehiaketan finalista izan zen Frantzian. AMC / Le Moniteur aldizkariaren 2007ko urtekarian argitaratua.
Vivienda Unifamiliar en Paris. (2005-2007).
Transformación de un taller en vivienda unifamiliar.
Datuak:
bukaera data: 2007ko ekaina.
kokapena: Paris Saint Ouen (93)
Proiektu egileak: H arquitectos.
Pablo García Astrain & David Duchein.
Obra zuzendaritza: David Duchein
Promotorea: Dablemont-Barthélémy.
Azalera eraikia: 80m2
Aurrekontua: 100 000 €
Proiektuaren data: 2005ko urtarrila.
©Fotografías: Guilhem Vicard.
Zure kontsulta bidalia izan da eta eperik motzenean erantzungo zaizu. Eskerrik asko gurekin kontaktuan jartzeagatik.
