2016ko otsailaren 25an, osteguna
Euskal Herriko Arkitektoen Elkargo Ofizialeko (EHAEO) Gipuzkoako ordezkaritzak eraikinen mantenu eta prebentzioa eta Eraikuntzen Ikuskaritza Teknikoaren (EIT) garrantziari buruzko hitzaldia emango du Eibarren, datorren martxoaren 2an (asteazkena) 19:00etan Portalea Kultur Etxean. Olatz Etxeberria arkitektoak egindako sarrera baten ondoren, Judith Ubarrechena arkitektoak eta EHAEOko komunikazio bokalak emango du hitzaldia. EITa zer den, zeintzuk dauden derrigortuak egitera, legediak gai honen inguruan zer esaten duen eta bizilagun elkarte batek dirua nola aurreztu dezaken eta eraikina egoera onean mantendu azalduko du. Bestalde, Eibarko bizilagunek gai honen inguruan dituzten zalantzak argituko ditu. Hitzaldia doakoa da eta nahi duen ororentzat dago irekita.
Ekitaldi hau Debegesak, Eibarko Udalak eta Gipuzkoako EHAEOk elkarlanean antolatua izan da.
Informazio gehigarria: EITaren garrantzia. Rafa Niño Rabadán Gipuzkoako EHAEOko idazkaria.
Zure kontsulta bidalia izan da eta eperik motzenean erantzungo zaizu. Eskerrik asko gurekin kontaktuan jartzeagatik.