2021ko apirilaren 19an, astelehena
Lorenzo Goicoechea arkitektoak Liburuak eta arkitektoak: bi bidaiari (Libros y arquitectos: dos compañeros de viaje) hitzaldia emango du ostiralean, apirilaren 23an (13:00etatik 15:00etara), Gipuzkoako EHAEOn, Liburuaren Nazioarteko Eguna dela-eta. Ordezkaritzaren liburutegiak antolatuta, hitzaldia aurrez aurre edo streaming bidez jarraitu ahal izango da, eta parte-hartzaile guztiek liburu bat jasoko dute opari. Lorenzo Goicoecheaz gain, Víctor Aspe arkitektoak eta Gipuzkoako EHAEOren Gobernu Batzordeko kideak ere parte hartuko du, eta ordezkaritzaren liburutegia eta dituen fondoak (eta altxorrak) aurkeztuko dizkie parte-hartzaileei.
Aurretik izena ematea ezinbestekoa izango da, eta hitzaldia zein moduetan jarraituko den adierazi. Bizi dugun osasun-emergentziazko egoera dela eta, aurrez aurreko modalitateko lekuak mugatuak izango dira (gehienez 15 pertsona). Horregatik, lekuak esleitzerakoan, inskripzio ordenari jarraituko zaio.
Izen emateak www.coavnss.org webgunean egin ahal izango dira.
Lorenzo Goicoecheari buruz
Lorenzo Goicoechea Fuentes (Donostia, 1965) Euskal Herriko Unibertsitateko AGETen eskuratu zuen arkitekto titulua 1993an. Urte horretan bertan egin zen elkargokide eta Ana Sanzekin batera, Goicoechea-Sanz Arquitectos estudioa sortu zuen. Bere ibilbide profesionalean errehabilitazioan espezializatu da. Lorenzo ezagutzen dutenek badakite liburuak maite dituela eta ezagutza bibliografiko zabala duela, batez ere arkitektura eta hirigintza gaietan.
* Hitzaldia online jarraitzen dutenek, euren etxean jasoko dute liburua
Quaró: % 10aren deskontua liburuetan
Bestalde, Gipuzkoako EHAEOaren egoitza berean dagoen Quaró Servicios de Reprografía dendak % 10eko deskontua aplikatuko du liburu guztietan egun horretan. Gainera, osasun-egoera dela-eta Donostiara joan ezin dutenek % 10eko deskontua izango dute aste honetan posta elektronikoz edo telefonoz (943 326 800) egiten dituzten liburu-eskaeretan. Erreprografia zerbitzuez gain, irakurleek Quarón arkitektura eta hirigintza gaietako liburu eta aldizkari eskaintza zabala aurkitu dezakete.
Zure kontsulta bidalia izan da eta eperik motzenean erantzungo zaizu. Eskerrik asko gurekin kontaktuan jartzeagatik.